މަޖިލީސް 20; ޒުވާނުންގެ މަޖިލީހަކަށް ހެދުން!

ރައްޔިތުންގެ މަޖިލީހުގެ އިދާރާ -- ފޮޓޯ: އަދަދު

ރައްޔިތުންގެ މަޖިލީހުގެ އިދާރާ -- ފޮޓޯ: އަދަދު

ގާނޫނު އަސާސީ އެކުލަވާލި މަޖިލީހުގައި ގިނައީ ހަރު ބޭފުޅުންނެވެ. އޭގެ ތެރެއިން ގިނަ ބޭފުޅުންނަކީ ރައްޔިތުންގެ މަޖިލީހުގައި ވަރަށް ގިނަ ދުވަހު 'ހިދުމަތް' ކުރައްވާފައިވާ ބޭފުޅުންނެވެ. އެ ބޭފުޅުން މަޖިލީހަށް ހޮވުނުއިރު، މަޖިލީހަކީ ކީއްކުރާ ތަނެއްކަމާއި، ގާނޫނު އަސާސީ އަކީ ކޯއްޗެއްކަން އެނގޭ މީހުން ނިސްބަތުން މަދެވެ. އެ ބޭފުޅުންގެ ޅަދުވަހުގެ މަޖަލާއި، މެދުއުމުރުގެ ހަރުދަނާކަމާއި، ހަރު އުމުރުގެ ހިކުމަތްތެރިކަން ތަޖުރިބާ ކުރެއްވީވެސް މަޖިލީހުގެ މެމްބަރުންގެ ގޮތުގައި ތިއްބަވައިގެންނެވެ. ތަޖުރިބާއާއި ހިލްމަކީ އުމުރުގެ ސަބަބުން ނުވަތަ ގިނަ ދުވަހު އެއްކަމެއް ކުރުމުގެ ސަބަބުން ލިބޭ ކަމަކަށް ވީނަމަ ރާއްޖޭގައި އޮންނާނީ ހާދަހާ ފުރިހަމަ ގާނޫނީ ނިޒާމެކެވެ.

މި ގާނޫނު އަސާސީ އެކުލަވާލުމުގެ މަސައްކަތާއެކު ދިވެހިން ޒަމާނީ ޑިމޮކްރެސީއަށް ލޯހުޅުވެން ފެށި އެވެ. އައު އެތައް މޫނަކަށް ސިޔާސީ މައިދާނުން މަރުހަބާ ކިޔައި، އައު ތަޖުރިބާތަކަށް ޖާގަ ހުޅުވާލި އެވެ. އެ ދުވަހުން ފެށިގެން މިއަދާ ހަމައަށްވެސް ސިޔާސީ މަސައްކަތުގައި ފެންނަނީ އެ މޫނުތަކެވެ. ކުރަނީ އެންމެ ފުރަތަމަ ދުވަހުވެސް ކުރި ކަންތަކެވެ. ދައްކަނީ ކުރިންވެސް ދެއްކި ވާހަކަތަކެވެ. އަޅުގަނޑުމެން އާންމު ރައްޔިތުންނަށް އެނގެނީ ރައްޔިތުން އުއްމީދުކުރި ނަތީޖާއެއް ނުފެންނަ ކަމެވެ.

މި ގާނޫނު އަސާސީއަށް 15 އަހަރު ވެގެން ދިޔައިރު، ރައްޔިތުންގެ މަޖިލީހުގެ ތިން އިންތިހާބު ބޭއްވިއްޖެ އެވެ. އުމުރުން 40 އަހަރުން ދަށުގެ މީހުންނަށް މަޖިލީހުން ފުރުސަތު ލިބެނީ މަދުންނެވެ. ހުރިހާ ދާއިރާއަކުންވެސް އާންމުގޮތެއްގައި އިންތިހާބުވެގެން އަންނަނީ، އެ ދާއިރާއެއްގައި މާ ކުރިއްސުރެ މޫލައި ފެތުރިފައި އޮތް ވިސްނުމުގެ ތެރެއިން އަންނަ މީހާ އެވެ. ފަހުގެ ޖީލުތަކާ ބީރައްޓެހި ނަމަވެސް ހަރު މީހުންގެ ނަސޭހަތަށް ޒުވާނުންގެ ވޯޓުވެސް ދެނީ އެއްކަލަ މީހާއަށެވެ. އެހެން ނުވާންވީ ކީއްވެ ހެއްޔެވެ. ކާފަ ބަލިވީ ދުވަހު އާސަންދަ ހަމަޖައްސައިދިނީ އޭނާ އެވެ. އިންޑިއާއަށް ފޮނުވަން ޖެހުނު ފަހަރު 200 ޑޮލަރު ދިނެވެ. ގޭގެ ވަށާފާރު ރޭނި އިރު ދިގު މުއްދަތުން ދައްކާ ހަލާސްކުރާ ގޮތަށް ތަކެތި ދިނީ އޭނާގެ ފިހާރައިންނެވެ. މުޅި އާއިލާ ދިރިއުޅެނީ އޭނާގެ ހެވަތުގައި ކަމަށްވާތީ އޭނާ އެދުނު ކަންތައް އޭނާއަށް ކޮށްލަދޭން ޖެހެނީ އެވެ.

Advertisement

ރައްޔިތުންގެ މަޖިލީހުގެ މެމްބަރަކު ކުރަންޖެހޭ މަސައްކަތަކީ ކޮބައިކަން ރައްޔިތުންނަށް އޮންނަނީ އޮޅުވާލައިފަ އެވެ. ރައްޔިތުންގެ ހުންނަ މާލީ މުހުތާދުތައް ފިލުވައި ދިނުމުގައި ހަރަދުތަކެއް ކޮށްފައި އޮތްނަމަ ވޯޓު ހައްގުވީ ކަމުގައި ދެކުމަކީ މިވަގުތުގެ މަގުބޫލު ރައުޔެވެ. ރައްޔިތުންގެ މަޖިލީހަށް ދުވަހަކު ހާޒިރުނުވާ މެމްބަރުންވެސް ބޮޑު ތާއިދަކުން އަނެއް ދައުރަށް އިންތިހާބު ވަނީ އެ ވިސްނުމުގެ ސަބަބުންނެވެ.

ތެދެކެވެ. ދާއިރާގެ މެމްބަރު ރައްޔިތުންގެ ހާލު ބަލަންޖެހޭނެ އެވެ. ޖުމުލަ ގޮތެއްގައި އެންމެނަށް ފައިދާވާނޭ ނިޒާމުތައް އެކަށައެޅުމަށް މަޖިލީހުގެ ތެރެއިން މަސައްކަތް ކުރަންވާނެ އެވެ. ދާއިރާގެ ރައްޔިތުންނާ ގުޅުން އޮންނަންޖެހޭނެ އެވެ. އެހެންނަމަވެސް ރައްޔިތުންގެ މަޖިލީހުގެ މެމްބަރަކީ ދާއިރާގެ ހުރިހާ ރައްޔިތުންގެ ބެލެނެވެރިޔާއެއް ނޫނެވެ.

މަޖިލިސް މެމްބަރެއްގެ ވަޒީފާއާމެދު މި އޮންނަ ކުރަކި، އަދި ދެކޮޅު ނުޖެހޭ ވިސްނުން ނައްތާލެވޭނީ އެ ސިޔާސީ މުއައްސަސާ މިހާރުގެ ޖީލުތަކުގެ އަތްމައްޗަށް ފުރިހަމައަށް އަރުވައިގެންނެވެ. މިހާރުގެ ޒުވާނުންނޭ ދެންނެވީމާ އޮޅުވައި ނުލައްވާށެވެ. ހަމައެކަނި އުމުރު ޒުވާންވުމުން މަޖިލީހަށް އައުމަށް ޝަރުތު ފުރިހަމަވާކަމަށް އަޅުގަނޑު ވަކާލާތުކުރަނީކީ ނޫނެވެ. އަޅުގަނޑު މި ދަންނަވާ ޒުވާނާއަކީ ތައުލީމީ މީހެކެވެ. އުމުރުގެ ޒުވާންކަމާއެކުވެސް ހަރު ވިސްނުން ހުރި ހަރުދަނާ މީހެކެވެ. ހުތުރެއްގައި ނުބެދި ހުރި ފަސްބައި ސާފު އަބުރުވެރި މީހެކެވެ. އެ ވިދާޅުވާ ސިޔާސީ ތަޖުރިބާ މަދަސް ގައުމަށް ހެޔޮގޮތް ހޯދައިދިނުމުގެ ވިސްނުމާއި ޖޯޝު ހުރި މީހެކެވެ.

ރައްޔިތުންގެ މަޖިލީހަށް މި ދެންނެވި ކަހަލަ އެންމެ ޒުވާނަކު ނުވަތަ ދެ ޒުވާނަކު އިންތިހާބުވެގެން އަޅުގަނޑުމެން ބަދަލެއް ނުފެންނާނެ އެވެ. ސިޔާސަތުތަކާއި މަސައްކަތުގެ ވައްޓަފާޅީގެ ބަދަލެއް އަންނާނީ އެއް ވިސްނުމެއްގެ ގިނަ ބަޔަކު އެކުވުމުންނެވެ. ސިޔާސަތުގައި ހުރި ތަފާތުކަމާއެކުވެސް ކުރިއަށް ދާން އެ ޒުވާނުން ދަންނާނެ އެވެ. ރާއްޖޭގެ އާބާދީގެ މައިގަނޑު ހިއްސާކުރަނީ ޒުވާނުން ކަމަށްވާއިރު، ޒުވާނުން އެކުލެވޭ މަޖިލީހަކުން ނޫން ގޮތަކަށް މި ޖީލުތައް ތަމްސީލެއް ނުކުރެވޭނެ އެވެ.

އަޅުގަނޑުގެ ބޭނުމަކީ މައުލޫއެއް ހުޅުވާލުމެވެ. މިފަހަރު ރައްޔިތުންގެ މަޖިލީހަށް ހަރުދަނާ ޒުވާނުން އިންތިހާބުކޮށް، މަޖިލީހުގެ އަގުލަބިއްޔަތު ޒުވާނުންނަށް ދިނުން ކިހިނެއް ވާނެ ހެއްޔެވެ؟

ކޮމެންޓް

ފަހުގެ ޚަބަރު

ޑިސެންބަރު 2 ގެ ކުރިން މި ފުރުސަތުގެ ބޭނުން ހިފާށެވެ.

ރަސްމާލެ މަޝްރޫއަށް މަގުފަހިކުރާ "ރިއަލް އެސްޓޭޓް ވިޔަފާރީގެ ބިލަށް" އާންމުންގެ ހިޔާލު ހޯދުމަށް ހުޅުވާލާފައިވާ ފުރުސަތުގެ ބޭނުން ހިފުމަށް މި ލިޔުމުގައި ގޮވާލާފައިވެއެވެ. ގައުމުގެ ބިމާއި ސިޔާދަތު ހިމާޔަތްކުރުމަށްޓަކައި، ޑިސެންބަރު 2 ގެ ކުރިން ހުރިހާ ފަންތިއެއްގެ ރައްޔިތުންނާއި ތަޖުރިބާކާރުން މަޖިލީހުގެ ކޮމިޓީއަށް ހިޔާލު ފޮނުވުމަކީ ގައުމީ ވާޖިބެއްގެ ގޮތުގައި ފާހަގަކޮށްފައިވެއެވެ.

ސިޓީބިޓީ: އިހުތިރާމާ ގުޅޭ ގޮތުން ރައީސް މުއިއްޒަށް ސުވާލެއް!

ރައީސް ޑރ. މުއިއްޒު "އިހުތިރާމް އަދާކުރުމުގެ ގައުމީ މަޝްރޫއު" އިފްތިތާހު ކުރެއްވި ނަމަވެސް، އެ މަޝްރޫއުގެ ތަފްސީލާއި އިހުތިރާމުގެ މާނަ ސާފުކޮށްދެއްވާފައި ނުވާތީ މި ލިޔުމުގައި ވަނީ ފާޑުކިޔާފައެވެ. އަދި މުޅި ގައުމަށް ނަސޭހަތް ދެއްވުމުގެ ކުރިން، ރައީސްގެ އަރިހުގައި ތިއްބެވި ބޭފުޅުންގެ އަމަލުތަކާއި ބަސްމަގު ހުރި ގޮތުން އެ ބޭފުޅުންނަށް އިހުތިރާމް ކުރަން ދަސްކޮށްދެއްވާފައިވޭތޯ ލިޔުމުގައި ސުވާލު އުފައްދާފައިވެއެވެ.

ރިންގު ހުސްވަންދެން ދިހަ ބާރަފަހަރަށް ގުޅުމުގެ ދީނީ ހުކުމް

ތިމާގެ އެކުވެރިޔާގެ ހާލަތްތަކާއި އުޒުރުތަކެއް ހުރެދާނެކަމަށް ބެލުމެއް ނެތި އެކުވެރިޔާއަށް އުނދަގޫވާނެހެން ދިހަބާރަ ފަހަރަށް ރިންގު ހުސްވަންދެން ފޯނުކޮށްކޮށް ހުރުމަކީ އެކުވެރިޔާގެ ޑިޖިޓަލް ޕާރސަނަލް ސްޕޭސްއަށާއި ބައުންޑަރީއަށް އަރައިގަތުމެވެ. އެކަމަކީ ދީނީގޮތުން ކޮށްގެންވާނެ ކަމެއް ނޫނެވެ.

ތަދުވަނީތަ ހިތަށް؟ ތިއީ ދެން ކޮންކަމެއް؟

މި ލިޔުމަކީ ފަރެސް އާމިރުގެ ޅެންތަކުގެ ތެރެއިން، 'ހުސްވަތެއް ދުޅައަށް ގުނުން މަކަރަށް ވެދާށި' މި ޅެމުގެ މައްޗަށް ލިޔެފައިވާ ލިޔުމެކެވެ. މި ލިޔުމުގައި ބަލާލާފައިވަނީ އެ ޅެމުގެ ވަކިވަކި ބައިތުތަކުގެ މާނައަށެވެ.

އަހަރެން ވެސް ތަރައްގީ ދެކެން ބޭނުން... އެކަމަކު

1977 ވަނަ އަހަރު ސޮވިއެޓް ޔޫނިއަނުން އައްޑޫ ގަން ކުއްޔަށް ހިފަން ހުށަހެޅި ބޮޑު އަގު، ރާއްޖޭގެ މިނިވަންކަމާއި ވަކިފަރާތަކަށް ނުޖެހޭ ސިޔާސަތު ދެމެހެއްޓުމަށްޓަކައި ރައީސް ނާސިރު ދޫކޮށްލެއްވިއެވެ. މީގެ އިތުރުން، ރާއްޖޭގެ އިގްތިސާދީ މިނިވަންކަން ކަށަވަރުކުރުމަށްޓަކައި ވޯރާ ވިޔަފާރިވެރިން ރާއްޖެއިން ފޮނުވާލައި، ގައުމީ މަސްލަހަތަށް އިސްކަންދެއްވައިގެން މުހިންމު ފިޔަވަޅުތަކެއް އެމަނިކުފާނު އެޅުއްވިއެވެ.

ސިންގަޕޫރާއި ދެކުނު ކޮރެއާގެ ފޮރިން އިންވެސްޓްމަންޓާ އަޅާކިޔުން

ރާއްޖެއަށް ބޭރުގެ އިންވެސްޓްމަންޓްތައް މުހިންމު ނަމަވެސް، ބިން ދޫކުރުމުގައި ދައުލަތަށް ލިބޭ ދާއިމީ ފައިދާއާއި ނުރައްކަލަށް ވިސްނަންޖެހެއެވެ. ސިންގަޕޫރު ފަދަ ގައުމުތަކުގައި ބޭރުގެ އިންވެސްޓަރުންނަށް ބިން ދޫކުރަނީ ހާމަކަންބޮޑު ބީލަމުގެ ނިޒާމެއްގެ ތެރެއިން، ވަކި މުއްދަތަކަށް ކުއްޔަށް ކަމަށްވާއިރު، ބިމުގެ މިލްކިއްޔާތާއި ބަނދަރު ފަދަ މުހިންމު ވަސީލަތްތައް ބާއްވަނީ ދައުލަތުގެ ބާރުގެ ދަށުގައެވެ. އެހެންކަމުން ރާއްޖޭގެ މަޝްރޫޢުތައް ކުރިއަށްގެންދާއިރު މިފަދަ ކާމިޔާބު ނަމޫނާތަކަށް ބަލައި، ދައުލަތުގެ މަންފާ އިސްކުރުން މުހިންމެވެ.

އީގަލް ހިލްސްއާ ނުލައި ވެސް ރަސްމާލެއިން ދާއިމީ ނަފާ ހޯދިދާނެ

ރަސްމާލެ ޓޫރިޒަމަށް އީގަލް ހިލްސްއަށް ދޫކޮށްލައިގެން ނުވާނެ. އޭގެ ބަދަލުގައި، ދިވެހިންގެ ފުރިހަމަ މިލްކުވެރިކަން އޮންނަ "ރަސްމާލެ ހިއްސާ" ކުންފުނިން ބިމުގެ ކޮންޓްރޯލް ހިފަހައްޓައި، ދައުލަތް އެންމެ ލޯނެއް ވެސް ނުނަގައި، ވަޒީފާތަކަށް އަމާޒުކޮށް އަމިއްލަ ހަރަދު އަމިއްލައަށް ބަލަހައްޓާ ދިރުންހުރި ސިޓީއެއް ބިނާކުރަންވީ.

Newsletter

Get the latest news delivered straight to your inbox