ރާއްޖޭގެ ހަތް ރަށެއްގައި ސަރުކާރުން ހިންގަން ބޭނުންވާ ޕްރޮޖެކްޓުތަކެއްގެ މަސައްކަތް ކުރުމަށް 664 މިލިއަން ރުފިޔާއަށް މިއަދު ހަވާލުކޮށްފި އެވެ.
އެ މަސައްކަތްތައް ހަވާލުކޮށްފައި ވަނީ ޕްލޭނިން މިނިސްޓްރީގައި މިއަދު ބޭއްވި ރަސްމިއްޔާތުތަކެއްގަ އެވެ. އެ ޕްރޮޖެކްޓުތައް ހިންގުން ހަވާލު ކުރީ އެމްޓީސީސީ އާއި ރޯޑް ޑިވެލޮޕްމަންޓް ކޯޕަރޭޝަނާ އެވެ.
މިއަދު ހަވާލު ކުރި މަސައްކަތްތަކުގެ ތެރޭގައި ހިމެނެނީ މަގު ހެދުމުގެ ޕްރޮޖެކްޓުތަކާއި ބަނދަރު ހެދުމާއި ބަނދަރު މަރާމާތު ކުރުމުގެ މަސައްކަތްތަކެވެ.
- ޅ. ނައިފަރު މަގުތަކުގައި ތާރުއެޅުމުގެ މަސައްކަތް އާރްޑީސީއަށް 95،181،892ރ. އަށް
- ލ. މާވަށް މަގުތަކުގައި ތާރުއެޅުމުގެ މަސައްކަތް އާރްޑީސީއަށް 51،171،900ރ. އަށް
- އިސްދޫ، ކަލައިދޫ މަގުތަކުގައި ތާރު އެޅުން އާރްޑީސީއަށް 138،382،550ރ. އަށް
- ބ. ތުޅާދޫ އެއްގަމުތޮށި އަދި ބޭރުތޮށި އަޕްގްރޭޑް ކުރުމުގެ މަޝްރޫއު އެމްޓީސީސީއަށް 22،800،727ރ. އަށް
- ށ. ފުނަދޫ ބިން ހިއްކުމުގެ މަޝްރޫއު އެމްޓީސީސީއަށް 139،722،300ރ. އަށް
- މ. ރަތްމަންދޫ ހާބަރު ޑިވޮލޮޕްމަންޓް އެންޑް ޝޯ ޕްރޮޓެކްޝަންގެ މަސައްކަތް އެމްޓީސީސީއަށް 68،930،879ރ. އަށް
- ތ. ކިނބިދޫ ބިންހިއްކުން އެމްޓީސީސީއަށް 148،207،546ރ. އަަށް
