އިދިކޮޅު މެންބަރުން ދިއުމުން ރައީސް އޮފީހުން ބުނީ ރަސްމީކޮށް 241 ކޮމިޓީން ރައީސްގެ ސިޓީއަށް އެދެން

މެދުހެންވޭރު ދާއިރާގެ މެންބަރު އަލީ އާޒިމް : ވިދާޅުވީ ރައީސް މޮރިޝަސްއަށް ފޮނުއްވި ސިޓީގެ ކޮޕީ ރައީސް އޮފީހުން ނުދިން ކަމަށް - ފޮޓޯ: އަބްދުﷲ އިޔާން / އަދަދު

މެދުހެންވޭރު ދާއިރާގެ މެންބަރު އަލީ އާޒިމް : ވިދާޅުވީ ރައީސް މޮރިޝަސްއަށް ފޮނުއްވި ސިޓީގެ ކޮޕީ ރައީސް އޮފީހުން ނުދިން ކަމަށް - ފޮޓޯ: އަބްދުﷲ އިޔާން / އަދަދު

ޗާގޯސް ޖަޒީރާގައި މޮރިޝަސްގެ ސިޔާދަތީ ބާރު ހިނގާ ކަމަށް ޒަމާނުއްސުރެ ނަގަމުން އައި ސްޓޭންޑު ބަދަލުކޮށް ރައީސް އިބްރާހިމް މުހައްމަދު ސޯލިހު މޮރިޝަސްގެ ބޮޑުވަޒީރަށް ފޮނުއްވި ސިޓީ ހޯދުމަށް އެދި ފޯޅަވަހި ކޯލިޝަނުގެ މަޖިލިސް މެންބަރުން މިއަދު ރައީސް އޮފީހަށް ވަޑައިގަތުމުން އެ ސިޓީއަށް އެދި ރަސްމީކޮށް މަޖިލީހުގެ 241 ކޮމިޓީ މެދުވެރިކޮށް އެދެން ރައީސް އޮފީހުން ބުނެފި އެވެ.

އިދިކޮޅު ޕީޕީއެމް، ޕީއެންސީ ކޯލިޝަން، ޖޭޕީ، އެމްއެންޕީ އަދި އަލަށް އުފައްދާ ޑިމޮކްރެޓްސްގެ މަޖިލިސް މެންބަރުން ހިމެނޭ ވަފުދެއް މިއަދު ރައީސް އޮފީހަށް ވަޑައިގެންނެވީ ރައީސް ސޯލިހު ފޮނުއްވި ސިޓީގެ ކޮޕީއެއް ހޯދުމަށް ކަމަށް އެ މެންބަރުން ވިދާޅުވި އެވެ.

ރައީސް އޮފީހުން ނިކުމެވަޑައިގެން ނޫސްވެރިންނާ ވާހަކަދައްކަވަމުން މެދުހެންވޭރު ދާއިރާގެ މެންބަރު އަލީ އާޒިމް ވިދާޅުވީ ރައީސްގެ ސިޓީގެ ކޮޕީއަކަށް އެދިވަޑައިގެންނެވުމުން ،އެ ސިޓީއަށް ރައްޔިތުންގެ މަޖިލީހުގެ 241 ކޮމިޓީން ރަސްމީކޮށް ފޮނުވުމަށްފަހު ވަޑައިގަތުމަށް ރައީސް އޮފީހުގެ އޮފީހުގެ ޗީފް އޮފް ސްޓާފް އަލީ ޒާހިރު ވިދާޅުވި ކަމަށެވެ.

"ރައީސުލްޖުމްހުރިއްޔާ ވިދާޅުވެފަ އެބައޮތް ތަކުރާރުކޮށް ރައްޔިތުން މަޖިލިސް ކޮންޓްރޯލް ކުރަނީ ރައީސުލްޖުމްހުރިއްޔާއޭ، އެހެންވީމަކާ ވަރަށް އުނދަގޫ ކަމެެއް އަޅުގަނޑުމެންނަށް އަނެއްކާވެސް 241 ކޮމިޓީން ރައީސް އޮފީހަށް [ރައީސްގެ ސިޓީއަށް އެދި] ސިޓީއެއް ފޮނުވަމީ.. އަށް މަސްދުވަސް ކޮށްފަ އަޅުގަނޑުމެން މި އައީ އެކަން 241 ކޮމިޓީން ނުކޮށްގެން" އާޒިމް ވިދާޅުވި އެވެ.

އާޒިމް މިހެން ވިދާޅުވި އިރު ރައީސް ސޯލިހު މޮރިޝަސްއަށް ފޮނުއްވި ސިޓީ ހޯދުމުގެ މަސައްކަތް 241 ކޮމިޓީގެ މުގައްރިރުކަން ކުރައްވާ ހިތަދޫ ދާއިރާގެ މެމްބަރު މުހައްމަދު އަސްލަމް ވިދާޅުވެފައި ވަނީ އެ ކޮމިޓީ މެދުވެރިކޮށް ކުރައްވާނެ ކަމަށެވެ.

"ރައީސުލްޖުމްހޫރިއްޔާ ފޮނުއްވި ސިޓީއާ ގުޅޭގޮތުން ގޮތެއް ނުނިންމިފައި އޮތީ ވެސް 241 ކޮމިޓީ ނުބޭއްވިގެން. 241 ކޮމިޓީ ބޭއްވޭ ފުރަތަމަ ދުވަހު، އަޅުގަނޑު ޗެއާގައި އިތުރަށް އިންނަ ކަމުގައި ވަނީ ނަމަ، ރައީސުލްޖުމްހޫރިއްޔާގެ ސިޓީފުޅު ހޯދަން ވެސް ރައީސުލްޖުމްހޫރިއްޔާގެ އޮފީހަށް ސިޓީ ފޮނުވަން ވެސް މިހުރީ ގަސްދުކޮށްގެން،" އެމްޑީޕީގެ ޕީޖީ ގްރޫޕުން އިއްޔެ ބޭއްވި ނޫސްވެރިންގެ ބައްދަލުވުމުގައި އަސްލަމް ވިދާޅުވި އެވެ.

ރައީސް އޮފީހަށް ކުރެއްވި ޒިޔާރަތަށް ފަހު ޕީޕީއެމްގެ ނައިބު ރައީސް އަދި ނައިފަރު ދާއިރާގެ މެންބަރު އަހުމަދު ޝިޔާމް ވިދާޅުވި ގޮތުގައި ރައީސް އޮފީހަށް ވަޑައިގެންނެވީ ރައީސްގެ ސިޓީގެ ކޮޕީއެއް އޮންނާނެ ކަމަށް ބެލެވޭތީ އެވެ. އެއީ މަޖިލީހުގެ ބައެއް މެންބަރުންވެސް އެ ސިޓީ ފެނިވަޑައިގެންފައިވާ ބީދައިން ވާހަކަދައްކަވަމުން ގެންދަވާތީ ކަމަށް ވެސް އޭނާ ވިދާޅުވި އެވެ.

ސިޓީ ހޯދުމުގެ މަސައްކަތް މިދިޔަ އަހަރުގެ އޮކްޓޯބަރު މަހުން ފެށިގެން ކުރަމުން އަންނަ ކަމަށާއި ސިޓީގެ ކޮޕީ ނުލިބޭނަމަ މާދަމާވެސް އެ މެންބަރުން ރައީސް އޮފީހަށް ވަޑައިގަންނަވާނެ ކަމަށް ކަމަށް އާޒިމް ވިދާޅުވި އެވެ. ރައީސް އޮފީހުގެ ފަރާތުން އެ މެންބަރުންނާ ބައްދަލުކުރެއްވީ ޗީފް އޮފް ސްޓާފް އަލީ ޒާހިރު އަދި ތަރުޖަމާނު މިއުވާން މުހައްމަދު އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox