ހޭންޑްބޯޅަ އިން ދުރުރާސްތާ ޕްލޭނަކާ އެކު ރަން މެޑަލަށް ޓާގެޓްކުރާ ޕްރޮޖެކްޓެއް

May 11, 2023, 1:59 AM
ހޭންޑްބޯލް އެސޯސިއޭޝަނުން ބޭއްވި އިވެންޓްގެ ތެރެއިން މުޖޭ ވާހަކަ ދައްކަވަނީ.--- ފޮޓޯ: މުހައްމަދު ޝާބިން/ އަދަދު

ހޭންޑްބޯލް އެސޯސިއޭޝަނުން ބޭއްވި އިވެންޓްގެ ތެރެއިން މުޖޭ ވާހަކަ ދައްކަވަނީ.--- ފޮޓޯ: މުހައްމަދު ޝާބިން/ އަދަދު

ބަންގްލަދޭޝްގައި މި މަހު 13-17 އަށް ކުރިއަށްދާ އިންޓަނޭޝަނަލް ހޭންޑްބޯލް ފެޑެރޭޝަން (އައިއެޗްއެފް) ޓްރޮފީ މުބާރާތުގައި ރާއްޖޭގެ 17 އަަހަރާއި 19 އަހަރުން ދަށުގެ އަންހެން ގައުމީ ޓީމު ވާދަކުރާއިރު، މި މުބާރާތުގެ އަލީގައި މުސްތަގުބަލުގައި ރަން މެޑަލަށް ޓާގެޓްކުރާ ޕްރޮޖެކްޓެއް ފެށޭނެ ކަމަށް ހޭންޑްބޯލް މޯލްޑިވްސްގެ ރައީސް އަހުމަދު މުޖުތަބާ (މުޖޭ) ވިދާޅުވެއްޖެ އެވެ.

ސޯޝަލް ސެންޓަރުގައި އަންގާރަ ދުވަހު ހަވީރު ހޭންޑްބޯލް މޯލްޑިވްސް އިން ބޭއްވި ހާއްސަ އިވެންޓެއްގައި ވާހަކަ ދައްކަވަމުން މުޖޭ ވަނީ މުސްތަގުބަލަށް ކުރަން ޖެހޭ މަސައްކަތްތައް މިހާރު ފަށައިގެން ނޫނީ އެ ކުޅިވަރު ކުރިއަށް ނުދާނެ ކަަމަށެވެ. އެހެންވެ، މިހާރު އޮތް ލީޑަޝިޕްގެ ހަތަރު އަހަރުގެ ޓާމަށް ދިގުދެމިގެންދާ ގޮތެއްގައި، އަދި ހޭންޑްބޯޅަ އަށް މުސްތަގުބަލެއް ހޯދުމުގެ ބޭނުމުގައި، "ގޮއިން ފޯ ގޯލްޑް" ނަމުގައި ޕްރޮޖެކްޓެއް ފެށިގެންދާނެ ކަމަށް މުޖޭގެ ވާހަކައިގައި ފާހަގަކުރެއްވި އެވެ.

"އަޅުގަނޑުމެން އެންމެ އިސްކަމެއްގެ ގޮތުގައި ކުރަން ޖެހޭ ކަމަކީ ޑިވެލޮޕްމަންޓްގެ މަސައްކަތް ހުއްޓުމެއް ނެތި ކުރުން. އެ ކަން ކުރުމުގެ ބޭނުމުގައި އަޅުގަނޑުމެން، މި ފަހަރުގެ އައިއެޗްއެފް ޓްރޮފީ ނިންމާފައި އައިސް ވެސް ޕްރެކްޓިސްތައް ގަވާއިދުން ބާއްވާނަން. އެއީ ޒުވާން ޓީމުތަކުން، މުސްތަގުބަލަށް ރަނގަޅު ޓީމެއް ބިނާ ކުރެވޭނީ،" މުޖޭ ވިދާޅުވި އެވެ.

އެ ގޮތުން ހޭންޑްބޯލް މޯލްޑިވްސްގެ ވިސްނުމަކީ، 15 އަހަރުން ދަށާއި 17 އަހަރުން ދަށާއި 19 އަހަރުން ދަށުގެ އަންހެން އަދި ފިރިހެން ގައުމީ ސްކޮޑުތަކެއް އެކުލަވާލައި، ދާއިމަށް އެ ކުޅުންތެރިންގެ ޕްރެކްޓިސްތަކެއް ގެންދެވޭނެ ގޮތަށް މަސައްކަތް ބައްޓަން ކުރުމަށެވެ.

މުޖޭ ވަނީ އެހެން ކުޅިވަރުތަކާ އަޅާބަލާއިރު، ކުރު މުއްދަތެއްގެ ތެރޭގައި ހޭންޑްބޯލް އިން ހޯދަމުން އަންނަ ކުރިއެރުންތަކުގެ އަސްލަކީ ގިނަ ފަރާތްތަކެއްގެ އެއްބާރުލުން މި ކަމުގައި ލިބިގެންދިއުން ކަމަށް ފާހަގަކުރައްވައިފަ އެވެ. އެ ގޮތުން، ކުޅުންތެރިންގެ އާއިލާ އާއި ސަރުކާރުގެ އިތުރުން އޮލިމްޕިކް ކޮމިޓީ އަދި އެކިއެކި އަމިއްލަ ކުންފުނިތަކުން ދޭ އެހީތެރިކަން ވެސް ހޭންޑްބޯޅައިގެ މުސްތަގުބަލަށް މުހިންމު ކަމަށް މުޖޭގެ ވިދާޅުވި އެވެ.

މި މަހު ކުޅޭ އައިއެޗްއެފް ޓްރޮފީގައި ރާއްޖެ ކުޅެން ޖެހޭނެ ގައުމުތަކަކީ ނޭޕާލް، ސްރީ ލަންކާ، އިންޑިއާ، ބޫޓާން، ބަންގްލަދޭޝް، އަފްގާނިސްތާން އަދި ޔަމަން އެވެ.

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox