ރައްޔިތުންގެ މަޖިލީހުގެ ނައިބު ރައީސް އީވާ އަބްދުﷲގެ އިތުބާރު ނެތް މައްސަލަ ކުރިއަށް ގެންދަން އިއްޔެ ބޭއްވި ޖަލްސާ ކުރިއަށް ގެންދިޔުމަށް ދަ ޑިމޮކްރެޓްސް އަށް ނިސްބަތްވާ މެންބަރުން ހުރަސް އަޅައި ނިޒާމު ގެއްލުވާލި ވަގުތު، ރިޔާސަތުގައި އިންނެވި ވިލުފުށީ ދާއިރާގެ މެންބަރު ހަސަން އަފީފަށް ލިބިވަޑައިގެންނެވި ފޯނު ކޯލަށް, "ނިންމާލަނީ" ކަމަށް ވިދާޅުވެ ޖަވާބު ދެއްވުމަށް ފަހު ޖަލްސާ ނިންމާލެއްވި އެވެ.
މަޖިލީހުގެ ޖަލްސާ ހިނގަމުންދާއިރު ރިޔާސަތުގައި އިންނެވި ބޭފުޅަކު މީގެ ކުރިން ފޯނު ނަންގަވައި ވާހަކަ ދެއްވި މަންޒަރު ފެނިފައެއް ނުވެ އެވެ.
އަފީފަށް ލިބިވަޑައިގެންނެވި ފޯނު ކޯލަކީ، ބައެެއް މީހުން ގަބޫލުކުރާ ގޮތުގައި، ރިޔާސަތު ބެލެހެެއްޓެވުމަށް ތަނާޒުލުވެވަޑައިގެންނެވި މަޖިލީހުގެ ރައީސް މުހައްމަދު ނަޝީދެވެ.
ރައްޔިތުންގެ މަޖިލީހުގެ ރިޔާސަތު އަފީފު ބަލަހައްޓަވަނީ މަޖިލީހުގެ ރައީސް މުހައްމަދު ނަޝީދާއި ނައިބު ރައީސް އީވާ އަބްދުﷲ ވެސް ތަޅުމުގައި ވަޑައިގެން ނެތުމުންނެވެ. އެފަދަ ހާލަތްތަކުގައި ރިޔާސަތު ބަލަހައްޓަވަން އަފީފާ ހަވާލު ކުރައްވަނީ މަޖިލީހުގެ ރައީސް މުހައްމަދު ނަޝީދެވެ.
އިއްޔެ ޖަލްސާގައި މެމްބަރުންގެ އަރައިރުން ބޮޑުވުމުން، ވާހަކަ ދައްކައިގެން މައްސަލަ ހައްލުކުރަަން މެދުކަނޑައިލުމަށް ފަހު އަލުން ފެށި އިރު ވެސް އެ އަރަައިރުން އުފެދުނު މައްސަލައާ މެދު އޮތީ ގޮތެއް ނުނިމި އެވެ. މަޖިލީހުގެ މެޖޯރިޓީ އޮންނަ އެމްޑީޕީގެ މެމްބަރުންނާއި އެޕާޓީން ވަކިވެވަޑައިގެން "ދަ ޑިމޮކްރެޓްސް" ގެ ނަމުގައި އާ ޕާޓީއެއް އުފެއްދުމުގެ މަސައްކަތްކުރައްވާ މެމްބަރުންނާ ދެމެދު އަރައިރުމެއް ފެށުނީ ކޮމިޓީތަކުގެ އެކުލެވުން ބަދަލުކުރުމުގެ މައްސަލައިގަ އެވެ.
ކޮމިޓީތަކުގެ މައްސަލަ އެޖެންޑާއިން ނުނަގައި މަޖިލިސް ޖަލްސާ ކުރިއަށްގެންދިޔުމަށް އެ މެމްބަރުން ހުރަސް އަޅުއްވައި އިހުތިޖާޖު ކުރެއްވި އެވެ. އަދި, ރިޔާސަތުގެ މޭޒުކޮޅު ކުރިމައްޗަށް ވަޑައިގެން އަޑު ގަދަ ކުރެއްވި އެވެ. އެހެން ނަމަވެސް, އެ މެމްބަރުންގެ ނަންތައް އިއްވާފައި ނުވެ އެވެ.
ނިޒާމު ހަމައަކަށް އެޅުވުމަށް މަސައްކަތް ކުރައްވަމުން ގެންދަވަނިކޮށް އަފީފަށް ކުއްލި ގޮތަކަށް ފޯނު ކޯލެއް ލިބުނު މަންޒަރު މަޖިލީހުގެ ލައިވް ފީޑުން ފެނެ އެވެ. އަދި, ރިޔާސަތުގައި އިންނަވައި ފޯނު ކޯލަށް ޖަވާބު ދެއްވި އެވެ.
މުހިންމު ބައެއް ހަބަރު
ދުވަހުގެ ކޯޓޭޝަން
އިދިކޮޅު އެންމެ ބޮޑު ޕާޓީ، ޕީޕީއެމްއިން އިން ހިއުމަން ރައިޓްސް ކޮމިޝަނަށް ދިޔުމުން، އެ ޕާޓީގެ އިސް ފަރާތްތަކާ ބައްދަލު ނުކޮށް އެތައް ގަޑިއިރެއް އެ ބޭފުޅުން އެ ކޮމިޝަންގެ ތެރޭގައި ހޭދަކުރެއްވެވި އެވެ. އެ ކަމާ ގުޅޭ ގޮތުން، ޕީޕީއެމްގެ ނައިބު ލީޑަރު، އަދި ރައްޔިތުންގެ މަޖިލީހުގެ ނައިފަރު ދާއިރާގެ މެންބަރު އަހުމަދު ޝިޔާމް ވިދާޅުވީ،
ރާއްޖޭގެ ޑިމޮކުރެސީގެ ހަޔާތުގައި މިއަދަކީ ހަޑި ދުވަހެއް، ހިއުމަން ރައިޓްސް ކޮމިޝަނަށް މައްސަލައެއް ހުށަހަޅަންދިޔަ ބަޔަކު ނެރެން ފުލުހުން ފޮނުވަންޖެހޭ ހިސާބަށް ކަންކަން ދިޔައީމަ،"
ދުވަހުގެ ފޮޓޯ
އިއްޔެގެ މަޖިލީހުގެ ޖަލްސާ ހުއްޓާލަން އައި ފޯން ކޯލް ނެގުމަށްޓަކައި ވިލުފުށީ ދާއިރާގެ މެންބަރު ހަސަން އަފީފު، އޭނާގެ ޖީބުން ފޯނު ނަންގަވަނީ.-- ފޮޓޯ: ރައްޔިތުންގެ މަޖިލީހުގެ އިދާރާ
