އައިއޯއައިޖީ 2023: ނަބާހާ ދެ ފައިނަލުގައި، ބެޑްމިންޓަނުން އިތުރު ތިން ބްރޯންޒް މެޑަލް ހޯދައިފި

އިއްޔެ ކުރިއަށްދިޔަ މިކްސް ޑަބަލްްސް މެޗުގެ ތެރެއިން ޒަޔާން އާއި ނަބާ.--- ފޮޓޯ: އިސްމާއިލް ތޯރިގު/ މޯލްޑިވްސް އޮލިމްޕިކް ކޮމިޓީ

އިއްޔެ ކުރިއަށްދިޔަ މިކްސް ޑަބަލްްސް މެޗުގެ ތެރެއިން ޒަޔާން އާއި ނަބާ.--- ފޮޓޯ: އިސްމާއިލް ތޯރިގު/ މޯލްޑިވްސް އޮލިމްޕިކް ކޮމިޓީ

މަޑަގަސްކަރާގައި މިހާރު ކުރިއަށްދާ އިންޑިއަން އޯޝަން އައިލެންޑް ގޭމްސް (އައިއޯއައިޖީ)ގެ އަންހެން ސިންގަލްސް އިވެންޓުގެ ފައިނަލުން ރާއްޖޭގެ ފާތިމަތު ނަބާހާ (ނަބާ) ޖާގަ ހޯދިއިރު، އަންހެން ޑަބަލްސްގެ ނަބާހާ އާއި އާމިނަތު ނަބީހާގެ ޕެއާ ޖާގަ ހޯދައިފި އެވެ.

މި އަހަރުގެ އައިއޯއައިޖީގައި ބެޑްމިންޓަން ޓީމުން ހުކުރުދުވަހާ ހަމައަށް ދެ ރިހި މެޑަލް ހޯދި އެވެ. އެއީ އަންހެން ޓީމް އިވެންޓުންނާއި ފިރިހެން ޓީމް އިވެންޓުންނެވެ. ހުކުރު ދުވަހު ކުރިއަށްދިޔަ އިންޑިވިޖުއަލް އިވެންޓުތަކަށްފަހު ތިން ބްރޯންޒް މެޑަލް ހޯދައި އިތުރު ދެ ރަން މެޑަލް ހޯދުމުގެ ފުރުސަތު ހޯދި އެވެ.

ރަން މެޑަލް ހޯދުމުގެ ފުރުސަތު ހޯދީ އަންހެން ސިންގަލްސް އަދި އަންހެން ޑަބަލްސް އިންނެވެ. ދެ ފައިނަލް އޮންނާނީ މިއަދު ހެނދުނު ސެޝަންގަ އެވެ.

Advertisement

އަންހެން ސިންގަލްސް ފައިނަލުން ޖާގަ ހޯދީ ނަބާހާ އެވެ. އޭނާ ފައިނަލުން ޖާގަ ހޯދީ ސެމީ ފައިނަލުގައި މޮރީޝަސްގެ ލޯމާ ބޮދާ އަތުން ސީދާ ދެ ސެޓުން މޮޅުވެގެންނެވެ. މެޗުގެ ސެޓުތައް އޭނާ ގެންދިޔައީ 21-8 އަދި 21-11 އިންނެވެ.

ނަބާހާ ސެމީ ފައިނަލުގައި ނުކުންނާނީ މޮރީޝަސްގެ ކޭޓް ލޫޑިކްއާ ދެކޮޅަށެވެ. ކޭޓް ވަނީ ސެމީ ފައިނަލުގައި މިދިޔަ އަހަރުގެ ސިންގަލްސް ރަން މެޑަލް ހޯދި ރާއްޖޭގެ ނަބީހާ ބަލިކޮށްފަ އެވެ. މިމެޗުގެ ފުރަތަަ ސެޓު 21-13 އިން ނަބީހާ ކާމިޔާބުކުރިނަމަވެސް ޖެހިގެން އައި ދެ ސެޓު 21-14 އަދި 21-18 އިން ހޯދައި ކޭޓް ވަނީ ފައިނަލުން ޖާގަ ހޯދާފަ އެވެ. ސެމީ ފައިނަލުން ބަލިވުމުން ނަބީހާ މިއަހަރުގެ ސިންގަލްސް ނިންމާލަން ޖެހުނީ ބްރޯންޒް މެޑައްޔާއެކުގަ އެވެ.

ސިންގަލްސްގައި ނާކާމިޔާބާ ކުރިމަތިލާން ޖެހުނު ނަމަވެސް އަންހެން ޑަބަލްސްގައި ރާއްޖޭގެ ނަބީހާ އާއި ނަބާހާގެ ޕެއާ ވަަނީ ފައިނަލުން ޖާގަ ހޯދާފަ އެވެ. މިގޮތުން ސެމީ ފައިނަލުގައި މޮރީޝަސްގެ ވިލީނާ އަޕިއާ އާއި ޓިއާ ބުރުތުން ސީދާ ދެ ގޭމުން ބަލިކޮށް ރާއްޖޭގެ ޕެއާ ވަނީ ފައިނަލުގެ ފުރުސަތު ހޯދާފަ އެވެ. މިދިޔަ އަހަރުގެ ފައިނަލުގައިވެސް ނަބާހާ އާއި ނަބީހާގެ ޕެއާ ވާދަކުރި އެވެ. މިފަހަރުގެ ފައިނަލުގައި މި ދެ ކުޅުންތެރިން ނުކުންނާނީ މޮރީޝަސްގެ ކޮބީތާ ޑޫކީ އާއި ލޯނާ ބޮދާއާ ދެކޮޅަށެވެ.

ހުކުރު ދުވަހު ކުރިއަށްދިޔަ އެހެން އިވެންޓްތަކަށް ބަލާއިރު މިކްސް ޑަބަލްސް އިވެންޓުގެ ސެމީ ފައިނަލުގައި ވާދަކޮށް ނަބާހާ އާއި ހުސައިން ޒަޔާން ޝަހީދު ޒަކީގެ ޕެއާއަށް ވަނީ ނާކާމިޔާބާ ކުރިމަތިވެފަ އެވެ. މި ދެ ކުޅުންތެރިން ބަލިވީ މޮރީޝަސްގެ ކޭޓް އާއި ޖޫލިއަން ޕޯލްގެ ޕެއާ އަތުންނެވެ. ސެމީގައި ބަލިވެ ޒަޔާން އާއި ނަބާހާއަށް ލިބުނީ ބްރޯންޒް މެޑަލް އެވެ.

ފިރިހެން ސިންގަލްސް އަށް ބަލާއިރު ނިބާލް އަހުމަދު ވަނީ ރަނގަޅު ވާދައެއްކޮށް ބްރޯންޒް މެޑަލް ހޯދާފަ އެވެ. ނިބާލް ސެމީ ފައިނަލުގައި ބަލިވީ މުބާރާތުގެ އެއްވަނައަށް ސީޑުކުރެވިފައިވާ މޮރީޝަސްގެ ޖޫލިއެން ޖީ ޕޯލް އަތުންނެވެ.

ކުއާޓާ ފައިނަލުގައި ނިބާލް މޮޅުވީ މޮރީޝަސްގެ ކެމްޓިސް ނަންދާ އަތުން ސީދާ ދެ ގޭމުންނެވެ. މެޗުގެ ސެޓުތައް ދިޔައީ 21-19 އަދި 21-15 އިންނެވެ.

ފިރިހެން ސިންގަލްސްގައި މިއަހަރު ރަނގަޅު ނަތީޖާތަކެއް ނެރުނު ގައުމީ ޗެމްޕިއަން ހުސައިން ޒަޔާން ކެޓީ ކުއާޓާ ފައިނަލުންނެވެ. އޭނާ ކުއާޓާގައި ބަލިވީ މޮރީޝަސްގެ ލޫކަސް ޑޫޝް އަތުން ސީދާ ދެ ގޭމުންނެވެ. މެޗުގެ ސެޓުތައް ދިޔައީ 21-13 އަދި 23-21 އިންނެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox