އެންމެ ނުވަ ހެކްޓަރުގެ ކުޑަކުޑަ، ބޮޑުފޮޅުދޫގެ ބިން ފުރި ގޯއްޗެއް ދޫނުކުރެވޭތާ 30 އަށް ވުރެ ގިނަ އަހަރު ވެއްޖެ އެެވެ. ލޯކަލް ޓޫރިޒަމްގެ ރަށެއްގެ ގޮތުގައި ވެސް ހިންދެމިލުމަށް އޮތް އެންމެ ބޮޑު ހުރަހަކީ ވެސް ބިމުގެ ދަތިކަމެކެވެ. އެހެންވެ، އެ ރަށުގެ ރައްޔިތުންގެ އެންމެ ބޮޑު އުއްމީދަކަށް ވެފައި އޮތީ ބިން ހިންގައި ހައުސިން ޔުނިޓު އަޅައި ދިނުމެވެ.
އެ ހުވަފެން މިއަދު އެވަނީ ކުލަވެފަ އެވެ. އެ ރަށުގެ ބިން ބޮޑުކުރުމަށް ރައީސް އިބްރާހިމް މުހައްމަދު ސޯލިހު ވެވަޑައިގެންނެވި ވައުދު އެއްގޮތަށް އިއްޔެ ވަނީ ކޮންނަ ބޯޓުން ވެލި އަޅައި ހިއްކަން ފަށައިފަ އެވެ.
ބޮޑުފޮޅަދޫ އަށް 11.8 ހެކްޓަރުގެ ބިން އިތުރުކުރާނެ އެވެ. އެއީ މިހާރު އެ ރަށުގެ ބިމަށް ވުރެ ބޮޑު ބިމެކެވެ. އަދި 1379 މީޓަރު ސަރަހައްދެއްގައި ރިވެޓްމެންޓު ޖެހުމާއި 117 މީޓަރު ސަރަހައްދެއްގައި ބޮޑުހިލަޖެހުމުގެ މަސައްކަތް އަދި 161 މީޓަރުގެ ބްރޭކްވޯޓާއެއް ގާއިމްކުރުމުގެ މަސައްކަތް ކުރާނެ ކަމަށް، އެމްޓީސީސީން ބުނެ އެވެ.
ރިޔާސީ އިންތިހާބުގެ ކެމްޕޭނުގައި ރައީސް ސޯލިހު ބޮޑުފޮޅުދުއަށް ވަޑައިގަތުމުން މަރުހަބާ ކިޔަން ނުކުމެ ތިބި މީހުން. -- ފޮޓޯ: އަބްދުﷲ އިޔާން/ އަދަދު
މި މަސައްކަތް ވެސް އަންނަ މަހުގެ ހަތަރު ވަނަ ދުވަހަށް ނިންމާލެވޭނެ ކަމަށް ލަފާކުރެވޭ ކަމަށް އެ ކުންފުނިން ބުނެ އެވެ.
ބޮޑުފޮޅަދޫ އަށް އަންނަ ތަރައްގީގެ ސަބަބުން، އެ ރަށު ކައުންސިލްގެ ރައީސް, ޝުޖާއު އާދަމް ވަނީ މި މަހު އެމްޑީޕީއަށް ސޮއި ކުރައްވައިފަ އެވެ. އޭނާ އަކީ އަމިއްލަ ގޮތުން ކައުންސިލަށް އިންތިހާބުވެވަޑައިގެންނެވި މެމްބަރެކެވެ.
ބޮޑުފޮޅުދޫގައި ފެނާއި ނަރުދަމާ އެޅުމުގެ މަސައްކަތް ކުރާއިރު، ޒުވާނުންނަށް ބޮޑު ފުޓްބޯޅަ ދަނޑުގައި ޓާފު އަޅައި ނިމި, ޒަމާނީ ވޮލީކޯޓެއް ވަނީ ނިންމައިފަ އެވެ. އަދި މިސްކިތެއް ވެސް ވަނީ ބިނާކޮށްފަ އެވެ. އެނޫން ވެސް ތަރައްގީތައް އެރަށަށް ވަނީ ގެނެސްފަ އެވެ.
މި ކަންކަމުގެ ސަބަބުން އެ ރަށުގެ ރައްޔިތުން ބުނަމުން ދަނީ ރައީސް ސޯލިހަކީ "ބޮޑުފޮޅުދޫ ތަރައްގީގެ ބާނީ" ކަމަށެވެ.
މުހިންމު ބައެއް ހަބަރު
ދުވަހުގެ ކޯޓޭޝަން
ހުޅުމާލޭ ދެވަނަ ފިޔަވަހީގައި އެމްޑީޕީގެ ޖަގަހައެއް ހުޅުވުމަށް ރޭ ބޭއްވި ރަސްމިއްޔާތުގައި އެމްޑީޕީގެ ޗެއާޕާސަން އަދި އިކޮނޮމިކް މިނިސްޓަރު ފައްޔާޒު އިސްމާއީލް ވިދާޅުވީ ސަރުކާރުން ސަބްސިޑައިޒްކޮށްގެން ދޫކުރާ ފްލެޓުތައް އާންމު މީހާއަށް އާމްދަނީ ލިބޭނެ ގޮތަށް ކުއްޔަށް ދޫކުރެވޭނެ އުސޫލުތަކެއް ކަނޑައެޅުމުގެ ވިސްނުން ގެންގުޅުއްވާ ކަމަށެވެ.
އާދެ އަޅުގަނޑުމެންގެ ވިސްނުމުގަ އެބައޮތް ސަރުކާރުން ސަބްސިޑައިޒްކޮށްގެން ސަރުކާރުން ކުޑަ އަގުގަ ދޫކުރާ ފްލެޓުތައް އެ ދިން ފަރާތް ނޫން އެހެން ބަޔަކު ދިރިއުޅޭ ކަމަށް ވަންޏާ، ކޮންމެސް މިންގަނޑެއްގެ ތެރޭގައި އެ ކުއްޔަށް ދެވޭނެ ގޮތަށް ސިޔާސަތުތައް ބަދަލުކުރުން"
