އަނދިރި ދުވަސްތަކަކަށް ރައްޔިތުން ނޭދޭނެ، ބޭނުމީ އުފާވެރި ރާއްޖެއެއް: އިމްރާން

ރައީސް ސޯލިހުގެ ކެމްޕެއިން ފެށުމަށް ށ. ފޯކައިދޫގައި ރޭ ބޭއްވި ޖަލްސާގައި ހޯމް މިނިސްޓަރު އިމްރާން އަބްދުﷲ ވާހަކަ ދައްކަވަނީ. -- ފޮޓޯ: އެމްޑީޕީ

ރައީސް ސޯލިހުގެ ކެމްޕެއިން ފެށުމަށް ށ. ފޯކައިދޫގައި ރޭ ބޭއްވި ޖަލްސާގައި ހޯމް މިނިސްޓަރު އިމްރާން އަބްދުﷲ ވާހަކަ ދައްކަވަނީ. -- ފޮޓޯ: އެމްޑީޕީ

ކުރިއަށް އޮތް ރިޔާސީ އިންތިހާބާއެކު، އިސްވެ ދިޔަ އަނދިރި ދުވަސްތަކަކަށް އެނބުރި ދާން ދިވެހި ރައްޔިތުން ނުރުހޭނެ ކަމަށާއި ރައްޔިތުން ބޭނުން ވަނީ އުފާވެރި، އަމާން ރާއްޖެއެއް ކަމަށް ހޯމް މިނިސްޓަރު އިމްރާން އަބްދުﷲ ރޭ ވިދާޅުވެއްޖެ އެވެ.

ރައީސް އިބްރާހިމް މުހައްމަދު ސޯލިހުގެ ރިޔާސީ ކެމްޕެއިން ރަސްމީކޮށް ފެށުމަށް ށ. ފޯކައިދޫގައި ބޭއްވި ޖަލްސާގައި އިމްރާން ވެސް އާކުރެއްވީ ކުރީގެ ރައީސް އަބްދުﷲ ޔާމީންގެ ވެރިކަމުގެ އަނިޔާވެރި ކަމެވެ.

ޔާމީންގެ ވެރިކަމާ ދެކޮޅަށް އޭރު އިދިކޮޅުން މެއި 1، 2015 ގައި ބޭއްވި ބޮޑު މުޒާހަރާ ރޫޅާލައި އިމްރާން ހައްޔަރުކޮށް ޖަލަށް ހުކުމްކުރި އެވެ. އެ ހުކުމް އޭނާ ސަލާމަތްވީ ރައީސް ސޯލިހު އިންތިހާބު ވުމަށް ފަހު އެވެ.

Advertisement

އެގާރަ އަހަރުގެ ޖަލު ހުކުމެއް ތަންފީޒުކުރަމުން ގެންދާ ޔާމީންގެ ފަސް އަހަރުގެ ވެރިކަމުގައި ކުރިމަތިވި ދަތިތަކުގެ ހަނދާން އާކުރައްވަމުން މިސާލުގެ ގޮތުގައި ފާހަގަ ކުރެއްވީ އޭރުގެ ޑިފެންސް މިނިސްޓަރު މުހައްމަދު ނާޒިމް ކޮޓަރިއަށް ފިސްތޯލައެއް ލުމަށް ފަހު، އޭނާ ފްރޭމްކޮށް ހައްޔަރުކުރުމާއި، ސިޔާސީ ލީޑަރުން ހައްޔަރުކުރުމާއި ސުޕްރީމް ކޯޓުގެ ފަނޑިޔާރުން ހައްޔަރުކުރުމާއި ރައްޔިތުންގެ މަޖިލީހުގެ މެމްބަރުން އެ މަޖިލީހުން ބޭރުކުރުމާއި، ވިޔާފަރިވެރިންނަށް ޖެއްސި ދުއްތުރާ އެވެ.

"ސިޔާސީ ހަރަކާތްތަކުގެ ލީޑަރުންނާއި ސިޔާސީ މަސައްކަތެއް ކުރިހާ މީހަކު ދާޖަހައިގެން ގެންގޮސް ގޮޅިތަކުގެ ތެރެއަށް އާޅާލެވުނު ދުވަސް ދިވެހިން ދެކޭކަށް ބޭނުމެއް ނުވާނެ،" އަދާލަތު ޕާޓީގެ ރައީސް އިމްރާން ވިދާޅުވި އެވެ.

"ދިވެހިން ބޭނުންވަނީ އުފާވެރި މުސްތަގުބަލެއް. އާމާން ދުވަސްތަކެއް. އަޅުގަނޑުމެން ބޭނުންވަނީ އުފާވެރި އަމާން ރާއްޖެއެއް."

އުފާވެރި ރާއްޖެއެއް ލިބިގެންދާނީ ރައީސް ސޯލިހާއެކުގައި ކަމަށް ހަގީގަތް ގަބޫލުކުރާ ކޮންމެ ދިވެއްސަކު ގަބޫލުކުރާނެ ކަމަށާއި ދައުރެއް ނިމެންދެން ކޯލިޝަނަކީ އެކުގައި މަސައްކަތް ކުރެވޭ އެއްޗެއްކަން ވެސް ސާބިތުކޮށްދެއްވި ހަމައެކަނި ރައީސް އަކީ ވެސް އެ މަނިކުފާނު ކަމަށް އިމްރާން ވިދާޅުވި އެވެ.

"ކޯލިޝަނެއް ދެމި އޮންނަނީ މުހިންމު ސިފަތަކެއް އޮވެގެން. ކޯލިޝަނުގެ ބައިވެރިން އެއްބަޔަކު އަނެއްބަޔަކަށް އިހުތިރާމުކޮށްގެން. ކޯލިޝަނުގެ ބައިވެރިން ކަންކަމުގައި މަޝްވަރާކުރާ ބަޔަކަށް ވެގެން. ކޯލިޝަނުގެ ބައިވެރިން އެއްބަޔަކު އަނެއް ބަޔަކަށް ޓޮލަރޭޓް ކުރަން ދަސްކުރާ ބަޔަކަށް ވެގެން" އޭނާ ވިދާޅުވި އެވެ.

ރާއްޖެ ދެކެމުން މިދާ ހުރިހާ އުފަލަކާއި ހުރިހާ ތަރައްގީއަކާއި ކުރިއެރުމެއް ގެނެސްދެނީ ރައީސް ސޯލިހުގެ ކޯލިޝަންގައި އެންމެން އެކުވެ ބައިވެރިވެގެން މިއަދާ ހަމައަށް ތިބުމުން ކަމަށް ވެސް އިމްރާން ވިދާޅުވި އެވެ.

ށ. އަތޮޅުން ކޯލިޝަންގެ ސަޕޯޓަރުންގެ ދެއްކި ފޯރި ރާއްޖޭގެ އެހެން ރަށްރަށުން ކުރިއަށް އޮތް 60 ދުވަހުގައި ދައްކުވައިފި ނަމަ ސެޕްޓެމްބަރު 9 ގައި ބާއްވާ ރިޔާސީ އިންތިހާބު ރައީސް ސޯލިހު އެއްބުރުން ކާމިޔާބު ކުރާނެ ކަމަށް އިމްރާން ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox