ތިންހާސް ހަމަކުރަންޖެހުން ކުށްވެރިކުރަމުން ފާރިސް ވިދާޅުވީ އާންމުން ޕާޓީތަކަށް ސޮއި ކުރަން ބޭނުންނުވާ ކަމަށް

ފާރިސް މިއަދުގެ ނޫސްވެރިންގެ ބައްދަލުވުމުގައި: ނޫސްވެރިންގެ ބައްދަލުވުމަށް އުވާލި ޕާޓީގެ 16 މެމްބަރަކު ހާޒިރުވި -- ފޮޓޯ: މުހައްމަދު ޝާބިން/އަދަދު

ފާރިސް މިއަދުގެ ނޫސްވެރިންގެ ބައްދަލުވުމުގައި: ނޫސްވެރިންގެ ބައްދަލުވުމަށް އުވާލި ޕާޓީގެ 16 މެމްބަރަކު ހާޒިރުވި -- ފޮޓޯ: މުހައްމަދު ޝާބިން/އަދަދު

ސިޔާސީ ޕާޓީތަކަށް 3000 މެމްބަރުން ހަމަކުރަންޖެހުން ގާނޫނު އަސާސީއާ ހިލާފު ކަމަށް ދޭހަވާ ގޮތަށް ވާހަކަ ދައްކަވަމުން، ސިޔާސީ ޕާޓީތަކަށް ސޮއި ކުރަން އާންމުން ބޭނުންނުވާ ކަމަށް މިއަދު އުވާލި މޯލްޑިވްސް ރިފޯމް މޫވްމަންޓުގެ ރައީސް އަހުމަދު ފާރިސް މައުމޫން ވިދާޅުވެއްޖެ އެވެ.

ސިޔާސީ ޕާޓީތަކުގެ ގާނޫނުން ހަމަކުރަން ލާޒިމު ކުރާ 3000 މެމްބަރުން ހަމަނުވެގެން މިއަދު އުވާލުމުން ބޭއްވި ނޫސްވެރިންގެ ބައްދަލުވުމެއްގައި ފާރިސް ވިދާޅުވީ، އެ އަދަދު ހަމަކުރަންޖެހޭ މައްސަލަ ހައި ކޯޓަށް ވައްދަން އެ ޕާޓީން ވިސްނަމުންދާ ކަމަށެވެ.

"އަޅުގަނޑުމެން ވިސްނާލަންޖެހޭ އެބަ ހަގީގަތުގައި ސިޔާސީ ޕާޓީއާ ބެހޭ ގާނޫނުގައި މި އޮންނަ 3000 މެމްބަރުންގެ ލިމިޓް ނޫނީ 10،000 މެމްބަރުން ހަމަކޮށްގެން މެނުވީ ދައުލަތުގެ ބަޖެޓުން ފައިސާ ނުލިބޭ. މިހިރަ އާބިޓްރަރީ ފިގާސްތަކަކީ، އަދަދުތަކަކީ ހަގީގަތުގައި ގާނޫނު އަސާސީ ހުއްދަ ކުރާ ކަމެއްތޯ؟ މިކަމާ ބެހޭ ގޮތުން ވެސް އަޅުގަނޑުމެންގެ ތެރޭގައި ބޭފުޅުން އެބަ މަޝްވަރާ ކުރައްވާ އަޅުގަނޑުމެންނަށް ހައި ކޯޓަށް ނަމަވެސް ކޮންމެވެސް ތަނަކަށް ދުސްތޫރީ މައްސަލައެއްގެ ގޮތުގައި މި މައްސަލަ ގެންދެވިދާނެތޯ ބަލައިލަން،" ފާރިސް ވިދާޅުވި އެވެ.

ފާރިސް ވިދާޅުވީ ސިޔާސީ ޕާޓީތަކަށް ސޮއި ކުރަން އާންމު ރައްޔިތުން މިހާރު ބޭނުންނުވާ ކަމަށެވެ. އަދި ވިދާޅުވީ ބައެއް ޕާޓީތަކުން މީހުން ވައްދަނީ ބިރުދައްކައިގެން ކަމަށެވެ.

"މިއަދުގެ ހަގީގަތަކީ ރައްޔިތުންގެ ތެރެއިން ގިނަ ބަޔަކު ބޭނުމެއް ނުވޭ ސިޔާސީ ޕާޓީތަކަށް ސޮއި ކުރާކަށް. ޕާޓީގެ މެމްބަރުކަމެއް ވެސް ބޭނުމެއް ނުވޭ ހަގީގަތުގައި،" ކުރިން މައުމޫން ރިފޯމް މޫވްމަންޓުގެ ގޮތުގައި ހަރަކާތްތެރިވި އެމްއާރްއެމްގެ 16 މެމްބަރަކާއެކު މިއަދު ބޭއްވި ބައްދަލުވުމުގައި ފާރިސް ވިދާޅުވި އެވެ.

މެމްބަރުން ހަމަ ކުރުމަށް އެމްއާރްއެމަށް ދިން ފުރުސަތަށްފަހު މިއަދު ކަނޑާލަން ނިންމި ނަމަވެސް އިލެކްޝަންސް ކޮމިޝަނުގެ ނިންމުމުގައި "އަޅުގަނޑުމެންނަށް ގަބޫލު ނުކުރެވޭ ކަންކަން އެބަހުރި" ކަމަށް ފާރިސް ވިދާޅުވި އެވެ.

"އަޅުގަނޑުމެންގެ ވިސްނުން ހުރީ ކޯޓާ ހިސާބަށް ދާންޖެހިއްޖެ ނަމަ އެކަން ކުރަން،" ޕާޓީ އަނބުރާ ރުޖޫއަ ނުކުރާ ނަމަ ކޯޓަށް ވަޑައިގަންނަވާނެ ކަމަށް ވައުދުވަމުން ފާރިސް ވިދާޅުވި އެވެ.

ދިވެހިން ސިޔާސީ ޕާޓީތަކަށް ވަންނަން ބޭނުންނުވާ ކަމަށް ފާރިސް ވިދާޅުވިއިރު މިހާރު ވުޖޫދުގައި އޮތް އަށް ސިޔާސީ ޕާޓީގައި ޖުމްލަ 155،156 މީހުން ރަޖިސްޓްރީވެފައި އެބަ ތިއްބެވެ. އެއީ ދިވެހިރާއްޖޭގެ 521,457 މީހުންގެ އާބާދީގެ 29 ޕަސެންޓެވެ. ދުނިޔޭގެ ނިސްބަތުން މިއީ ވަރަށް މަތީ އަދަދެކެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox