އަޒާޒް، ސީރިއާ (މޭ 19) - އަރަބި ލީގުން ސީރިއާގެ ރައީސް ބައްޝާރުލް އަސަދަށް މަރުހަބާ ކިޔުމުން ސީރިއާގެ އުތުރުގައި އެތައް ސަތޭކަ ބަޔަކު މުޒާހަރާކޮށްފި އެވެ.
ބާރަ އަހަރަށް ފަހު އަލުން އަރަބި ލީގުގެ މެމްބަރުކަން ސީރިއާއަށް ދީ، ހުކުރު ދުވަހު ޖިއްދާގައި އޮތް ސަމިޓުގައި އަސަދު ބައިވެރިވެވަޑައިގެންނެވި އެވެ.
އަރަބި ލީގުން ސީރިއާ ސަސްޕެންޑުކޮށް، އަރަބި ގައުމުތަކާއި އަސަދާ ދެމެދު ގުޅުން ގޯސްވީ ސީރިއާއަށް ޑިމޮކްރަސީ ގެނައުމަށް ކުރި މަސައްކަތާ މެދު އަސަރުގެ ސަރުކާރުން އަމަލު ކުރި ގޮތުންނެވެ.
އޭގެ ފަހުން ސީރިއާގައި ދާހިލީ ހަނގުރާމަ ފަށައި އަދިވެސް ހަމަޖެހުން ލިބިފައެއް ނުވެ އެވެ. ވެރިކަމުގައި އަސަދު ހުންނެވި ނަމަވެސް، އުތުރުގެ ބޮޑު ބައެއް ކޮންޓްރޯލް ކުރަނީ އިދިކޮޅު ގްރޫޕްތަކުންނެވެ.
އެ ސަރަހައްދުގައި އޮންނަ އާޒާދް އަވަށުގައި މުޒާހަރާ ކުރި މީހުން ބުނީ ސީރިއާގެ ރައްޔިތުން ތަމްސީލް ކުރުމުގެ ހައްގު އަސަދަށް ނޯންނާނެ ކަމަށާއި ބޭނުންވަނީ ރައްޔިތުން ވެރިކަން ކަމަށެވެ.
އިދިކޮޅު ގްރޫޕްތަކުން ކޮންޓްރޯލް ކުރާ އެހެން ސިޓީތަކުގައި ވެސް މުޒާހަރާ ކުރި އެވެ. އެންމެ ބޮޑު އެއްވުންތައް އޮތީ އަލް ބާބް އަދި އާފްރިންގަ އެވެ.
އަހަރުތަކަކަށް ފަހު އަރަބި ގައުމުތަކުން އަސަދާ އެކު ގުޅުން ގާއިމްކުރަން ފެށީ ސައުދީ އަރަބިއްޔާ އާއި އިރާނުގެ ގުޅުން ރަނގަޅުވުމުންނެވެ.
