ޖުމްލަ 581 މިލިއަން ރުފިޔާގެ ހަތް ޕްރޮޖެކްޓެއް ހިންގުމަށް މިނިސްޓްރީ އޮފް ނެޝަނަލް ޕްލޭނިން، ހައުސިން އެންޑް އިންފްރާސްޓްރަކްޗާއިން އިއްޔެ ސޮއިކޮށްފި އެވެ.
ޕްލޭނިން މިނިސްޓްރީ ސޮއި ކުރީ އެކި ރަށްރަށުގެ ބަނދަރާއި މަގު ހެދުމަށެވެ. ޕްރޮޖެކްޓުތައް ހަވާލު ކުރީ ސަރުކާރުގެ މޯލްޑިވްސް ކޮންޓްރެކްޓިން ކޮމްޕެނީ އާއި ރޯޑް ޑިވެލޮޕްމަންޓް ކޯޕަރޭޝަނަށެވެ. އިއްޔެ ސޮއި ކުރި ހަތް ޕްރޮޖެކްޓުގެ ޖުމްލަ އަގަކީ 581،832،342ރ. އެވެ.
އޭގެ ތެރެއިން 461،077،338ރ. ގެ މަސައްކަތް ހަވާލު ކުރީ އެމްޓީސީސީއާ އެވެ. ބާކީ 120،755،004ރ. ގެ މަސައްކަތް ހަވާލު ކުރީ އާރްޑީސީއަށެވެ.
އިއްޔެ ހަވާލު ކުރި އެންމެ ބިޔަ ޕްރޮޖެކްޓަކީ ކ. ދިއްފުށީ ބިން ހިއްކުމާއި ގިރާ ސަރަހައްދު ހިމާޔަތް ކުރުމުގެ މަސައްކަތެވެ. އެ ޕްރޮޖެކްޓު އެމްޓީސީސީއާ ހަވާލު ކުރީ 169 މިލިއަން ރުފިޔާއަށެވެ.
އިއްޔެ ސޮއި ކުރި ޕްރޮޖެކްޓުތަކުގެ ތަފުސީލު
- ސ. ފޭދޫ ބަނދަރު އަޕްގްރޭޑް ކުރުން - 79،874،770.68ރ. - (540 ދުވަސް)
- ކ. ހުރާ ބަނދަރު އަޕްގްރޭޑް ކުރުން - 67،808،757.96ރ. - (540 ދުވަސް)
- ކ. ދިއްފުށި ބިން ހިއްކުމާއި ގިރާ ސަރަހައްދު ހިމާޔަތްކުރުން - 169،921،000.80ރ. - (450 ދުވަސް)
- ނ. ކެނދިކުޅުދޫ މަގުތަކުގައި ތާރުއެޅުން - 90،894،554.10ރ. - (540 ދުވަސް)
- ހއ. ފިއްލަދޫ މަގު ހެދުން - 29،860،450.63ރ. - (240 ދުވަސް)
- ތ. ގާދިއްފުށި ބަނދަރު އަޕްގްރޭޑް ކުރުން- 85،788،143.28ރ. - (580 ދުވަސް)
- ގދ. ތިނަދޫގައި ޕިކްނިކް އައިލެންޑެއް ހެދުން - 57،684،668.40ރ. - (300 ދުވަސް)
