ގޭތެރޭގައި އާންމުކޮށް ބޭނުން ކުރާ ސާމާނުތަކުން 20 ޕަސެންޓާ ހަމައަށް ޑިސްކައުންޓު ލިބޭ ޕްރޮމޯޝަނެއް ރާއްޖޭގައި ފުޅާ ދާއިރާއެއްގައި ވިޔަފާރި ކުރަމުންދާ އެއް ކުންފުނި، ސިމްޑީން ފަށައިފި އެވެ.
"ހޯމް ސްވީޓު ހޯމް 2023" ގެ ނަމުގައި އެ ޕްރޮމޯޝަން ކުރިއަށް ގެންދާނީ މިމަހުގެ ނިޔަލަށް، މާލެ، ނީލޯފަރު ހިނގުމުގައި ހުންނަ ސިމްޑީ ރެސޫ ގަ އެވެ.
ސިމްޑީގެ ޕަބްލިކް ރިލޭޝަންސް އެންޑު މާކެތިން މެނޭޖަރު، އިބްރާހިމް ހަމީޝް ވިދަޅުވީ، މި ޕްރޮމޯޝަނަކީ ގޭތެރެ "އަޕްގުރޭޑު" ކޮށްލަން ކަސްޓަމަރުންނަށް ލިބޭ ރަނުގެ ފުރުސަތެއް ކަމަށެވެ.
"ހޯމް ސްވީޓު ހޯމް 2023 އަކީ ކަސްޓަމަރުންނަށް އެމީހުންގެ ގޭތެރެއާއި އާންމު ދިރިއުޅުން ބަދަލުކޮށްލަން ލިބޭނެ ރަނުގެ ފުރުސަތެއް،" ހަމީޝް ވިދާޅުވި އެވެ.
އޭނާ ވިދާޅުވީ އެ ޕްރޮމޯޝަނުގައި ޑިސްކައުންޓު ލިބޭ ސާމާނުގެ ތެރޭގައި ވެކިއުމްއާއި މައިކްރޯވޭވް އަދި އައިސް އަލަމާރިއާއި ދޮންނަ މެޝިނުގެ އިތުރުން ކޮފީ މެޝިނު ވެސް ހިމެނޭ ކަމަށެވެ.
"މި ޕްރޮމޯޝަނުން ކަސްޓަމަރުންނަށް އެމީހުންގެ ގޭގެއަށް ލޭޓެސްޓް ޓެކްނޮލޮޖީއާއި ކޮންވީނިއެންސް ހެޔޮ އަގެއްގައި ގެނެވޭނެ،" ހަމީޝް ވިދާޅުވި އެވެ.
އޮނަވިސަތޭކަ އަށްޑިހައަށްވަނަ އަހަރު ވުޖޫދު ކުރި، ސިމްޑީ ރެސޫއަކީ މިވަގުތު ރާއްޖޭގައި އެންމެ ފުޅާ ދާއިރާއެއްގައި ގޭތެރެއަށް ބޭނުންވާ ސާމާނާއި ކޮލެޓީ ރިސޯޓު ވެއާ އަތްފޯރާ އަގުގައި ވިއްކަމުންދާ އެއް ކުންފުންޏެވެ.
ސިމްޑީ ރެސޫއަކީ އިލެކްޓްރޯލަކްސް އަދި ދިވެހިންގެ މެދުގައި މަގުބޫލު، އިލީ ކޮފީގެ ރާއްޖޭގެ އެކްސްކްލޫސިވް ޑިސްޓްރިބިއުޓަރެވެ.
