ނަށާ ގްރޫޕެއްގެ ކޮސްޓިއުމަށް ކަލްޗަރަލް މިނިސްޓަރު އަދި އާންމުންގެ ފާޑުކިޔުން އަމާޒުވެއްޖެ

ގޮމަ ގްރޫޕް ހުށަހަޅައިދިން އެހެން ލަވައެއްގެ ތެރެއިން: ވަރަށް ގިނަ އަދަދެއްގެ އާންމުން ވެސް އެ ކޮސްޓިއުމަށް ފާޑުކިޔާފައިވޭ -- ފޮޓޯ: ފޭސްބުކް

ގޮމަ ގްރޫޕް ހުށަހަޅައިދިން އެހެން ލަވައެއްގެ ތެރެއިން: ވަރަށް ގިނަ އަދަދެއްގެ އާންމުން ވެސް އެ ކޮސްޓިއުމަށް ފާޑުކިޔާފައިވޭ -- ފޮޓޯ: ފޭސްބުކް

ބޮޑު އީދު ފާހަގަ ކުރަން ގއ. ވިލިނގިލީގައި ނަށާ ގްރޫޕެއް ހުށަހަޅައިދިން ލަވައެއްގައި ބޭނުން ކުރި ކޮސްޓިއުމަށް ކަލްޗަރަލް މިނިސްޓަރު ޔުމްނާ މައުމޫން އަދި އާންމުންގެ ގިނަ ބަޔަކު ފާޑުކިޔައިފި އެވެ.

ވިލިނގިލީގައި ނަށާ ގްރޫޕެއް ހުށަހަޅައިދިން ލަވައެއްގެ 39 ސިކުންތުގެ ވީޑިއޯއެއް ސޯޝަލް މީޑިއާގައި އާންމު ކުރީ އެމްވީކްރައިސިސް ނަމަކަށް ކިޔާ ޕްލެޓްފޯމުންނެވެ. އޭގެން ފެންނަނީ، މުށި ކުލައިގެ ޓައިޓެއް ލުމަށްފަހު ބޭރުން ކުރު ސްކާޓެއް ލައިގެން ތިބޭ ތިން އަންހެނުން ނަށާ މަންޒަރެވެ. އޭގެ ތެރެއިން ދެ މީހުން ތިބީ ބުރުގާ އަޅައިގެނެވެ.

އެ ވީޑިއޯ ޓުވިޓާގައި ޝެއާ ކުރެއްވުމަށްފަހު މިނިސްޓާ އޮފް އާޓްސް، ކަލްޗާ އެންޑް ހެރިޓޭޖް ޔުމްނާ ވިދާޅުވީ "ހެދުން އެޅުމުގައި ކޮންމެވެސް ކަހަލަ މިންގަނޑުތަކެއް ހުންނަންޖެހޭ" ކަމަށެވެ.

Advertisement

"އީދަކީ ރަށުގެ ކުދިބޮޑު އެންމެން އެއްވެ އުފާ ފާޅުކޮށް ސަގާފީ ކުޅިވަރާއި ޒަމާނީ ކުޅިވަރުގެ ތެރެއިން އިޖުތިމާއީ ރޫހު އާލާ ކުރާ ދުވަސްވަރެއް. އީދު ކުޅިވަރުގައި ވެސް، އެހެނިހެން ކުޅިވަރުތަކުގައި ވެސް ހެދުން އެޅުމުގެ ކޮންމެވެސް ކަހަލަ މިންގަނޑުތަކެެއް ހުންނަންޖެހޭ،" ޔުމްނާ ވިދާޅުވި އެވެ.

ވިލިނގިލީގައި ޝޯ ދިނީ ރާއްޖެއަށް ވެސް މަޝްހޫރު ގޮމަ ގްރޫޕެވެ. ވީޑިއޯއިން ފެންނަނީ އެ ޝޯގައި ހުށަހަޅައިދިން އެއް ލަވައިގައި ބޭނުން ކުރި ކޮސްޓިއުމެކެވެ.

ބުރާސްފަތި ދުވަހުގެ ރޭގެ ވަގުތެއްގައި ޓުވިޓާއަށް އަޕްލޯޑްކޮށްފައި އިން އެ ވީޑިއޯ ލައްކައަށްވުރެ ގިނަ ފަހަރު މީހުންނަށް ފެނިފައިވާއިރު 100 އަށް ވުރެ ގިނަ ކޮމެންޓު އެ ލިބިފައިވެ އެވެ. ނަށާ ގްރޫޕުގެ ކޮސްޓިއުމަށް އޭގެ ތެރެއިން ވަރަށް ގިނަ ބަޔަކު ފާޑުކިޔެވެ.

"މިއީ ވަރަށް ދެރަ ކަމެއް. މިފަދަ ކަންކަމުން ދުރުވާނީ ކޮން ދުވަހަކުންބާ؟،" އެކަކު ސުވާލުކުރި އެވެ.

އެއްބަޔަކު އެކަން ސިފަކުރީ "މުޑުދާރު" އަމަލެއްގެ ގޮތުގަ އެވެ. އަދި ރަނގަޅު ގޮތުގައި އީދު ފާހަގަ ކުރާނެ ގޮތް ދަސްކޮށްދޭންޖެހޭ ކަމަށް ވެސް ބައެއް މީހުން ބުންޏެވެ.

"ޒަމާނުއްސުރެ [އޮތް] އީދުގެ ސަގާފަތް ދިވެހިން ދަސްކުރަން އެބަޖެހޭ. އީދު ކުޅިވަރުތަކާއި ހަރަކާތްތައް ރަށްރަށުގައި އާލަކޮށް ދިރުވަންޖެހޭ. މިއީ ކޮންފަދަ ހަޑި، މުޑުދާރު ކަންކަން. އީދަކީ މުޅި މުޖްތަމައުގެ ކުދި، ބޮޑު އެންމެން ނިކުމެ ފާހަގަ ކުރާ ދުވަހެއް،" ރާއްޖޭގައި މަގްބޫލު ޝަހުސިއްޔަތެއް ކަމަށްވާ ހީޓް ހެލްތު އެންޑް ފިޓްނަސް ސެންޓަރުގެ ސީއީއޯ ޝިފާނާ ވަޖީހު ވިދާޅުވި އެވެ.

މިއަހަރުގެ ބޮޑު އީދު ދުވަހަކީ މިދިޔަ ބުދަ ދުވެހެވެ. އީދު ފާހަގަ ކުރަން މި ހަފުތާ އެއްކޮށް އޮތީ ސަރުކާރު ބަންދުކޮށްފަ އެވެ. ވެރި ރަށް މާލެ އަދި މުޅި ރާއްޖޭގައި ވަރަށް ކުލަ ގަދަކޮށް އީދު ފާހަގަ ކުރި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox