ވެރިކަމުގެ ޒިންމާތައް އަދާކުރުމަކީ ޒުވާންކަމާ އެކީ ކުރެވޭނެ މަސައްކަތެއް ކަމަށާއި ގާބިލު ޒުވާން ވެރިކަަމަކަށް ރާއްޖެ އެދި އެބަ ގޮވާ ކަމަށް ރައްޔިތުންގެ މަޖިލީީހުގެ ރައީސް މުހައްމަދު ނަޝީދު މިރޭ ވިދާޅުވެއްޖެ އެވެ.
އަލަށް އުފެއްދި ދަ ޑިމޮކްރެެޓްސް އިން މިރޭ އެ ޕާޓީގެ ހަރުގޭގައި ބޭއްވި ޖަލްސާއެއްގައި ނަޝީދު ވިދާޅުވީ ވެރިކަމަކީ ޒުވާން އިރު ކުރެވޭނެ ކަމެއްކަން އެމަނިކުފާނަށް މިހާރު ވިސްނިވަޑައިގެންފި ކަމަށެވެ. އެމަނިކުފާނުގެ ވެރިކަމުގައި، އެމްޑީޕީގެ ފުރަތަމަ ސަރުކާރުގައި ރާއްޖެއަށް ތައާރަފް ކުރެއްވި ބައެއް ކަންތައްތައް ލިސްޓް ކުރައްވައި ނަޝީދު ވިދާޅުވީ އެއީ އުމުރުން 50 އަހަރުން މައްޗަށް ދިޔަައިމާ "ގެނެވޭނެ ވިސްނުންތަކެއް ނޫން" ކަމަށެވެ.
"ވެރިކަމަކީމުގެ ރޫހެއް. އެއީ ޒުވާންކަމާ އެކީގައި އަޅުގަނޑުމެނަށް ކޮށްދެވޭނޭ މަސައްކަތެއް. ޓެކްސްގެ ނިޒާމާއި ދަތުރުފަތުރުގެ ނިޒާމާއި ފްލެޓް ދޮންބެއާ މިއެންމެ ކަންކަމަކީ ފަންސާހުން މައްޗަށް އަޅައިލީމާ ދެން އަލުން ވިސްނައިގެން ގެނެވޭން ހުރި ކަންކަމެއް ނޫން" ނަޝީދު ވިދާޅުވި އެވެ.
ޒުވާންކަމުގެ ރޫހެއް. އެއީ ޒުވާންކަމާ އެކީގައި އަޅުގަނޑުމެނަށް ކޮށްދެވޭނޭ މަސައްކަތެއް. ޓެކްސްގެ ނިޒާމާއި ދަތުރުފަތުރުގެ ނިޒާމާއި ފްލެޓް ދޮންބެއާ މިއެންމެ ކަންކަމަކީ ފަންސާހުން މައްޗަށް އަޅައިލީމާ ދެން އަލުން ވިސްނައިގެން ގެނެވޭން ހުރި ކަންކަމެއް ނޫން" ނަޝީދު ވިދާޅުވި އެވެ.
އެވާހަކަފުޅާ ގުޅުވައި، ރައީސް އިބްރާހީމް އިބްރާހީމް މުހައްމަދު ސޯލިހަށް އެމަނިކުފާނު ބަހުގެ ހަމަލާއެއް ދެއްވި އެވެ. ވިދާޅުވީ ރައީސް ސޯލިހު ވެސް މިހާރު "މުސްކުޅިވެއްޖެ" ކަމަށެވެ.
"އަޅުގަނޑަށް ވެސް ތިޔަ ބޭފުޅާއަށް [ރައީސް ސޯލިހަށް ވެސް] ހަމަ އޮފީހަށް ގޮސް އިނދެ ކޮންމެ ދުވަހަކު ސެކްރެޓަރީ ލައްވަޔާއި ދެން ތިބި ބަޔަކު ލައްވައި އެ ވާކަމެއް ވޭވޭ ބެހެއްޓޭތޯ ބެލިދާނެ،" ނަޝީދު ވިދާޅުވި އެވެ.
އެމަނިކުފާނު މިމޭރުމުން މިރޭ ވާހަކަފުޅު ދެއްކެވި އިރު ވެރިކަން ކުރާ ކޯލިޝަނުގެ މައި ޕާޓީ، އެމްޑީޕީން މިދިޔަ ޖެނުއަރީ މަހު ބޭއްވި ރިޔާސީ ޕްރައިމަރީގައި އެމަނިކުފާނު ވާދަ ކުރެއްވި އެވެ. އެޕާޓީ އާ ފެޔަށް ޖެހިވަޑައިގެން، "ފިކުރެއްގެ ދިރުން" ނަމުގައި ހަރަކާތެއް ފެށްޓެވީ ޕްރައިމަރީގައި ކުރިމަތިވެވަޑައިގެންނެވި ނާކާމިޔާބީއަށް ފަހުގަ އެވެ.
އާ ޕާޓީ، ދަ ޑިމޮކްރެޓްސްގެ އަސްލަކީ އެހަރަކާތެވެ.
ދަ ޑިމޮކްރެޓްސްގެ ރިޔާސީ ޓިކެޓަށް ވާދަކުރައްވާ ހަމަ އެކަނި ކެންޑިޑޭޓް، ރައްޔިތުންގެ މަޖިލީހުގެ ހުޅުދޫ ދާއިރާގެ މެމްބަރު އިލްޔާސް ލަބީބަށް ތައުރީފު ކުރެއްވުމުގެ ކުރިން، ނަޝީދު މިރޭ ރައީސްގެ ސިއްހީ ހާލުކޮޅާ ގުޅުވައި މަލާމާތަކަށް ވާ ފަދަ މޭރުމަކުން ވާހަކަފުޅު ދެއްކެވި އެވެ.
"އަޅުގަނޑު އެމްޑީޕީގެ މެމްބަރުންނަށް ތަކުރާރުކޮށް ދަންނަވަން، ތި ބޭފުޅުންގެ ރައީސް އަދި ތިބޭފުޅުންގެ ކެންޑިޑޭޓް، ކޮންމެ ދުވަހަކު ހެނދުނު މުށެއް ފުރައި ބޭސް ފަރިއްކުޅުއްވަން ޖެހިވަޑައިގަންނަވާ. ތި ބޭފުޅުންގެ ކެންޑިޑޭޓްގެ ހިތުގެ އާލާސްކަންފުޅު، ތިބޭފުޅުންގެ ކެންޑިޑޭޓްގެ ސިއްހީ ހާލުކޮޅު އެއީ ވިސްނަވަން ޖެހޭނެކަމެއް،" ނަޝީދު ވިދާޅުވި އެވެ.
ރައީސް ސޯލިހާ ބެހޭ ގޮތުން ނަޝީދު މިފަދަ މޭރުމަކުން ވާހަކަފުޅު ދެއްކެވި އިރު އެއީ އެއް އިރެއްގައި އެމަނިކުފާނުގެ އެންމެ ގާތް އެކުވެރިޔާ އެވެ. އެ ދެބޭފުޅުންގެ ހިޔާލު ތަފާތުވުން އުފެދި، އެކުގައި މަސައްކަތް ނުކުރެއްވޭ ހިސާބަށް ގުޅުން ގޯސްވީ ދާދި ފަހުންނެވެ.
