އެމްޑީޕީއިން "ވީއްލުނު" ކުޅުދުއްފުށީ ސިޓީ ކައުންސިލަށް ނަޝީދުގެ ތައުރީފާއި މަރުހަބާ

ރައްޔިތުން މަޖިލީހުގެ ރައީސް މުހައްމަދު ނަޝީދު : އެމަނިކުފާނު ވަނީ އެމްޑީޕީއިން 'ވީއްލުނު' ކުޅުދުއްފުށީ ސިޓީ ކައުންސިލަށް މަރުހަބާ ދަންނަވާފަ - ފޮޓޯ: މަޖިލިސް އިދާރާ

ރައްޔިތުން މަޖިލީހުގެ ރައީސް މުހައްމަދު ނަޝީދު : އެމަނިކުފާނު ވަނީ އެމްޑީޕީއިން 'ވީއްލުނު' ކުޅުދުއްފުށީ ސިޓީ ކައުންސިލަށް މަރުހަބާ ދަންނަވާފަ - ފޮޓޯ: މަޖިލިސް އިދާރާ

ވެރިކަންކުރާ މައި ޕާޓީ އެމްޑީޕީއިން ވަކިވެ އަލަށް އުފައްދާ ދަ ޑިމޮކްރެޓްސްއާ އެކުގައި ގުޅުނު ކުޅުދުއްފުށީ ސިޓީ ކައުންސިލަށް އެމްޑީޕީގެ ރައީސް މުހައްމަދު ނަޝީދު މަރުހަބާ ދަންނަވައިފި އެވެ.

ކުޅުދުއްފުށީ ސިޓީ ކައުންސިލްގެ ދެވަނަ އަހަރީ ޖަލްސާގައި ވާހަކަދައްކަވަމުން ނަޝީދު ވަނީ، އެމަނިކުފާނު ރައީސްކަން ކުރައްވާ އެމްޑީޕީ ދޫކުރި ކައުންސިލަށް ތަކުރާރުކޮށް ތައުރީފު ކުރައްވާފަ އެވެ.

"ކުޅުދުއްފުށީ ކައުންސިލް ހާއްސަވެގެން އެބަދޭ ހަމަ ގައިމުވެސް 2023 ގައި.. [އެއީ] ވީއްލި ގަތީމަ، ވެރިކަންކުރާ ސިޔާސީ ޕާޓީ ދޫކޮށް މުޅި ކައުންސިލް އެކީގައި އަމިއްލަ ފައިމައްޗަށް ތެދުވާން، ވީއްލި ގަންނަން، އޮބެހެއްޓިފަ ނުތިބޭން [ނިންމީމަ]"

ދަ ޑިމޮކްރެޓްސް އަކީ ނަޝީދު އިސްވެ ހުންނަވާ އެމްޑީޕީގެ ތެރޭގައި އުފެއްދެވި 'ފިކުރެއްގެ ދިރުން' ފެކްޝަނުން އުފެދުނު ޕާޓީ އެކެވެ. ނަޝީދު އެމްޑީޕީގައި ހުންނެވި ނަމަވެސް، ޑިމޮކްރެޓްސްއާ ގުޅުނު ސިޓީ ކައުންސިލަށް ތަކުރާރުކޮށް މަރުހަބާ ދެންނެވި އެވެ.

އެގޮތުން، ވެރިކަންކުރާ ޕާޓީ ދޫކޮށްލުމުން ހާމަވަނީ ކުޅުދުއްފުށީ ކައުންސިލްގެ އުންމީދުތައް ހާސިލްކުރުމަށްޓަކާ، ކައުންސިލް މެންބަރުން ގިރާނުކުރާނެ އޮޅިއެއް، ނުއުފުލާނޭ އެއްވެސް ތަކުލީފެއް ނެތްކަމުގެ ސާފު މަންޒަރު ކަމަށްވެސް ނަޝީދު ވިދާޅުވި އެވެ.

"ސިޓީ ކައުންސިލެއް އެކުގައި ވެރިކަންކުރާ ޕާޓީއަކުން ވަކިވާ ހާދިސާ އެއީ ސިޔާސީ ޒަލްޒަލާއެއް، އެއީ ސިޔާސީ ހާދިސާއެއް" ނަޝީދު ވިދާޅުވީ އެ ނިންމުމަކީ ސަރުކާރުން އެ ސިޓީގެ ރައްޔިތުންގެ އެދުންތައް ފުއްދުމަށް އުޒުރުވެރިވުމުގެ ނަތީޖާ ކަމަށެވެ. ވެރިކަމާ ގުޅިފައި ހުރި ރައްޔިތުންގެ އުންމީދުތައް ނުފުއްދި، ވެރިކަމާ މެދު ހިތްހަމަ ނުޖެހުނީމުން ކަމަށެވެ.

"ކުޅުދުއްފުށީ ކައުންސިލުން އަލަށް ތި ގެންދެވާ މިސްރާބަށް އަޅުގަނޑު ދަންނަވާނީ މަރުހަބާ ދަންނަވަން ޖެހެޔޭ" ނަޝީދު ވަނީ ފާޅުގައި، މި ސަރުކާރުން އެމްޑީޕީގެ އަސާސްތައް ދަމަހައްޓަމުން ނުދާ ކަމަށް އަނެއްކާވެސް ވިދާޅުވެފަ އެވެ.

ނަޝީދު ކުޅުދުއްފުށްޓަށް ވަޑައިގެންފައި ވަނީ އެމަނިކުފާނުގެ އިތުބާރު ނެތް ކަމަށް ރައްޔިތުންގެ މަޖިލީހަށް ހުށަހަޅާފައި އޮތް ގަރާރާމެދު ގޮތެއް ނިންމުމުގެ ކުރިން އެ މަޖިލީހުގެ ރިޔާސަތު ބެލެހެއްޓުމަށް އުޒުރުވެރިވެވަޑައިގަންނަވާ ކަމަށް މަޖިލީހަށް އަންގަވާފައިވާ ދަނޑިވަޅެއްގަ އެވެ.

އެމްޑީޕީން ނަޝީދުގެ އިތުބާރުނެތްކަމުގެ މައްސަލައެއް 54 މެމްބަރުންގެ ސޮޔާއެކު މަޖިލީހަށް ވެއްދީ މި މަހުގެ ހަތެއްގަ އެވެ.

'ކުޅުދުއްފުށީގެ ތަރައްގީއަށް ވަނީ އިހުމާލުވެފަ'

ރޭގެ ޖަލްސާގައި ވާހަކަ ދައްކަވަމުން ނަޝީދު، ކުޅުދުއްފުށި ސިފަކުރެއްވީ ތަރައްގީއަށް އެންމެ ބޭނުންޖެހިފައިވާ، އިގުތިސާދީ އަދި އާބާދީގެ ގޮތުންވެސް ރާއްޖޭގެ އެންމެ ކުރިއަރަމުން އަންނަ ރަށުގެ ގޮތުގަ އެވެ. އުފެއްދުންތެރިކަމާއި އާމްދަނީގެ ގޮތުންވެސް ކުރީގައި އުޅޭ ރަށެއްގެ ގޮތުގަ އެވެ. ނަމަވެސް, މި ސަރުކާރުން އެ ސިޓީގެ ތަރައްގީއާ މެދު އިހުމާލުވެފައިވާކަން ނަޝީދު ވަނީ ފާހަގަކުރައްވާފަ އެވެ.

"ކުޅުދުއްފުށީ ކައުންސިލް އެކުގައި ވެރިކަންކުރާ ޕާޓީ ދޫކޮށްލީމާ އަޅުގަނޑުވެސް ވިސްނިން، ބެލިން އެބޭފުޅުންގެ ހިތްހަމަ ނުޖެހުން ހުރި މިންވަރާއި އުންމީދު އޮތް މިންވަރު.."

ނަޝީދު ވިދާޅުވީ ކުޅުދުއްފުށްޓަށް ވަޑައިގަތުމުގެ ކުރިން ސަރުކާރުގެ މަޝްރޫއުތައް ފެންނަން ހުންނަ އައިލްސް ވެބްސައިޓު ބެއްލެވި ކަމަށެވެ. އެގޮތުން، ކުޅުދުއްފުށީގައި 70 އަށްވުރެ ގިނަ ޕްރޮޖެކްޓު އޮތް ކަމަށް ވެބްސައިޓުން ދައްކަ އެވެ. އަދި, އެ ޕްރޮޖެކްޓުތައް ހިނގާފައިވާ މިންވަރުވެސް އެ ވެބްސައިޓުން ސާފުވާނެ އެވެ.

"ޕްރޮޖެކްޓު ހިނގާފައިވާ އިންސަތަ ތިނެއް، ޕްރޮޖެކްޓު ހިނގާފައިވާ މިންވަރު ދޭއް، 70 ޕްރޮޖެކްޓު އަޅުގަނޑު ބެލިއިރުގައި.. [މަސައްކަތް ނިމިފައިވާ] އިންސައްތަ ބޮޑުކޮށް 55 ޕަސެންޓަށް އަޅާލާ ހިނގާފާ އޮތީ މަދަރުސާ ފުރާޅުގައި ބާއްވާފާ އޮތް ސޯލާ ޕެނަލްކޮޅު، ހޮސްޕިޓަލުގެ ދެތިން ޕްރޮޖެކްޓެއް، ދެ ކްލާސްރޫމް ބަރިއެއް އަޅާލުން.. އެކަންވެސް އެބަ ނިންމޭ"

މީގެއިތުރުން، ސަރުކާރުން ބޯޅަދަނޑު އެޅުންވެސް މެގަ ޕްރޮޖެކްޓެއްގެ ގޮތުގައި ސިފަކުރާ ކަމަށާއި އެކަންވެސް ނިންމަން އުނދަގޫވެފައިވާ ކަމަށެވެ. އެކަމުގެ ސަބަބުތައް ތަފުސީލުކޮށް ހޯދިދާނެ ކަމަށާއި ނަމަވެސް އެމަނިކުފާނު ދެކިލައްވާ ގޮތުގައި ތަރައްގީ މަޑުޖެހޭ ހަމައެކަނި ސަބަބަކީ ލާމަރުކަޒީ ނިޒާމުގެ ތެރެއިން ކައުންސިލްތަކަށް ރަށްތައް ތަރައްގީކުރުމުގެ ބާރު ނުދީ އޮތް އޮތުން ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox