ޕާޓީ ބައިބައިވުމަކީ ފެއިލިއާއެއް، ހަމައެކަނި ހައްލަކަށް އޮތީ ނަޝީދަށް ޓިކެޓު ދިނުން: ފައްޔާޒު

އެމްޑީޕީގެ ޗެއާޕާސަން ފައްޔާޒު އިސްމާއިލް: ވިދާޅުވީ ޕާޓީ ބައިބައިވުމަކީ އޭނާގެ ފެއިލިއާއެއް ކަމަށް - ފޮޓޯ: އަބްދުﷲ އިޔާން / އަދަދު

އެމްޑީޕީގެ ޗެއާޕާސަން ފައްޔާޒު އިސްމާއިލް: ވިދާޅުވީ ޕާޓީ ބައިބައިވުމަކީ އޭނާގެ ފެއިލިއާއެއް ކަމަށް - ފޮޓޯ: އަބްދުﷲ އިޔާން / އަދަދު

ވެރިކަންކުރާ ދިވެހި ރައްޔިތުންގެ ޑިމޮކްރަޓިކް ޕާޓީ (އެމްޑީޕީ) ގެ ތެރޭގައި އުފެދުނު ބައިބައިވުންތައް ހައްލުނުވުމަކީ އަމިއްލަ ފެއިލިއާއެއް ކަމަށް ގަބޫލުކުރާ ކަމަށް އެ ޕާޓީގެ ޗެއާޕާސަން ފައްޔާޒު އިސްމާއިލް ވިދާޅުވެއްޖެ އެވެ.

މިއަދު އެމްޑީޕީގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ފައްޔާޒު އިތުރަށް ވިދާޅުވީ، ޕާޓީ ތެރޭގައި ޖެހުނު މައްސަލަތައް ހައްލުކޮށް އެކަތި ގަނޑެއްގެ ގޮތުގައި ޕާޓީ ބޭއްވުމަށް ވަރަށް ގިނަ މަސައްކަތްތަކެއް ކުރެވުނު ކަމަށެވެ.

"އެކަމުގައި އަޅުގަނޑު ފެއިލްވެއްޖެ، [ޕާޓީގެ މެންބަރުން] އެކެއް ނުކުރެވުނު އަޅުގަނޑަކަށް، އަޅުގަނޑަށް މިކަމުގައި [ޕާޓީ] އެއްކުރުމަށް ކުރެވެން ހުރި ހުރިހާ މަސައްކަތްކައިގެން ކުރިއަށް ދިޔައިން," ފައްޔާޒު ވިދާޅުވި އެވެ.

Advertisement

ޕާޓީގެ ޗެއާޕާސާނުގެ މަގާމާ ފައްޔާޒު ހަވާލުވީތާ މި ހަފުތާއަށް އަހަރެއް ވެފައިވާއިރު، އޭނާ ވިދާޅުވީ މިވީ އަހަރެއްހާ ދުވަހުގެ ތެރޭގައި ކުރިމަތިވީ ޕާޓީ އެއް ނުކުރެވޭ ކަހަލަ ކަންތައްތަކެއް ކަމަށެވެ. އެގޮތުން މައިގަނޑު ގޮތެއްގައި ޕާޓީގެ ތެރޭގައި އޮތީ ވެރިކަމާ ގުޅޭ މައްސަލަތައް ކަމަށާއި އެކަމާމެދު ޕާޓީގެ މެންބަރުން އޮތީ ވަކިގޮތެއް ނިންމާފަ ކަމަށްވެސް ފައްޔާޒު ވިދާޅުވި އެވެ.

"ރައީސް [އިބްރާހިމް މުހައްމަދު] ސޯލިހު ވެސް އެކަމަށް [ރިޔާސީ ޓިކެޓަށް] ކުރިމަތިލާފައި އޮތް ހިނދު އެހެން ބޭފުޅަކު [ޕާޓީގެ ރައީސް މުހައްމަދު ނަޝީދު] އެކަން ބޭނުންވިޔަސް އެކަން [ރިޔާސީ ޓިކެޓު] ދޫކޮށްލަން ރައީސް ސޯލިހަށް ދެންނެވުމަކީވެސް އަޅުގަނޑަށް ދަތިކަމަކަށް ވާނެ," ޖެނުއަރީ މަހު ބޭއްވި އެމްޑީޕީގެ ރިޔާސީ ޕްރައިމަރީއަށް އިޝާރާތް ކުރައްވާ ވިދާޅުވި އެވެ.

އޭގެއިތުރުން ފައްޔާޒު ވިދާޅުވީ ޕާޓީގެ ތެރޭގައި ޖެހުނު މައްސަލަތަކުގެ ހައްލެއްގެ ގޮތުގައި އޮތީ ނަޝީދަށް ރިޔާސީ ޓިކެޓު ދިނުން ކަމަށާއި އެނޫން ގޮތަކަށް، ޕާޓީއާ ފެޔަށް ޖެހުނު މެންބަރުން އެއްކޮށް ބޭތިއްބޭނެ ހައްލެއް ނެތް ކަމަށެވެ.

އެ ޕްރައިމަރީގައި ރައީސް ސޯލިހު ވަނީ ރައީސް ނަޝީދުގެ މައްޗަށް ބޮޑު ކާމިޔާބީއެއް ހޯއްދަވާފަ އެވެ. އެއަށްފަހު ޕާޓީގެ ތެރޭގައި އުފެއްދެވި 'ފިކުރެއްގެ ދިރުން' ފެކްޝަން ވަކި ޕާޓީއަކަށް ހެދުމަށް އިއްޔެ ވަނީ މަސައްކަތް ފައްޓާފަ އެވެ. އެކުގައި ތިއްބެވި މަޖިލީސް މެންބަރުން އެމްޑީޕީއިން ވަކިވެ އާ ޕާޓީ އުފައްދަން މަސައްކަތް ފެށި ނަމަވެސް ނަމަވެސް ނަޝީދު އަދިވެސް ހުންނެވީ އެމްޑީޕީގަ އެވެ.

އެމްޑީޕީ ލީޑާޝިޕަށް އައި ބަދަލު

2008، 2013 އަދި 2018 ގައި ވެސް އެމްޑީޕީގެ ޕްރައިމަރީން ރިޔާސީ ކެންޑިޑޭޓް ގޮތުގައި ނިންމީ ނަޝީދެވެ. ނަމަވެސް 2018 ވަނަ އަހަރު، ނަޝީދަށް އިއްވާފައިވާ ޖަލު ހުކުމުގެ ސަބަބުން ވާދަނުކުރެވޭނެތީ، ރައީސް ސޯލިހަށް ޓިކެޓު ދިނުމަށް އެމްޑީޕީގެ ކޮންގްރެސް މެދުވެރިކޮށް ނިންމީ އެވެ.

ރައީސް ސޯލިހު ވެރިކަމާ ހަވާލުވެވަޑައިގެންނެވި ފަހުން، އެމްޑީޕީގެ އެތެރޭގައި ދެ ފެކްޝަނެއް އުފެދުނެވެ. އޭގެ ފަހުން އެ ޕާޓީގެ އެތެރޭގައި ބޭއްވި ކޮންމެ އިންތިހާބެއް ވެސް، ނަޝީދުގެ ފެކްޝަންގެ މައްޗަށް ސޯލިހުގެ ފެކްޝަން ކުރި ހޯދާފައިވެ އެވެ.

އެމްޑީޕީގެ ޗެއާޕާސަން އިންތިހާބު ކާމިޔާބުކޮށް، ޕާޓީގެ އެންމެ ބާރުގަދަ އެއް މަގާމުގައި ހުންނެވީ ވެސް ރައީސްގެ އެންމެ އެއް އަރިސް ވަޒީރު، އިކޮނޮމިކް މިނިސްޓަރު ފައްޔާޒު އިސްމާއީލެވެ. އަދި, އެމްޑީޕީގެ އެންމެ އިސް ގުނަން ކަމަށްވާ އެ ޕާޓީގެ ގައުމީ މަޖިލީހުގެ އިންތިހާބުތަކަށް ފަހު އެ މަޖިލީހުގެ މެޖޯރިޓީ ވެސް އޮތީ ރައީސް ސޯލިހަށެވެ. އަދި ޕާލިމެންޓްރީ ގްރޫޕްގެ މެޖޯރިޓީ ވެސް އޮތީ ރައީސަށެވެ.

ފެކްޝަންތަކުގެ ހިޔާލު ތަފާތުވުންތަކުގެ ތެރެއިން ނަޝީދު ފިޔަވައި އެމަނިކުފާނަށް ތާއިދު ކުރައްވާ 12 މަޖިލިސް މެމްބަރުންނާއި ސީނިއާ ބޭފުޅުން ވަނީ އެމްޑީޕީން ވަކިވެ އާ ޕާޓީއެއް ހަދާނެކަން މެއި 17, ގައި އިއުލާނުކޮށްފަ އެވެ. އެ ޕާޓީގައި ރަސްމީކޮށް ނަޝީދު ހިމެނިވަޑައިނުގަތް ނަމަވެސް އެއީ އެމަނިކުފާނުގެ ލަފާފުޅާ އެއްގޮށް އެމަނިކުފާނު ފިކުރުގެ މައްޗަށް އުފައްދާފައިވާ ޕާޓީއެކެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox