މިއަހަރުގެ ތިން ވަނަ ކްއާޓަރުގައި ސައޫދީ އަރަބިއްޔާގެ ތެލުގެ އާމްދަނީ 147 ބިލިއަން ރިޔާލަށް (39 ބިލިއަން ޑޮލަރު) އަށް އަރާފައި ވާއިރު، އެހެނިހެން އާމްދަނީ 53 ޕަސެންޓަށް އިތުރުވެ، 111.5 ބިލިއަން ރިޔާލަށް (30 ބިލިއަން ޑޮލަރު) އަރައިފި އެވެ.
ސައޫދީ އަރަބިއްޔާގެ ފިނޭންސް މިނިސްޓްރީން ބުދަ ދުވަހު ނެރުނު ރިޕޯޓުގައި ޖުލައިން ސެޕްޓެމްބަރުގެ ނިޔަލަށް ހަރަދު 294.3 ބިލިއަން ރިޔާލަށް އަރާފައި ވާއިރު، 35.77 ބިލިއަން ރިޔާލުގެ ޑެފިސިޓެއް ވަނީ ވެފަ އެވެ. އެ ކްއާޓަރުގެ ޖުމްލަ އާމްދަނީގެ ގޮތުގައި ރެކޯޑްކޮށްފައި ވަނީ 258 ބިލިއަން ރިޔާލެވެ.
މި އަހަރު، ސެޕްޓެމްބަރުގެ ނިޔަލަށް ސައޫދީ އަރަބިއްޔާގެ ބަޖެޓު ދަރަނި 994.26 ބިލިއަން ރިޔާލަށް އަރާފައިވާއިރު، 628.6 ބިލިއަން ރިޔާލަކީ އެތެރޭގެ ދަރަންޏެވެ.
ވަލީއަހުދު މުހައްމަދު ބިން ސަލްމާނުގެ "ވިޝަން 2030"ގެ ލަނޑުދަނޑިތަކާ އެއްގޮތަށް އިގްތިސާދު ސިންދަފާތު ކުރަން މަސައްކަތް ކުރަމުން ދާއިރު، މާލީ ކަންކަމަށް އިސްލާހުތައް ގެންނާނެ ކަމަށް ފިނޭންސް މިިސްޓްރީން ބުނެ އެވެ.
ސައުދީ އަރަބިއްޔާގެ ބަޖެޓު ދަރަނި ބޮޑުވަމުން ދާއިރު، އަންނަ އަހަރުގެ ދަރަނި ޖީޑީޕީގެ ނިސްބަތުން 1.9 ޕަސެންޓު، 2025 ގައި 1.6 ޕަސެންޓު އަދި 2026 ގައި 2.3 ޕަސެންޓުގައި ބެހެއްޓުމަށް ވަނީ އަމާޒު ހިފައިފަ އެވެ.
