އެކި ބާވަތްތަކުގެ ކުނި ވަކި ކުރެވޭ ގޮތަށް، ތިން އަތޮޅެއްގެ 20 ރަށެއްގައި އައިލެންޑް ރިސޯސް ރިކަވަރީ ސެންޓަރު ނުވަތަ ކުނި ރައްކާ ކުރާ މަރުކަޒު ގާއިމްކުރަން ޕްލޭނިން މިނިސްޓްރީން މިއަދު އަޒްރޯވާ މޯލްޑިވްސްއާ ހަވާލުކޮށްފި އެވެ.
މި އެއްބަސްވުމުގައި ޕްލޭނިން މިނިސްޓްރީގެ ޑިރެކްޓަރު ޖެނެރަލް ފާތިމަތު ޝާނާ ފާރޫގެވެ. އަޒްރޯވާ މޯލްޑިވްސްގެ ފަރާތުން ސޮއި ކުރެއްވީ ޕްރޮޖެކްޓް މެނޭޖަރު ހެވަގޭ ކުނަރަތުނެ މަދުސަނަކް މަހެންދްރާ އެވެ.
މިއީ އޮޕެކް ފަންޑް ފޯ ޑިވެލޮޕްމަންޓް (އޮފިޑް)އިން ނަގާފައިވާ ލޯނަކާއި ބާކީ ބައި ދައުލަތުގެ ބަޖެޓުުން ހަރަދުކުރާ ގޮތަށް އެކު ޖުމްލަ 109.2 މިލިއަން ރުފިޔާ ހަރަދުކޮށްގެން ހިންގާ މަޝްރޫއެކެވެ. އެގޮތުން ކުނި ރައްކާ ކުރާ މަރުކަޒުތައް ގާއިމްކުރާ ރަށްތަކަކީ:
- ޒޯން 1 (ހއ) - މާރަންދޫ، އުލިގަމް، މޮޅަދޫ، ތަކަންދޫ، މުރައިދޫ އަދި ދިއްދޫ
- ޒޯން 2 (ހދ) - ނޮޅިވަރަން، ކުމުންދޫ، ވައިކަރަދޫ، މަކުނުދޫ، ފިނޭ، ހިރިމަރަދޫ, ކުރިނބީ، އަދި ނޭކުރެންދޫ
- ޒޯން 3 (ށ) - ބިލެއްފަހ،ި ފީވައް، ށ.ފޭދޫ، ށ. ކަނޑިތީމު، ޅައިމަގު އަދި ނޫމަރާ
މި މަރުކަޒުތަކުގައި އެކި ވައްތަރުގެ ކުނި ވަކި ކޮށްފައި ބަހައްޓާ ތަންތަނާއި ކުނި ރައްކާ ކުރެވޭނެ އާލަތްތައް ހުންނާނެ އެވެ. މި މަސައްކަތް ނިންމަން އަޒްރޯވާއަށް ދީފައި ވަނީ އަށް މަސް ދުވަހެވެ.
