ލިނިން މޯލްޑިވްސް ބެޑްމިންޓަން ޗެލެންޖް: ތިން ފައިނަލްގައި އިންޑިއާ ކުޅުންތެރިން

Jun 9, 2023, 5:04 PM
އަންހެން ސިންގަލްސް ފައިނަލުން ފުރުސަތު ހޯދި އިންޑިއާގެ ތަސްނީމް މީރް ޕޮއިންޓެއް ހޯދުމަށް ފަހު އުފާފާޅުކުރަނީ.--- ފޮޓޯ: މުހައްމަދު ޝާބިން/ އަދަދު

އަންހެން ސިންގަލްސް ފައިނަލުން ފުރުސަތު ހޯދި އިންޑިއާގެ ތަސްނީމް މީރް ޕޮއިންޓެއް ހޯދުމަށް ފަހު އުފާފާޅުކުރަނީ.--- ފޮޓޯ: މުހައްމަދު ޝާބިން/ އަދަދު

މިހާރު ކުރިއަށްދާ ލިނިން މޯލްޑިވްސް ބެޑްމިންޓަން ޗެލެންޖް 2023 ގެ ހަތަރު އިވެންޓްގެ ފައިނަލުގައި އިންޑިއާގެ ކުޅުންތެރިން ފުރުސަތު ހޯދައިފި އެވެ.

ކުޅިވަރު އެކުވެނި އިންޑޯ ކޯޓުގައި މިއަދު ކުޅުނު ސެމީ ފައިނަލް މެޗުތަކަށް ފަހު، އިންޑިއާ އިން ފައިނަލަށް ދަތުރުކޮށްފައިވަނީ އަންހެން ސިންގަލްސް، ފިރިހެން ސިންގަލްސް އަދި އަންހެން ޑަބަލްސް އިވެންޓްގަ އެވެ. މީގެ ތެރެއިން އަންހެން ސިންގަލްސް ފައިނަލުގައި ވާދަކުރާ ދެ ކުޅުންތެރިން ވެސް ނިސްބަތްވަނީ އިންޑިއާ އަށެވެ.

އަންހެން ސިންގަލްސް ފައިނަލުން އިންޑިއާގެ ތަސްނީމް މީރް ފުރުސަތު ހޯދީ ތުރުކީގެ ނެސްލިހާން ޔިޖިތުގެ މައްޗަށް 21-11، 21-10 އިން ކުރިހޯދައިގެންނެވެ. ތަސްނީމް އަކީ އަންހެން ސިންގަލްސްގެ ދުނިޔޭގެ ރޭންކިންގެ 52 ވަނަ އެވެ. އަދި ނެސްލިހާން އަކީ ދުނިޔޭގެ ރޭންކިން 60 ވަނައިގައި އޮތް ކުޅުންތެރިއެކެވެ. ތަސްނީމްއާ ދެކޮޅަށް ފައިނަލުގައި ނުކުންނާނީ ދުނިޔޭގެ ރޭންކިން 46 ވަނައިގައި އޮތް އިންޑިއާގެ އަޝްމިތާ ޗާލިހާ އެވެ. އަޝްމިތާ ވަނީ ސެމީ ފައިނަލުގައި އިންޑޮނޭޝިއާގެ އައިސިޔާ ސަތީޔާ ފަތެތާނީ އަތުން 21-16، 21-18 އިން މޮޅުވެފަ އެވެ.

Advertisement

އިންޑިއާ ޓީމުގެ ރަވީ މިއަދުގެ ސެމީ ފައިނަލް މެޗުގެ ތެރެއިން ޕޮއިންޓެއް ހޯދުމަށް ފަހު އުފާފާޅުކުރަނީ.--- ފޮޓޯ: މުހައްމަދު ޝާބިން/ އަދަދު

ފިރިހެން ސިންގަލްސް ފައިނަލުން އިންޑިއާގެ ރަވީ ރަވީ ފުރުސަތު ހޯދީ ހަ ވަނަ އަށް ސީޑްކޮށްފައިވާ ޖަރުމަނުގެ ކައި ޝޭފާ އަތުން މޮޅުވެގެންނެވެ. ސެމީއާ ހަމައަށް ސެޓެއް ވެސް ނުގެއްލި އައި ޝޭފާ އަތުން ރަވީ ސީދާ ދެ ސެޓުން މޮޅުވިއިރު، ސެޓުތައް ގެންދިޔައީ 21-11، 21-14 އެވެ. ރަވީ ވަނީ މުބާރާތުގެ ފިރިހެން ސިންގަލްސް އެއް ވަނަ އަށް ސީޑްކޮށްފައި އޮތް އިންޑިއާގެ މިތުން މަންޖުނާތު އަތުން ކުއާޓާ ފައިނަލުގައި މޮޅުވެފަ އެވެ. ފައިނަލުގައި ރަވީ ކުޅެން ޖެހެނީ މެލޭޝިއާގެ ސޫންގް ޖޫ ވެންއާ ދެކޮޅަށެވެ. ދުނިޔޭގެ ރޭންކިންގެ 72 ވަނައިގަިއ އޮތް ސޫންގް ވަނީ ސެމީ ފައިނަލުގައި އިންޑިއާގެ ކިރަން ޖޯޖް އަތުން 2-1 ސެޓުން މޮޅުވެފަ އެވެ. ދުނިޔޭގެ ރޭންކިން 46 ގައި އޮތް ކިރަން އަތުން ސޫންގް މޮޅުވިއިރު، ސެޓުތައް ގެންދިޔައީ 13-21، 21-17 އަދި 21-16 އިންނެވެ.

އަންހެން ޑަބަލްސް ފައިނަލަށް އިންޑިއާގެ އަޝްވިނީ ބަޓް އާއި ޝިކާ ގޯތަމްގެ ޕެއާ ދަތުރުކުރީ ސެމީ ފައިނަލުގައި ތައިލެންޑްގެ ފުންފާ ކޮރްޕޮތަމަކިޓް އާއި ޕަތީދާ ސްރިސަވަތުގެ ޕެއާ އަތުން 21-16، 21-19 އިން މޮޅުވެގެންނެވެ. ފައިނަލުގައި އަޝްވިނީ އާއި ޝިކާގެ ޕެއާ ބައްދަލުކުރާނީ ތައިލެންޑްގެ ލަކްސިކާ ކަންލަހާ އާއި ޕަތައިމާސް މުއެންވޯންގްގެ ޕެއާއާ އެވެ. ލަކްސިކާ އާއި މުއެންވޯންގްގެ ޕެއާ ފައިނަލަށް ދިޔައީ ސެމީ ފައިނަލުގައި ފިލިޕީންސްގެ އަލީސާ ލެއޮނާޑޯ އާއި ތިއެ މަރީ ޕޯމާރްގެ ޕެއާ، 21-15، 21-13 އިން ބަލިކޮށްގެންނެވެ.

މިއަދު ކުރިއަށްދިޔަ ފިރިހެން ސިންގަލްސް ސެމީ ފައިނަލް މެޗެއްގެ ތެރެއިން.--- ފޮޓޯ: މުހައްމަދު ޝާބިން/ އަދަދު

ފިރިހެން ޑަބަލްސް ފައިނަލުގައި ބައްދަލުކުރަނީ މެލޭޝިއާގެ ލޯ ޔަން ޔީ އާއި އެންގް ޝިއޯންގެ ޕެއާ އާއި ތައިލެންޑްގެ ޕަރާންޔޫ ކައޮސަމާން އާއި ވޮރަޕޯލް ތޮންގްސާގެ ޕެއާ އެވެ. މެލޭޝިއާގެ ލޯން ޔަން އާއި އެންގް ޝިއޯންގެ ޕެއާ ވަނީ ސެމީ ފައިނަލުގައި ސްރީ ލަންކާގެ ބުވަނެކަ ގޫނަތެލަކަ އާއި ވިރެން ނެތަސިންހޭ އަތުން 21-11، 21-10 އިން މޮޅުވެފަ އެވެ. ތައިލެންޑްގެ ޕަރަންޔޫ އާއި ވޮރަޕޯލްގެ ޕެއާ ވަނީ ފިލިޕީންސްގެ ކްރިސްޓިއަން ބެނާޑޯ އާއި އަލްވިން މޮރާޑާގެ ޕެއާ 21-10، 21-16 އިން ބަލިކޮށްފަ އެވެ.

މިކްސް ޑަބަލްސްގެ ފައިނަލުން ފުރުސަތު ހޯދީ އެމެރިކާގެ ވިންސަން ޝިއޫ އާއި ޖެނީ ގާއީގެ ޕެއާ އާއި މެލޭޝިއާގެ ހޫ ޕަން ރޮން އާއި ތެއޯ މެއި ޒިންގެ ޕެއާ އެވެ. ދުނިޔޭގެ ރޭންކިން 32 ވަނައިގައި އޮތް ވިންޝަން އާއި ޖެނީގެ ޕެއާ ސެމީ ފައިނަލް މެޗުން މޮޅުވީ ފިލިޕީންސްގެ އަލްވިން މޮރާޑާ އާއި އަލީސާ ލެއޮނާޑޯ އަތުން 21-18، 23-21 އިންނެވެ.

މިކްސް ޑަބަލްސް އަނެއް ސެމީ ދިޔައީ ފޯރިގަދަކޮށެވެ. ދުނިޔޭގެ ރޭންކިންގެ 49 ވަނައިގައި އޮތް މެލޭޝިއާގެ ހޫ ޕަން އާއި ތެއޯ މެއިގެ ޕެއާ ވަނީ 21-17، 22-20 އިން ދުނިޔޭގެ 41 ވަނައިގައި އޮތް ރުތަނަޕަކް އޯތުޕޮން އާއި ޖެނިކާ ސުދްޖައިޕްރަޕަތުގެ ޕެއާ ބަލިކޮށްފަ އެވެ.

މުބާރާތުގެ ފަސް ފައިނަލް ވެސް އޮންނާނީ މާދަމާ އެވެ. މެޗުތައް ފަށާނީ މެންދުރު ފަހު ތިނެއް ޖަހާއިރު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox