ވެރިކަންކުރާ ދިވެހި ރައްޔިތުންގެ ޑިމޮކްރަޓިކް ޕާޓީ (އެމްޑީޕީ) ގެ އެތެރޭގައި އުފެދުނު ބައިބައިވުންތައް ހައްލުނުވުމަކީ އަމިއްލަ ފެއިލިއާއެއް ކަމަށް ގަބޫލުކުރައްވާ ކަމަށް އެ ޕާޓީގެ ޗެއާޕާސަން ފައްޔާޒު އިސްމާއިލް އިއްޔެ ވިދާޅުވި އެވެ.
އެމްޑީޕީގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި ފައްޔާޒު ވިދާޅުވީ ޖެހުނު މައްސަލަތައް ހައްލުކޮށް އެކަތިގަނޑެއްގެ ގޮތުގައި ޕާޓީ ބޭއްވުމަށް ވަރަށް ގިނަ މަސައްކަތްތަކެއް ކުރެވުނު ކަމަށެވެ.
"އެކަމުގައި އަޅުގަނޑު ފެއިލް ވެއްޖެ، [ޕާޓީގެ މެންބަރުން] އެކެއް ނުކުރެވުނު އަޅުގަނޑަކަށް، އަޅުގަނޑަށް މިކަމުގައި [ޕާޓީ] އެއްކުރުމަށް ކުރެވެން ހުރި ހުރިހާ މަސައްކަތްކައިގެން ކުރިއަށް ދިޔައިން," ފައްޔާޒު ވިދާޅުވި އެވެ.
ޕާޓީގެ ޗެއާޕާސާނުގެ މަގާމާ ފައްޔާޒު ހަވާލުވީތާ މި ހަފުތާއަށް އަހަރެއް ވެފައިވާއިރު، އޭނާ ވިދާޅުވީ މިވީ އަހަރެއްހާ ދުވަހުގެ ތެރޭގައި ކުރިމަތިވީ ޕާޓީ އެއް ނުކުރެވޭ ކަހަލަ ކަންތައްތަކެއް ކަމަށެވެ. އެގޮތުން މައިގަނޑު ގޮތެއްގައި ޕާޓީގެ ތެރޭގައި އޮތީ ވެރިކަމާ ގުޅޭ މައްސަލަތައް ކަމަށާއި އެކަމާމެދު ޕާޓީގެ މެންބަރުން އޮތީ ވަކި ގޮތެއް ނިންމާފަ ކަމަށް ވެސް ފައްޔާޒު ވިދާޅުވި އެވެ.
ދުވަހުގެ ކޯޓޭޝަން
ކުރީގެ ރައީސް އަދި ރައްޔިތުންގެ މަޖިލީހުގެ ރައީސް ފަހަތުގައި ހުންނަވައިގެން އުފައްދާ ސިޔާސީ ޕާޓީއާ ގުޅުމަށް ރައްޔިތުންގެ މަޖިލީހުން 12 މެމްބަރަކު ވަކިވުމާ ގުޅިގެން ޕާލިމެންޓްރީ ގްރޫޕުގެ ލީޑަރު މުހައްމަދު އަސްލަމް ވިދާޅުވީ،
ރައީސް [އިބްރާހިމް މުހައްމަދު] ސޯލިހު ވެސް އެކަމަށް [ރިޔާސީ ޓިކެޓަށް] ކުރިމަތިލާފައި އޮތް ހިނދު އެހެން ބޭފުޅަކު [ޕާޓީގެ ރައީސް މުހައްމަދު ނަޝީދު] އެކަން ބޭނުންވިޔަސް އެކަން [ރިޔާސީ ޓިކެޓު] ދޫކޮށްލަން ރައީސް ސޯލިހަށް ދެންނެވުމަކީވެސް އަޅުގަނޑަށް ދަތިކަމަކަށް ވާނެ,"
ދުވަހުގެ ފޮޓޯ
އޮފީސްތަކުގެ ވޮލީ މުބާރާތުގައި ރޭ ކުޅުނު މެޗެއްގެ ތެރެއިން. -- ފޮޓޯ: މުހައްމަދު ޝާބިން/އަދަދު
