މޮގަދިޝޫ، ސޯމާލިއާ (ޖޫން 10) - އަލް ޝަބާބްގެ ޓެރަރިސްޓިން ހަ ގަޑިއިރު ވަންދެން ސޯމާލިއާގެ ހޮޓަލެއް ހިސޯރުކޮށްގެން ދިން ހަމަލާތަކުގައި ހަ މީހުން މަރުވެ 10 މީހުންނަށް އަނިޔާވެއްޖެ އެވެ.
ހިސޯރުކުރީ ވެރިރަށް މޮގަދިޝޫގެ ގޮނޑުދޮށުގައި ހުންނަ ޕާލް ބީޗް ހޮޓަލެވެ. އަަލް ގައިދާއާ ގުޅުން އޮންނަ އަލް ޝަބާބުން ސަރުކާރާ ދެކޮޅަށް ހަނގުރާމަ ކުރާތާ 15 އަހަރު ވެއްޖެ އެވެ.
މީގެ ކުރިން ވެސް އެ ގްރޫޕުން ހޮޓަލްތައް ހިސޯރުކޮށްގެން އެކި ހަމަލާތައް ދީފައިވެ އެވެ. ގިނަ ފަހަރު ހިސޯރު ކުރަނީ ބޭރު މީހުން މަޑުކުރާ ހޮޓަލްތަކެވެ.
ފުލުހުން ބުނީ މަރުވީ އާއްމުންގެ ހަ މީހުން މަަރުވެ، 10 މީހުންނަށް އަނިޔާވި ކަމަށެވެ. އޭގެ އިތުރުން ސޯމާލިއާގެ ސަލާމަތީ ފައުޖުގެ ތިން މެމްބަރުން ވެސް މަރުވި އެވެ.
ހެނދުނުގެ ވަގުތުގައި ހޮޓަލް ހިސޯރު ކުރުމުން، ހިންގި ރެސްކިއު އޮޕަރޭޝަނަށް ފަހު، ހުރިހާ ޓެރަރިސްޓުން މަރާލީ މެންދުރު 02:00 ގެ ފަހުންނެވެ.
ރެސްކިއު އޮޕަރޭޝަނުގައި 84 މީހުން ސަލާމަތް ކުރި އިރު، އޭގެ ތެރޭގައި ކުޑަކުދިންނާއި އަންހެނުން އަދި އުމުރުން ދުވަސްވީ މީހުން ހިމެނެ އެވެ.
