ރަޝިއާގެ ޖައްވީ އުޅނދު ލޫނާ-25 ކޮންޓްރޯލުން ނެއްޓި ހަނދަށް ވެއްޓިފައިވާ ކަމަށް އޮފިޝަލުން ބުނެފި އެވެ.
އެއީ 50 އަހަރުގެ ތެރޭގައި ރަޝިއާއިން ކުރި ފުރަތަމަ ހަނދުގެ މިޝަނެވެ. އެ މިޝަނުގައި އެއްވެސް އިންސާނަކު ދަތުރެއް ނުކުރެ އެވެ.
ހަނދުގެ އެންމެ ދެކުނު ބިތަށް ތިރިކުރާ ފުރަތަމަ އުޅަނދަށް ވުމަށް މަސައްކަތް ކުރަމުން ދަނިކޮށް މައްސަލަތަކެއް ދިމާވި ކަމަށް އޮފިޝަލުން ބުނެ އެވެ.
އެ މިޝަންގައި ރާވާފައި އޮތީ ހަނދުގައި ގަނޑުފެން އަދި އެހެން މުހިއްމު ތަކެތި ހުންނާނެ ކަމަށް ސައިންސްވެރިން ގަބޫލުކުރާ ސަރަހައްދުތަކެއް ދިރާސާ ކުރުމަށެވެ.
ރަޝިއާގެ ޖައްވީ އިދާރާ ރޮސްކޮސްމޯސްއިން ބުނީ އުޅަނދު ވެއްޓެން މެދުވެރިވި ސަބަބާ ގުޅޭ ތަހުގީގެ ހިންގަން ހާއްސަ ކޮމިޝަަނެއް މަސައްކަތް ކުރާނެ ކަމަށެވެ.
ރަޝިއާއިން މަސައްކަތް ކުރީ އިންޑިއާއަށް ވުރެ ކުރިން ހަނދުގެ ދެކުނު ބިތަށް ތިރި ކުރުމަށެވެ. އެހެން ނަމަވެސް، އުޅަނދު ވެއްޓުމުން މިޝަން ވަނީ ފެއިލްވެފަ އެވެ.
އިންޑިއާގެ ޗަންދްރަޔާން-3 އުޅަނދު ޖައްވަށް ދަތުރުކޮށްފައިވާ އިރު، ހަނދުގެ ދެކުނު ބިތަށް ތިރިކުރަން ހަމަޖެހިފައިވެ އެވެ.
