"ކޯސްޓްގާޑަށް ބަނދަރެެއް ހަދާތީ މޭކަރާނީ ކުށްކުރާ މީހުން"

ފޮރިން މިނިސްޓަރު އަބްދުﷲ ޝާހިދު އެމްޑީޕީގެ ޖަލްސާގައި ވާހަަކަދައްކަވަނީ. ފޮޓޯ: މުހައްމަދު ޝާބިން/އަދަދު

ފޮރިން މިނިސްޓަރު އަބްދުﷲ ޝާހިދު އެމްޑީޕީގެ ޖަލްސާގައި ވާހަަކަދައްކަވަނީ. ފޮޓޯ: މުހައްމަދު ޝާބިން/އަދަދު

ސަރުކާރުން ތަކުރާރުކޮށް ބުނަމުން އަންނަ ގޮތުގައި އުތުރުތިލަފަޅުގައި ތަރައްގީކުރަމުން އަންނަނީ ކޯސްޓްގާޑްގެ އުޅަނދުތައް ބަނދަރުކޮށްގެ ތިބޭ ބަނދަރަކާއި އެ އުޅަނދުތައް އެހެލައި މަރާމާތުކުރާނެ ޑޮކްޔާޑެކެވެ. އެހެން ނަމަވެސް އިދިކޮޅު ޕީޕީއެމް/ޕީއެެންސީން ތުހުމަތުކުރާ ގޮތުގައި އެއީ އިންޑިއާގެ އަސްކަރީ ނުފޫޒު ރާއްޖެއަށް އަސްކަރީ ނުފޫޒު ފޯރުވަން ކުރާ މަސައްކަތުގެ ތެރެއިން ހިންގާ އަޑިނޭނގޭ މަޝްރޫ އެކެވެ.

ރިޔާސީ އިންތިހާބުގެ ދެވަނަ ބުރު މާދަމާ ބާއްވާ އިރު މިބަހުސްގެ އަޑު އިހުނަށް ވުރެ ގަދަވެެއްޖެ އެވެ. ރިޔާސީ އިންތިހާބަށް ކެމްޕެއިންކުރަން އެމްޑީޕީން މާލޭގައި ރޭ ބޭއްވި ޖަލްސާގައި ފޮރިން މިނިސްޓަރު އަބްދުﷲ ޝާހިދު ވިދާޅުވީ ރާއްޖޭގެ ކޯސްޓްގާޑަށް ބޭނުންވާ ބަނދަރެއް ތަރައްގީކުރަނީ މިހާރަށް ވުރެ ގިނަ އުޅަނދު ފަހަރު ކޯސްޓްގާޑަށް ހޯދައި ބެލެހެއްޓުމުގެ ބޭނުމަށް ކަަމަށެވެ. އެއީ ރާއްޖޭގެ ސަރަހައްދު ރަނގަޅަށް ބެލެހެއްޓުމަށް ކުރާ މަސައްކަތެއް ކަމަށް ވެސް އޭނާ ވިދާޅުވި އެވެ.

"އަޅުގަނޑުމެން ބޭނުން އަޅުގަނޑުމެންގެ ކޯސްޓްގާޑަކީ މިޒަމާނާ އެކަށީގެންވާ ގޮތަށް، އަދި އަޅުގަނޑުމެންގެ އިގުތިސާދީ ސަރަހައްދު ބެލެހެއްޓޭ ފެންވަރުގެ ކޯސްޓްގާޑެއް ކަމުގައި ހެދުމަށް. އެކަމަކު މިކަމަށް މޭކަރާނެ މީހުން ތިބޭނެ، މޭކަރާނެ މީހުން ތިބޭނެ. މިސަރަހައްދުގައި، އިންޑިއާކަނޑުގައި ޑްރަގްގެ ވިޔަފާރިކުރާކުރާ މީހުންނާއި ޕައިރޭސީ އަށް [ކަނޑުފޭރުމަށް] ހިތްވަރުދޭ މީހުންނާ ވަގުނޫޓު ގެންގުޅޭ މީހުން ބިރުގަނެޔޭ، ރާއްޖޭގެ ސަލާމަތީ ބާރުތަކުން އަޅުގަނޑުމެންގެ މިސަރަހައްދު ރަނގަޅަށް ބަލަހައްްޓަން ފަށައިފާނެތީ،" ޝާހިދު ވިދާޅުވި އެވެ.

"ޑްރަގްގެ ވިޔަފާރިކުރާ މީހުން ފުރަތަމަ ބުރަށް ފަހު ތިބީ އުފަލުން"

ހޯމް މިނިސްޓަރު އިމްރާން އަބްދުﷲ އެމްޑީޕީގެ ޖަލްސާގައި ވާހަކަދައްކަވަނީ
ހޯމް މިނިސްޓަރު އިމްރާން އަބްދުﷲ އެމްޑީޕީގެ ޖަލްސާގައި ވާހަކަދައްކަވަނީ

ހޯމް މިނިސްޓަރު އިމްރާން އަބްދުﷲ އެމްޑީޕީގެ ޖަލްސާގައި ވާހަކަދައްކަވަނީ

ޝާހިދު އެމޭރުމުން ވާހަކަދައްކަވާފައި ވަނިކޮށް ހޯމް މިނިސްޓަރު އިމްރާނު ވެސް ޕީޕީއެމް/ޕީއެެންސީ އަށް ހަމަ އެފަދަ ތުހުމަތުތަކެއް ކުރެއްވި އެވެ. ފުލުހުންނާ ހަވާލާދެއްވައި އޭނާ ރޭ ވިދާޅުވީ ރިޔާސީ އިންތިހާބުގެ ފުރަތަމަ ބުރުން ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒު ކުރި ހޯއްދެވުމުން ކުށްކުރާ ބޮޑެތި ގޭންގްތަކުގެ ލީޑަރުން ތިބީ ހިތްހަމަޖެހިފައި ކަމަށެވެ.

"އެއީ ތިމަންނަމެންގެ ކާގޯ ހިފައިގެން އެތެރެވާ ބޯޓުތައް އެ ރާޑަރުތަކުން ބަލައިގެން ހުއްޓުވައިގެން، ތިމަންނަމެންގެ އަތުން މިދިޔަ ފަސް އަހަރު ދުވަހުގެ ތެރޭގައި، 1.3 ބިލިޔަން ރުފިޔާ ތިމަންނަމެނަށް ގެއްލުންކޮށްފިއޭ،" ގޭންގްތަކުގެ އިސްމީހުން ދެއްކި ވާހަކަ ކަމަށް ސިފަކުރައްވަމުން އިމްރާން ވިދާޅުވި އެވެ.

ރިޔާސީ އިންތިހާބުގައި އަމިއްލަ ގޮތުން ވާދަ ކުރެއްވި އުމަރު ނަސީރުގެ ރަނިންމޭޓު، އަހުމަދު ސަލީމް (މާޒު ސަލީމް) ވެސް ރޭ ފާޅުކުރެއްވީ ހަމަ އެފަދަ ކަންބޮޑުވުމެކެވެ. ހޮނިހިރު ދުވަހު ބާއްވާ ރިޔާސީ އިންތިހާބުގައި ޕީއެންސީގެ ކެންޑިޑޭޓު ޑރ. މުހައްމަދު މުއިއްޒު ހޮވިވަޑައިގެންފި ނަމަ، ވެރިކަމުގެ ނިޒާމުގެ ތެރޭގައި ޑްރަގުގެ ގޭންގުތައް ހަރަކާތްތެރިވާނެ އޭނާ ތުހުމަތުކުރެއްވި އެވެ.

"މުއިއްޒު ހޮވިއްޖެ ނަމަ ވެރިކަމުގެ ނިޒާމުގައި ގޭންގުތައް ހަރަކާތްތެރި ވާނެ"

މާޒު ސަލީމް ވިދާޅުވީ އެމްޑީޕީގެ ޕޯޑިއަމަށް އޭނާ ވަޑައިގަތީ ވަޒީފާއެއް، މަގާމަކަށް އެދިގެން ނޫން ކަމަށާއި އަނިޔާވެރިކަމާ ދެކޮޅަށް މަސައްކަތް ކުރަން އެންމެންނަށް މަޖުބޫރުވެފައިވާތީ ކަމަށެވެ.

ކުރީގެ ރައީސް އަބްދުﷲ ޔާމީންގެ ވެރިކަމުގައި ރާއްޖޭގައި ތިބި ސިޔާސީ ހުރިހާ ވެރިން ޖަލަށްލި ކަމަށާއި ޖަލަށް ލާނެ މީހަކު ނެތިން އެއްބަނޑު ބޭބެ، ކުރީގެ ރައީސް މައުމޫނު އަބްދުލް ގައްޔޫމު ވެސް ދަންވަރުގައި ހައްޔަރުކޮށްގެން ޖަލަށް ގެންދިޔަ ކަމަށް ސަލީމް ވިދާޅުވި އެވެ.

"ވެރިކަމުގެ ނިޒާމުގެ ތެރެޔަށް ޑްރަގުގެ ގޭންގުތަކެއް ހޯރަ އަޅަމުން އެބަ އާދޭ. ވެރިކަމުގެ ނިޒާމުގެ ތެރެއަށް ޑްރަގުގެ ގޭންގުތައް އައިސް ފައި ހިއްޕާލާތީ އަޅުގަނޑު މިތަނަށް މިއައީ، އެ ވާހަކަ ތިބޭފުޅުންނާ ހިއްސާކުރަން ވެގެން،" އޭނާ ވިދާޅުވި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox