ރެޑް ކްރެސެންޓުގެ ފަލަސްތީން އިމަޖެންސީ ފަންޑުގެ މުއްދަތު އިތުރުކޮށްފި

ރެޑް ކްރެސެންޓުން މިއަދު ބޭއްވި ނޫސްވެރިންގެ ބައްދަލުވުން -- ފޮޓޯ: ފައިލް

ރެޑް ކްރެސެންޓުން މިއަދު ބޭއްވި ނޫސްވެރިންގެ ބައްދަލުވުން -- ފޮޓޯ: ފައިލް

އިޒްރޭލުން ފަލަސްތީނަށް ދެމުންދާ ހަމަލާތަކާއި ގުޅިގެން އެ ގައުމަށް އެހީވުމަށް ރާއްޖޭގެ ރެޑް ކްރެސެންޓުން ހުޅުވާލާފައިވާ އިމަޖެންސީ ފަންޑަށް ފައިސާ ޖަމާކުރެވޭ މުއްދަތު އިތުރުކޮށްފި އެވެ.

ރެޑް ކްރެސެންޓުން މިއަދު ބޭއްވި ނޫސްވެރިންގެ ބައްދަލުވުމެއްގައި އެ ޖަމިއްޔާގެ ސެކްރެޓަރީ ޖެނެރަލް ފާތިމަތް ހިމްޔާ ވިދާޅުވީ، ފަލަސްތީނު ރެޑް ކްރެސެންޓަށް އެހީވުމުގެ ގޮތުން އޮކްޓޯބަރު 14، ގައި ހުޅުވާލި އިމަޖެންސީ ފަންޑަށް ފައިސާ ޖަމާކުރެވޭ މުއްދަތު އިތުރުކުރުމަށް ނިންމާފައިވާ ކަމަށެވެ.

އެގޮތުން, ފަލަސްތީނު އިމަޖެންސީ ފަންޑަށް އަންނަ ނޮވެމްބަރު 12، ގެ ނިޔަލަށް ފައިސާ ޖަމާކުރެވޭނެ ކަމަށް ހިމްޔާ ވިދާޅުވި އެވެ. މީގެ ކުރިން އޮތީ އަންނަ ހޮނިހިރު ދުވަހަށް ފަންޑުގެ މުއްދަތު ހަމަވާ ގޮތަށެވެ.

ފަންޑުގެ މުއްދަތު އިތުރު ކުރަން ރެޑް ކްރެސެންޓުން ނިންމީ ފަލަސްތީނުގައި ކުރިއަށްދާ ހަނގުރާމައިގެ ހާލަތު ބަދަލުވަމުންދާ ގޮތުގެ އިތުރުން، އާންމުންގެ ވަރަށް ގިނަ ފަރާތްތަކުގެ އެދުމުގެ މަތިން ކަމުގައި ހިމްޔާ ފާހަގަކުރެއްވި އެވެ.

"ހަނގުރާމައިގެ ހާލަތު ބަދަލުވަމުންދާ ގޮތުންނާ، އާންމުގެ ތެރެއިންނާ އެކި ފަރާތްތަކުގެ އެދުމުގެ މަތިން މި މުއްދަތު[އިމަޖެންސީ ފަންޑަށް ފައިސާ ޖަމާކުރުމުގެ މުއްދަތު] އަޅުގަނޑުމެން މިވަނީ ނޮވެމްބަރު 12، އަށް އިތުރުކޮށްފަ،" ހިމްޔާ ވިދާޅުވި އެވެ.

ހިމްޔާ ވަނީ މި ފަންޑަށް ލިބޭ ހުރިހާ ފައިސާއަކީ ވެސް ފަލަސްތީނު ރެޑް ކްރެސެންޓުގެ އިމަޖެންސީ ފަންޑަށް ފޮނުވޭނެ ފައިސާކަމަށް ވިދާޅުވެފަ އެވެ. އަދި އޮކްޓޯބަރު 24، ގެ ނިޔަލަށް ރެޑް ކްރެސެންޓުގެ އިމަޖެންސީ ފަންޑަށް 1.6 މިލިއަން ރުފިޔާ ލިބިފައިވާ ކަމަށާއި، ފައިސާ ޖަމާކޮށްފައިވަނީ އަމިއްލަ ވަކި ވަކި ފަރުދުންކަން ހިމްޔާ ފާހަގަކުރެއްވި އެވެ.

އޭގެ އިތުރުން، ފަންޑަށް ފައިސާ ޖަމާކުރުމުގެ މުއްދަތު އިތުރުކުރި ނަމަވެސް، ވީ އެންމެ އަވަހަކަށް ފަލަސްތީނަށް އެހީތެރިކަން ފޯރުކޮށްދިނުމުގެ ގޮތުން އޮކްޓޯބަރު 28، ގެ ނިޔަލަށް ލިބޭ ފައިސާ ފަލަސްތީނު ރެޑް ކްރެސެންޓަށް ފޮނުވުމުގެ މަސައްކަތް ކުރަމުން އަންނަ ކަމަށް ރެޑް ކްރެސެންޓުން މައުލޫމާތު ދެ އެވެ.

"މި ހާރު ވެސް ފައިސާ ހަވާލުކުރުމުގެ މަސައްކަތް ކުރިއަށް ގެންދިޔުމަށްޓަކައި ފަލަސްތީނު ރެޑް ކްރެސެންޓާއި ކަމާއި ގުޅުންހުރި އެކި ބޭންކުތަކާ އެކު ވެސް މަޝްވަރާތައް ވަނީ ފެށިފަ،" ރެޑް ކްރެސެންޓުގެ ސެކްރެޓަރީ ޖެނެރަލް ހިމްޔާ ފާހަގަކުރެއްވި އެވެ.

ރެޑް ކްރެސެންޓުން ވަނީ ފަލަސްތީނަށް އިންސާނީ އެހީ ފޯރުކޮށްދިނުމުގެ ގޮތުން، އިޒްރޭލުން އެ ގައުމަށް ދެމުންދާ ހަމަލާތައް ވަގުތީ ގޮތުން ހުއްޓާލުމަށް ގޮވާލާފަ އެވެ.

އިޒްރޭލުން މެދުކެނޑުމެއް ނެތި ފަލަސްތީނަސް ދެމުންދާ ހަމަލާތަކުގައި މިހާތަނަށް 6،000 އަށް ވުރެ ގިނަ ފަލަސްތީނު ރައްޔިތުން ވަނީ މަރުވެފަ އެވެ. އޭގެ ތެރޭގައި 2،700 އަށް ވުރެ ގިނަ ކުޑަ ކުދިން، 1،500 އަށް ވުރެ ގިނަ އަންހެނުން އަދި 300 އަށް ވުރެ ގިނަ އުމުރުން ދުވަސްވީ މީހުން ހިމެނެ އެވެ.

މި ހަމަލާތަކާއި ގުޅިގެން 17،000 އަށް ވުރެ ގިނަ ފަލަސްތީނު ރައްޔިތުންނަށް ވަނީ އެކި ވަރުގެ އަނިޔާ ލިބިފަ އެވެ. އަދި އިމާރާތްތަކުގައި ތާށި ވެފައިވާ މީހުންގެ އަދަދު ކަށަވަރު ނުވާކަމަށް ފަލަސްތީނު ރެޑް ކްރެސެންޓުން މައުލޫމާތު ދެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox