ތަކުރާރުކޮޮށް ވިޕާ ހިލާފުވި ހަތަރު މެމްބަރަކު އެމްޑީޕީގައި ތިބެން ފަހު ފުރުސަތު ދީފި

ތަކުރާރުކޮޮށް ވިޕާ ހިލާފުވި ހަތަރު މެމްބަރަކު އެމްޑީޕީގައި ތިބެން ފަހު ފުރުސަތު ދީފި

ރައްޔިތުންގެ މަޖިލީހުގެ ސުޕަމެޖޯރިޓީ އޮންނަ އެމްޑީޕީގެ ޕާލަމެންޓްރީ ގްރޫޕުން އެކިއެކި ކަންކަމުގައި ނެރުނު ވިޕްލައިންތަކާ ތަކުރާރުކޮށް ހިލާފުވި ހަތަރު މެމްބަރަކު އެ ގޮތް ދޫކޮށް ޕާޓީގައި ދެމިތިބެން ފަހު ފުރުސަތު ދޭން ނިންމައިފި އެވެ.

ތަކުރާރުކޮށް ވިޕާ ހިލާފުވެވަޑައިގެންފައި ވާތީ ނަސޭހަތް ދިނުމަށް ފަހު، ޕާޓީން ވަކިކުރުމުގެ ކުރިން ދޭ ފަހުގެ އިންޒާރު ދޭން އެމްޑީޕީގެ ފިޔަވަޅު އަޅާ ކޮމިޓީން މިއަދު ނިންމީ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ އާއި ހެންވޭރު ހުޅަނގު ދާއިރާގެ މެމްބަރު ހަސަން ލަތީފާއި ހުޅުދޫ ދާއިރާގެ މެމްބަރު އިލްޔާސް ލަބީބު އަދި ކުޅުދުއްފުށި އުތުރު ދާއިރާގެ މެމްބަރު ޔާސިރު ލަތީފަށެވެ.

އެ ހަތަރު މެމްބަރުންނަކީ ވެސް އެމްޑީޕީގެ ރިޔާސީ ޕްރައިމަރީ ނާކާމިޔާބު ވުމުން އެޕާޓީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު އުފެއްދެވި ފިކުރެއްގެ ދިރުން ފެކްޝަނުގެ މެމްބަރުންނެވެ. އެ ފެކްޝަންގައި އުޅުއްވާ 13 މެމްބަރުންގެ ތެރެއިން، އެތައް މެމްބަރަކަށް މީގެ ކުރިން ވެސް އެމްޑީޕީން ވަނީ ނަސޭހަތާއި އިންޒާރު ދީފަ އެވެ. އޭގެ ތެރެއިން ބައެއް މެމްބަރުންނަށް ޕާޓީން ދޭ އިނާޔަތްތައް ކަނޑައިލަން ވެސް މީގެ ކުރިން ނިންމި އެވެ.

Advertisement

އެ މެމްބަރުންނަށް ފަހުގެ އިންޒާރުދޭން އެމްޑީޕީގެ ފިޔަވަޅު އަޅާ ކޮމިޓީން ނިންމީ ތަކުރާތުކޮށް ވިޕާ ހިލާފުވާ މައްސަލައިގައި ފިޔަވަޅު އަޅައިދޭން އެދި ހުށަހެޅި މައްސަލައެއް ބެލުމަށް ފަހުގަ އެވެ.

އެމްޑީޕީގެ އަސާސީ ގަވައިދުގައިވާ ގޮތުން އެޕާޓީން މެމްބަރަކު ވަކިކުރުމުގެ ކުރިން އަޅާ ހަތަރު ފިޔަވަޅެއް އޮވެ އެވެ.

ވަކިކުރުމުގެ ކުރިން އަޅާ ފިޔަވަޅުތައް

  1. ނަސޭހަތް ދިނުން
  2. ނަސޭހަތް ދީ، މާފަށް އެދެން އެންގުން
  3. އިނާޔަތްތައް ކަނޑައިލުން
  4. ޕާޓީގައި އަދާކުރާ މަގާމުން ވަކިކޮށް، އެތެރޭގެ އިންތިހާބުތަކުގައި ވާދަކުރުން އެއް އަހަރު ދުވަހުގެ މުއްދަތަކަށް މަނާކުރުން

ނަޝީދު އުފެއްދެވި ފިކުރެއްގެ ދިރުމުގެ މެމްބަރުން ތަކުރާރުކޮށް ވިޕްލައިނާ ހިލާފުވުމާއި އެމްޑީޕީ އިސްވެ އޮތް ސަރުކާރަށް ފާޑުކިއުން ފަދަ ކަންތައްތައް ކުރައްވާތާ ގިނަ ދުވަސްތަކެއް ވެއްޖެ އެވެ. އެހެން ނަމަވެސް އެ މެމްބަރުންނާ މެދު ހަރުކަށި ފިޔަވަޅުތައް އަޅަން ފަށާފައި މިވަނީ ރައީސް އިބްރާހީމް މުހައްމަދު ސޯލިހު އަޒުލުކުރަން އިދިކޮޅުން ރައްޔިތުންގެ މަޖިލީހަށް ހުށަހަޅަން އުޅޭ މައްސަލައަކަށް ފިކުރެއްގެ ދިރުމުން ތާއީދުކުރި ހިސާބުންނެވެ. އެކަމަށް ތާއީދުކުރައްވައި ވާހަކަ ދެއްކެވި މެދު ހެންވޭރު ދާއިރާގެ މެމްބަރު އަލީ އާޒިމް ޕާޓީން ވަކިކުރަން ވެސް މިހާރު ވަނީ ނިންމައިފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox