ޖަޕާނުގެ ބަނދަރެއް ކައިރީގައި ފެންގަނޑު ރަތް ކުލައަށް ބަދަލުވެ އާއްމުން ކަންބޮޑުވުން ފާޅުކުރުމާ އެކު ބިއަރު އުފައްދާ ފެކްޓްރީއަކުން މައާފަށް އެދިއްޖެ އެވެ.
އޯރިއޮން ބްރޫވަރީޒް ކުންފުނިން ބުނީ ފެންގަނޑުގެ ކުލަ ބަދަލުވީ ކާތަކެތީގަައި ބޭނުންކުރާ ޑައީއެއް ފެކްޓްރީއިން ލީކުވެގެން ކަަމަށެވެ. އެކަމަކު އޭގެ ސަބަބުން ސިއްހަތަށް ނުރައްކަލެއް ނެތް ކަމަށް ބުންޏެވެ.
އޮކިނާވާގެ ނާގޯ ސިޓީގެ ރައްޔިތުން އެކަމާ މެދު ކަންބޮޑުވެ ކުރިމަތިވި ހާސްކަމަށް މައާފަށް އެދޭ ކަމަށް ވެސް އެ ކުންފުނިން ބުންޏެވެ.
ޕްރޮޕިލީން ގްލައިކޯލްއަކީ ކާތަކެތީގަައި ބޭނުންކުރަން އާއްމުކޮށް ރައްކާތެރި މާއްދާއެއް ކަމަށް ސިއްހީ ފަރާތްތަކުން ބުނެ އެވެ.
އެ މާއްދާ ލީކުވީ ފެކްޓްރީގެ ކޫލިން ނިޒާމުން ކަމަށް ބެލެވެ އެވެ. އެކަން ހިނގި ގޮތް ބަލަމުންދާ ކަމަށް އޯރިއޮން ބްރޫވަރީޒް ކުންފުނިން ބުނެ އެވެ.
