ޑިމޮކްރެޓްސްގެ "ފަސޭހަ ވިޔަފާރި ސިޔާސަތު" ލޯންޗު ކުރަން ޓީމުތައް 36 ރަށަކަށް

ޑިމޮކްރެޓްސްގެ ސިޔާސަތު ލޯންޗުކުރަން ރައީސް މުހައްމަދު ނަޝީދު ބ. ފެހެންދުއަށް ވަޑައިގެން - ފޮޓޯ: ދަ ޑިމޮކްރެޓްސް

ޑިމޮކްރެޓްސްގެ ސިޔާސަތު ލޯންޗުކުރަން ރައީސް މުހައްމަދު ނަޝީދު ބ. ފެހެންދުއަށް ވަޑައިގެން - ފޮޓޯ: ދަ ޑިމޮކްރެޓްސް

ކުރިއަށް އޮތް ރިޔާސީ އިންތިހާބަށް ދަ ޑިމޮކްރެޓްސް އިން ހުށަހަޅާ "ފަސޭހަ ވިޔަފާރި" ސިޔާސަތު ލޯންޗު ކުރުމަށް ޓީމުތަކަކަށް ބަހާލެވިގެން، ޕާޓީގެ އެ ޓީމުތައް 36 ރަށަކަށް މިއަދު ދަތުރު ކުރާ ގޮތަށް، ބޮޑު ދަތުރެއް ފަށައިފި އެވެ.

ޑިމޮކްރެޓްސް އުފެއްދުމުގައި އިސްކޮށް ހުންނެވި، ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިހާރު ވެސް ހުންނެވީ ބ. އަތޮޅުގަ އެވެ. އިތުރު ޓީމުތަކެއް، އެހެން ބައެއް ރަށްރަށަށް ދަތުރުކުރަމުންދާ އިރު އޭގެ ފޮޓޯއާއި ވީޑިއޯ އެ ޕާޓީން ދަނީ ޓްވިޓާގައި ހިއްސާކުރަމުންނެވެ.

ޑިމޮކްރެޓްސް އިން ބުނީ އެ ޕާޓީއާ ގުޅިވަޑައިގަތް ސަރުކާރުގެ އެކި މަގާމުތަކުން މި ފަހުން އިސްތިއުފާ ދެއްވި އަދި ވަކިކުރި އެންމެހާ ބޭފުޅުން ވެސް މި ހަރަކާތުގައި ބައިވެރިވެވަޑައިގަންނަވާނެ އެވެ. އަދި, ޑިމޮކްރެޓްސްއަށް ނިސްބަތްވާ ރައްޔިތުންގެ މަޖިލީހުގެ މެެންބަރުން ވެސް ބައިވެރިވެވަޑައިގަންނަވަ އެވެ.

Advertisement

ޑިމޮކްރެޓުން މިއަދާއި މާދަމާ ވެސް ދަތުރުކުރާ ޖުމްލަ 50 ގިނަ ރަށަށް ޒިޔާރަތްކުރާނެ އެވެ.

ޕާޓީގެ މެނިފެސްޓޯގައި ހިމެނޭ ސިޔާސަތެއް ލޯންޗު ކުރުމަށް ބޮޑު ހަރަކާތެއް ރާވައިގެން ކުރިއަށް ގެންދާއިރު، މެނިފެސްޓޯގެ މަސައްކަތްތައް އިސްކޮށް ބަލަހައްޓަވަން ހަވާލުކޮށްފައި ވަނީ އެސްޓީއޯގެ ކުރީގެ މެނޭޖިން ޑިރެކްޓަރު ހުސައިން އަމްރާއި ރައްޔިތުންގެ މަޖިލީހުގެ ހުޅުދޫ ދާއިރާގެ މެންބަރު އިލްޔާސް ލަބީބަށެވެ.

ސިޔާސަތު ލޯންޗުކުރާން ދަތުރުކުރާ ރަށްތައް؛

  • ހއ. ހޯރަފުށި، ހއ. ދިއްދޫ، ހދ. ކުޅުދުއްފުށި، ހދ. ވައިކަރަދޫ
  • ށ. ބިލެތްފަހި، ށ. މިލަންދޫ، ށ. ކޮމަންޑޫ، ނ. ކެނދިކުޅުދޫ، ނ. ކުޑަފަރި
  • ރ. އުނގޫފާރު، ރ. ދުވާފަރު، ރ. މަޑުއްވަރީ، ބ. ތުޅާދޫ
  • ޅ. ނައިފަރު، ޅ. ކުރެންދޫ، ކ. މާފުށީ، ކ. ގުރައިދޫ، މާލެ ސިޓީ
  • އއ. ރަސްދޫ، އއ. ތޮއްޑޫ، އއ. އުކުޅަސް، އއ. މާޅޮސް، އއ. ހިމަންދޫ
  • އދ. މާމިގިލި، އދ. މަހިބަދޫ، ވ. ކެޔޮދޫ
  • ފ. ބިލެތްދޫ، ފ. މަގޫދޫ، ދ. ކުޑަހުވަދޫ، ތ. ގުރައިދޫ
  • ލ. ގަން، ލ. އިސްދޫ، ގއ. ވިލިނގިލި، ގއ. ދާންދޫ، ގއ. ގެމަނަފުށި
  • އައްޑޫ ސިޓީ، އަދި ފުވައްމުލަކު ސިޓީ

ސެޕްޓެމްބަރު 9، ގައި އޮންނަ ރިޔާސީ އިންތިހާބަށް ޑިމޮކްރެޓްސް އިން ކެންޑިޑޭޓެއް ނެރޭނެ ކަމަށް އިއުލާން ކުރި ނަމަވެސް ކެންޑިޑޭޓަކު އަދި ކަނޑަނާޅަ އެވެ. އެ ޕާޓީން ނިންމާފައިވަނީ ޕްރައިމަރީއަކުން ކެންޑިޑޭޓަކު ކަނޑައެޅުމަށެވެ. އެ ކަމަށް ކުރިމަތިލާން މި ހަފުތާ ހުޅުވާލާނެ ކަމަށް ބުނެފައިވެ އެވެ.

ޑިމޮކްރެޓްސް ނަމުގައި ސިޔާސީ ޕާޓީއެއް ހެދުމުގެ މަސައްކަތް ނަޝީދުގެ ސަޕޯޓަރުން ފެށީ، އެމްޑީޕީގެ ރިޔާސީ ޕްރައިމަރީން އެމަނިކުފާނަށް ލިބުނު ނާކާމިޔާބީއަށް ފަހު އެ ޕާޓީގެ ތެރެއިން "ފިކުރެއްގެ ދިރުން" ނަމުގައި ވަކި ފެކްޝަނެއްގައި މަސައްކަތް ކުރަމުން ދަނިކޮށް، އޭގައި ހަރަކާތްތެރިވަމުން ދިޔަ ބައެއް މީހުނަށް ޕާޓީން ފިޔަވަޅު އަޅަން ފެށި ހިސާބުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox