މާލެ ސަރަހައްދުން ގޯތި ލިބޭ މީހުންގެ ވަގުތީ ލިސްޓަށް ހުށަހަޅާފައިވާ 800 އެއްހާ ޝަކުވާ ތެރޭގައި ގިނައީ ލިސްޓާއި ޕޮއިންޓް ދިން ގޮތާ އެއްވެސް ގުޅުމެއް ނެތް ޝަކުވާތަކެއް ކަމަށް ޕްލޭނިން މިނިސްޓްރީން އިއްޔެ ބުންޏެވެ.

ގެދޮރުވެރިޔާ ކޮމެޓީގެ ޗެއާމަން އަދި ހައުސިން މިނިސްޓްރީގެ ސްޓޭޓް މިނިސްޓަރު، އަކްރަމް ކަމާލުއްދީން ވިދާޅުވީ ޝަކުވާތަކުގެ ތެރޭގައި ގިނައީ މާލެ ރަށްވެއްސެއްގެ ގޮތުގައި ބަލަން އުސޫލުގައި މާނަ ކޮށްފައިވާ ގޮތާއި ސޯޝަލް ހައުސިން ހުރުމުން ބަލައިނުގަންނަން ނިންމި ކަންކަމާ ގުޅޭ ޝަކުވާ އެވެ.

"މިހާރު ހުރެދާނެ ހިޔާ ފްލެޓަކީ މިލްކެއް ނޫނޭ، ސޯޝަލް ހައުސިން ކަމަކަށް ނުބެލެވޭނޭ، މިހެން ޝަކުވާތަކެއް، އެކަމަކު އުސޫލުގައި ސާފުކޮށް ބަޔާންކޮށްފައި އޮންނާނެ ސޯޝަލް ހައުސިން އޮތް ފަރާތްތަކަށް ނުލިބޭނެކަން،" އަކްރަމް ތަފްސީލްކޮށްދެއްވި އެވެ.

އަކްރަމް ވިދާޅުވީ ޝަކުވާތައް ބެލުމުގެ މަސައްކަތް ކުރަމުން އަންނަ ކަމަށާއި އަމާޒަކީ މި މަހު ދާއިމީ ލިސްޓު އާންމު ކުރުމަށް ކަމަށެވެ. ޝަކުވާތަކަށް ހަތް ދުވަހުގެ ތެރޭގައި ޖަވާބު ދޭން ޖެހޭނެ ކަން ވެސް އޭނާ ފާހަގަ ކުރެއްވި އެވެ.

ސަރުކާރުން ހިންގާ ބިންވެރިޔާ ސްކީމަށް ހުށަހެޅި މީހުންގެ ތެރެއިން އާއިލީ ގުޅުން އޮތް މީހުންނާ ގުޅިގެން "ޖޮއިންޓް ވެގެން ގޯތި ހޯދުމުގެ ފުރުސަތު ލިބޭ" ސްޓޭޓަސް ދީފައިވެ އެވެ. އެ ކަމަށް ހުޅުވާލި މުއްދަތު ވެސް މިހާރު ހަމަވެފައިވާއިރު އެ ލިސްޓު ދިރާސާކުރަން ވަގުތު ނަގާނެ ކަމަށް އަކްރަމް ވިދާޅުވި އެވެ.

އެ ސްކީމްގެ ދަށުން ގޯއްޗަށް އެދި 23،088 މީހުންގެ ފަރާތުން، 15،164 އެޕްލިކޭޝަން ހުށައަޅާފައިވެ އެވެ. ވަކިން ހުށަހެޅި ފޯމްތަކާއި ޖޮއިންޓް ފޯމުތައް ހިމެނޭ ގޮތުން ގޯތި ލިބޭ މީހުންގެ ލިސްޓްގައި 10،314 މީހުން ހިމެނެ އެވެ. ބިންވެރިޔާ ސްކީމްގެ ދަށުން ގޯއްޗަށް ހުށަހެޅި ފަރާތްތަކުގެ ތެރެއިން، 19،857 މީހުން ހުށަހެޅި، 12،794 ފޯމު ވަނީ ޝަރުތު ހަމަވެފަ އެވެ.

ބިންވެރިޔާ ސްކީމުގެ ދަށުން ގޯތި ދެނީ ހުޅުމާލޭގެ އިތުރުން, ހިއްކުމުގެ މަރުހަލާގައި އޮތް ގުޅިފަޅާއި ގިރާވަރުފަޅުންނެވެ. ސަރުކާރުން ބުނެފައިވާ ގޮތުގައި ހުޅުމާލެއިން 2,200 ގޯތި, ގުޅީފަޅުން 2,000 ގޯތި އަދި ގިރާވަރުން 2,000 ގޯތި ދޭނެ އެވެ.

މިހާރު ގޯތި ލިބޭނެ ކަމަށް ލިސްޓުގައި ބުނެފައިވާ މީހުންނަށް ގޯތި ދެނީ ކޮންތަންތަނަކުން ކަމެއް އަދި ހާމައެެއް ނުކުރެ އެވެ. އޭގެ އުސޫލު ފަހުން ހާމަކުރާނެ ކަމަށް ސަރުކާރުން ބުނެފައިވެ އެވެ.

މުހިންމު ބައެއް ހަބަރު

ދުވަހުގެ ކޯޓޭޝަން

ރިޔާސީ އިންތިހާބުގެ ކެމްޕޭނަށް ރައީސް އިބްރާހިމް މުހައްމަދު ސޯލިހު މިއަދު މ. ދިއްގަރަށް ވަޑައިގެންނެވި ވަގުތު މުޒާހަރާކުރި ދެ މީހަކު ހައްޔަރުކޮށްފައި ވާއިރު، ހޯމް މިނިސްޓަރުގެ މަގާމުގައި ހުންނެވި އަދާލަތު ޕާޓީގެ ރައީސް އިމްރާން އަބްދުﷲގެ ވަރުގަދަ އިންޒާރެއް އިދިކޮޅަށް ރޭ ވަނީ ދޫކޮށްލައިފަ އެވެ.

ޑިމޮކްރެޓްސް ބޭފުޅުން ކަމަށް ވިޔަސް، ޕީޕީއެމް ބޭފުޅުން ކަމަށް ވިޔަސް އެނޫން ޕާޓީއެއްގެ ބޭފުޅުން ކަމަށް ވިޔަސް އަޅުގަނޑުމެން ރަށްރަށަށް އަރާއިރުގައި ތި ސަކަރާތް ޖަހަން ދެން ނުހަދާ. ހުރިހާ ރަށަކުން. ތި ސަކަރާތް ޖަހަން ހައްދަވައިފިއްޔާ އަޅުގަނޑުމެން މާ ވަރުގަދަވާނެ،"

ދުވަހުގެ ފޮޓޯ

މ. ދިއްގަރުގައި ރައީސް ސޯލިހު ކެމްޕެއިން ޖަގަހައެއް ރޭ ހުޅުވައި ދެއްވުމަށް ފަހު މަޑުކޮށްލައްވައިގެން. -- ފޮޓޯ: މިރާޝް ނާސިމް/ އަދަދު