ފުޅާ ދާއިރާއެއްގައި ރާއްޖެއަށް މުދާ އެތެރެކޮށް ވިޔަފާރި ކުރާ ކުންފުނި، ސިމްޑީން ދިވެހިންގެ މެދުގައި މަގުބޫލު ބޮންކެފޭ އައިކަފީ ބުރޭންޑުގެ ދަޅު ކޮފީ ތައާރަފުކޮށްފި އެވެ.
ހުޅުމާލޭގައި ކުރިއަށް ގެންދިޔަ ހާއްސަ އިވެންޓެއްގައި ބޮންކެފޭ އައިކަފީގެ ތިން ފްލޭވާއެއް އެ ކުންފުނިން ވަނީ ތައާރަފުކޮށްފަ އެވެ. އެއީ މަސާލާ ލާޓޭއާއި ސިނަމަން ލާޓޭގެ އިތުރުން ކާޑަމަން ލާޓޭ އެވެ. ސިމްޑީން ބުނީ އެ ހުރިހާ ބުއިންތަކަކީ ވެސް ލޯފެޓު ބުއިންތަކެއް ކަމަށެވެ.
ބޮންކެފޭ އައިކަފީ ތައާރަފު ކުރުމަށް ސިމްޑީން ބޭއްވި ރަސްމިއްޔާތުގެ ތެރެއިން
ތިން ހާހަށްވުރެ ގިނަ މީހުން ބައިވެރިވި އިވެންޓުގައި އެ ޕްރޮޑަކްޓު ލޯންޗު ކުރުމަށްފަހު އިވެންޓުގައި ބައިވެރިވި ހުރިހާ އެންމެންނަށް އެ ދަޅުގެ އަޖުމަ ބަލައިލުމުގެ ފުރުސަތު ވެސް ސިމްޑީން ދިނެވެ.
ދިވެހިންގެ މެދުގައި މަގުބޫލު ބޮންކެފޭގެ އައިކެފޭ ސީރީޒްގެ ތިން ވައްތަރެއް މިހާރުވެސް ސިމްޑީން ވިއްކަމުން ދެއެވެ. އެއީ އައިކެފޭ ކެފޭ ލާޓޭ އާއި އައިކެފޭ ކެފޭ މޮކާ އަދި އައިކެފޭ ފްރެންޗު ވެނީލާ އެވެ.
އަލަށް ތައާރަފުކުރި ބޮންކެފޭ އައިކަފީގެ ޕްރޮޑަކްޓުތައް ހޯލްސޭލްކޮށް އަދި ރީޓެއިލްކޮށް ސިމްޑީގެ ސީޕީޑީ ޝޯރޫމްތަކުންނާއި ސިމްޑީގެ އޮންލައިން އެޕު މެދުވެރިކޮށް ލިބެން ހުންނާނެ ކަމަށް އެ ކުންފުނިން މައުލޫމާތު ދެއެވެ.
