ރިޔާސަތަށާއި ތޭރަ މެންބަރުންނަށް 'ފެނިވަޑައިގަތުމަކީ' އިތުބާރު ނެތްކަމަށް ހުށަހެޅޭނެ ސަބަބެއް ނޫން: ރިފްއަތު

ބަންޑާރަ ނައިބު މިއަދު މަޖިލީހުގައި: ވިދާޅުވީ އިސް ކުރެއްވީ އެންމެ މަތީ މަސްލަހަތު ކަމަށް -- ފޮޓޯ: މަޖިލިސް

ބަންޑާރަ ނައިބު މިއަދު މަޖިލީހުގައި: ވިދާޅުވީ އިސް ކުރެއްވީ އެންމެ މަތީ މަސްލަހަތު ކަމަށް -- ފޮޓޯ: މަޖިލިސް

ގާނޫނީ ސަބަބެއް ނުދައްކައި، ރައްޔިތުންގެ މަޖިލީހުގެ ރައީސް އާއި މެމްބަރުންނަށް ފެނިވަޑަައިގަތުމުން ވަޒީރެއްގެ އިތުބާރު ނެތްކަމުގެ މައްސަލަ ހުށަނޭޅޭނެ ކަމަށް ބަންޑާރަ ނައިބު އިބްރާހިމް ރިފްއަތު މިއަދު ވިދާޅުވެއްޖެ އެވެ.

ދެކުނުން ދިވެހިރާއްޖޭގެ އީއީޒެޑް ކަނޑައެޅި މައްސަލައިގައި އޭނާގެ އިތުބާރު ނެތްކަމަށް ހުށަހަޅާފައިވާ މައްސަލައިގެ ދިފާއުގައި ވާހަކަ ދައްކަވަމުން ރިފްއަތު ވިދާޅުވީ ވަޒީރެއްގެ އިތުބާރު ނެތްކަމުގެ މައްސަލައެއް ހުށަހެޅޭނީ ގާނޫނީ ސަބަބެއް ދައްކައިގެން ކަމަށާއި މަޖިލީހުގެ ރައީސް އާއި މެމްބަރުންނަށް "ހިތަށް ފެންނަ ގޮތަކީ" ސަބަބެއް ނޫން ކަމަށެވެ.

"ގާނޫނުއަސާސީގެ 101 ވަނަ މާއްދާގެ ހ. ގައި ބުނަނީ ސަބަބު ބަޔާންކޮށްގެން މެނުވީ އިތުބާރު ނެތްކަމުގެ މައްސަލައެއް ހުށަނޭޅޭނެ ކަމަށް. އަޅުގަނޑު ވަކާލާތުކުރި ގޮތާ މެދު މަޖިލީހުގެ ރައީސާއި 13 މެމްބަރުންގެ ހިތަށް ފެންނަ ގޮތަކީ ގާނޫނުއަސާސީގައި ބުނާ ސަބަބެއް ނޫން،" ބަންޑާރަ ނައިބު ވިދާޅުވި އެވެ.

ރިފްއަތުގެ ދިފާއުގައި އޭނާއަށް ވާހަކަ ދެއްކުމުގެ ފުރުސަތު ދިނުމުގެ ބަދަލުގައި މެމްބަރުން މިއަދު ވަނީ ދިފާއު ކުރިއަށް ދަނިކޮށް އާދަޔާ ހިލާފަށް ނިޒާމީ ނުކުތާ ނަންގަވައިފަ އެވެ. ރިފްއަތުގެ ވާހަކަ މެދުކަނޑާލައި ރިޔާސަތުން ކޮންމެ ފަހަރަކު ވެސް ނިޒާމީ ނުކުތާއަށް ފުރުސަތު ދެއްވަ އެވެ.

އެހެން އޮއްވައި ވާހަކަ ދައްކަން ލިބުނު ފުރުސަތެއްގައި ރިފްއަތު ވިދާޅުވީ އޭނާ މަސައްކަތް ކުރަނީ އިޖުރާއަތާ އެއްގޮތަށް ކުރިއަށްދާން ކަމަށެވެ. އަދި އޭނާ ހާޒިރުކޮށްފައި ވަނީ ވަޒީރަކާ ސުވާލު ކުރުމަށް ހާޒިރު ކުރާ އުސޫލުން ނޫން ކަމަށް ވިދާޅުވި އެވެ.

"އިއްޒަތްތެރި ރައީސް އަޅުގަނޑު މި މަސައްކަތް ކުރަނީ ގާނޫނު އަސާސީގެ 101 ވަނަ މާއްދާގެ ދަށުން އަޅުގަނޑުގެ މައްޗަށް އިތުބާރު ނެތް ކަމަށް ހުށަހެޅިފައިވާ މައްސަލައިގައި ގާނޫނު އަސާސީން އަޅުގަނޑަށް ލިބިދީފައިވާ އޮންނަ ދިފާއު ހުށަހެޅުމައްޓަކައި. އެއްގޮތަކަށް ވެސް މިއީކީ ގާނޫނު އަސާސީގެ 98 ވަނަ މާއްދާގެ ދަށުން ވަޒީރާ ސުވާލު ކުރެވޭ އުސޫލުން ހިންގޭ އިޖުރާއަތެއް ނޫން،" އޭނާ ވިދާޅުވި އެވެ.

ރިފްއަތުގެ ވާހަކައަށް ރިޔާސަތުން މަޖިލީހުގެ ރައީސް މުހައްމަދު ނަޝީދު ވަގުތުން ރައްދު ދެއްވައި، އަންގަވާ ގޮތަށް ކުރިއަށް ވަޑައިގެންނެވުމަށް ބަންޑާރަ ނައިބަށް އެންގެވި އެވެ.

"އިއްޒަތްތެރި ބަންޑާރަ ނައިބު މިތަނުގެ އިޖުރާއަތު ހިފަހައްޓާނީ އަޅުގަނޑު. އަދި މި މަޖިލީހުގެ އިޖުރާއަތު ކުރިއަށްގެންދާނެ ގޮތް އެނގޭނީ މަޖިލީހުގެ ރިޔާސަތަށް. އެހެންވީމާ މި މަޖިލީހުގެ ރިޔާސަތުން ބަލަހައްޓާ އިޖުރާއަތާ އެއްގޮތަށް ބަންޑާރަ ނައިބު ކުރިއަށް ގެންދެވުން އެދެން،" ނަޝީދު ވިދާޅުވި އެވެ.

ނަޝީދުގެ އެހެން ވިދާޅުވުން އިއުތިރާޒު ކުރެއްވުމެއް ނެތި ދިފާއުގައި ރިފްއަތު ވާހަކަ ދައްކަވަން ފެއްޓެވި އެވެ.

"އިއްޒަތްތެރި ރައީސް އަޅުގަނޑު މި މަސައްކަތް ކުރަނީ މަޖިލީހުގެ ގަވާއިދާ އެއްގޮތަށް މި މަސައްކަތް ކުރިއަށްގެންދެވޭތޯ،" އެއަށްފަހު ވާހަކަ ފައްޓަވަމުން ބަންޑާރަ ނައިބު ވިދާޅުވި އެވެ.

އޭނާގެ ދިފާއުގައި ވާހަކަ ދައްކަވަން ލިބިވަޑައިގެން ކުޑަ ވަގުތުކޮޅުގައި ރިފްއަތު ވިދާޅުވީ އިން ކަނޑައެޅި މައްސަލައިގައި އޭނާ އިސް ކުރީ ދިވެހި ދައުލަތުގެ އެންމެ މަތީ މަސްލަހަތު ކަމަށާއި ނަމަވެސް ކުރީގެ ސަރުކާރުތަކުން އެ މައްސަލައިގައި އިހުމާލުވެފައިވާ ކަމަށެވެ.

"ކުރީގެ އެއްވެސް ސަރުކާރަކުން ދިވެހިން ހައްގުގައި ގޮތެއް ނިންމާކަށް ނުކެރުން. ނޭނގި ނަމަވެސް ކޮށްފައިވާ ކަމަކީ ބޮޑުތަނުން އިހުމާލުވުންކަން އަޅުގަނޑު ފާހަގަ ކުރަން،" ރިފްއަތު ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox