އިމްރާނާއި ސިޔާމް އަދިވެސް އެދެނީ ރައީސްގެ ކޯލިޝަނާ ގާސިމް ގުޅެން

އަދާލަތު ޕާޓީގެ ރައީސް އިމްރާން (ކ), ރައީސް ސޯލިހު (މ) އަދި އެމްޑީއޭގެ ލީޑަރު ސިޔާމް (ވ). އިމްރާނާއި ސިޔާމް ވަނީ ގާސިމަށް ކޯލިޝަނުގައި ބައިވެރިވުމުގެ ދައުވަތު ދީފައި --- ފޮޓޯ: މުހައްމަދު ޝާބިން/އަދަދު

އަދާލަތު ޕާޓީގެ ރައީސް އިމްރާން (ކ), ރައީސް ސޯލިހު (މ) އަދި އެމްޑީއޭގެ ލީޑަރު ސިޔާމް (ވ). އިމްރާނާއި ސިޔާމް ވަނީ ގާސިމަށް ކޯލިޝަނުގައި ބައިވެރިވުމުގެ ދައުވަތު ދީފައި --- ފޮޓޯ: މުހައްމަދު ޝާބިން/އަދަދު

ޖުމްހޫރީ ޕާޓީގެ ލީޑަރު އަދި ރިޔާސީ ކެންޑިޑޭޓް ގާސިމް އިބްރާހީމް، ރައީސް އިބްރާހީމް މުހައްމަދު ސޯލިހަށް ތާއީދުކުރައްވައި އެމްޑީޕީ، އެމްޑީއޭ، އަދާލަތު ކޯލިޝަނާ ގުޅިވަޑައިގަތުމަށް އަދާލަތު ޕާޓީގެ ރައީސް އިމްރާން އަބްދުﷲ އާއި އެމްޑީއޭގެ ލީޑަރު އަހުމަދު ސިޔާމް މުހައްމަދު ދައުވަތު ދެއްވައިފި އެވެ.

އަންނަ ހޮނިހިރު ދުވަހު ބާއްވާ ރިޔާސީ އިންތިހާބަށް ކެމްޕެއިން ކުރަން އެމްޑީޕީ އާއި އެޕާޓީއާ ގުޅިފައިވާ ޕާޓީތަކުން ހދ. މަކުނުދޫގައި ރޭ ބޭއްވި ޖަލްސާގައި ސިޔާމް ވިދާޅުވީ ގާސިމަށް ރަނގަޅުވާނީ ރައީސްގެ ކޯލިޝަނާ ގުޅުމުން ކަމަށެވެ. ރިޔާސީ އިންތިހާބަށް ވަކިން ނުކުންނަވައި ގާސިމް ކުރައްވާ މަސައްކަތް ސިޔާމް ސިފަކުރެއްވީ ފައިސާ އާއި ހަަކަތައިން ކުރާ އިސްރާފެއްގެ ގޮތުގަ އެވެ.

"ތިޔަ ކުރައްވަނީ ހަމަ ބޭކާރު މަސައްކަތްތަކެކޭ. ބޭކާރު ލާރިއޭ ތިޔަ ހަރަދުކުރައްވަނީ. ބޭކާރު އެނާޖީއޭ ތިޔަ ވޭސްޓު ކުރައްވަނީ. އެހެން ނުހައްދަވައި އަަޅުގަނޑުމެންނާ އެއްކޮށް އަންނާށޭ،" ގާސިމްއާ މުހާތަބުކުރައްވައި ރޭގެ ޖަލްސާގައި ސިޔާމް ވިދާޅުވި އެވެ.

Advertisement

ކުރީގެ ކެމްޕެއިން ޖަލްސާއެއްގައި ގާސިމް ސިފަކުރައްވާފައިވާ ގޮތުގައި ސިޔާމަކީ އޭނާގެ ވަރަށް ގާތް ރަހުމަތްތެރި އެކެވެ. ރައީސްގެ އަރިހުގައި އުޅުއްވިޔަސް ސިޔާމް ވެސް ހަގީގަތުގައި ތާއީދުކުރައްވާނީ އޭނާއަށް ކަމަށް ވެސް ގާސިމް ވިދާޅުވި އެވެ. ގާސިމްގެ އެ ވާހަކަތައް ސިޔާމް ރޭ ދޮގުކުރެއްވި އެވެ.

"ގާސިމްއޭ ދޮގު ތިޔަވަރަށް ނުހައްދަވާށޭ. އަޅުގަނޑު މިއީ ދެފުށްކެހެރި މީހެއް ނޫން. އަޅުގަނޑު މިހުރީ ސީދާ އިބްރާހީމް މުހައްމަދު ސޯލިހު އަރިހުގައި. އަަޅުގަނޑެއް ގައިމުވެސް އިބްރާހީމް މުހައްމަދު ސޯލިހު ދޫކޮށްލާފައި، މި ފަސް އަހަރަކު އިރާދަކުރެއްވިއްޔާ އެއްވެސް ތަނަކަށް ނުދާނަން،" ސިޔާމް ވިދާޅުވި އެވެ.

ސިޔާމްގެ އެވާހަކައަށް ބާރު ދެއްވައި ހޯމް މިނިސްޓަރު އިމްރާން އަބްދުﷲ ވެސް ގާސިމަށް ދައުވަތު ދެއްވީ ކޯލިޝަނާ ގުޅިވަޑައިގެންނެވުމަށެވެ. މި އިންތިހާބުގައި ރައީސް އިބްރާހީމް މުހައްމަދު ސޯލިހު ހޯއްދަވާ ވޯޓުގެ އަދަދާ ގާތްކުރާ އަދަދެއްގެ ވޯޓު ހޯއްދެވޭނެ ކެންޑިޑޭޓަކު ވެސް ނެތް ކަމަށް އޭނާ ވިދާޅުވި އެވެ.

"އަޅުގަނޑު ސިޔާމަށް ހަމަ ތަބާވަން. އަޅުގަނޑުމެންގެ އަޚު ގާސިމް އިބްރާހީމަށް ހަމަ ދަންނަވަން، އަދިވެސް އެބަ އޮތޭ ހަދުވަސް، އަޅުގަނޑުމެންނާ ގުޅިވަޑައިގަންނަވާށޭ،" އިމްރާން ވިދާޅުވި އެވެ.

އިމްރާން އިސްކޮށް ހުންނެވި އަދާލަތު ޕާޓީއަކީ ގާސިމްގެ ޖޭޕީއާ ކުރިން ގާތް ގުޅުމެއް އޮތް ޕާޓީ އެކެވެ. ރާއްޖޭގައި ބޭއްވި ފުރަތަމަ މަލްޓިޕާޓީ ރިޔާސީ އިންތިހާބު 2008 ވަނަ އަހަރު ބޭއްވި އިރު އަދާލަތު ޕާޓީ އޮތީ ޖުމްހޫރީޕާޓީއާ އެކު ކޯލިޝަނެއްގަ އެވެ. އެމްޑީޕީގެ ގުޅިފައިވާ ކޯލިޝަނަށް، އެ އިންތިހާބުގެ ދެ ވަނަ ބުރުގައި އަދާލަތު އައީ އެ ހައިސިއްޔަތުންނެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox