ޖެނީވާ، ސްވިޓްޒަލޭންޑް (މޭ 2) - ސޫދާންގައި ހަމަލާ ބަދަލުކުރަމުން ދާތީ 430،000 އަށް ވުރެ ގިނަ މީހުން ގެދޮރު ދޫކޮށް ގޮސްފައިވާ ކަމަށް އދ. އިން ލަފާކޮށްފި އެވެ.
އެގޮތުން 330،000 މީހުން ސޫދާންގެ އެތެރޭގައި ގެތައް ދޫކޮށްގެން ތިބި އިރު، 100،000 މީހުން ވަނީ ބޯޑަރު ހުރަސްކޮށް އެހެން ގައުމުތަކަށް ހިޖުރަކޮށްފަ އެވެ.
އދ. ގެ ރެފިއުޖީންނާ ބެހޭ އެޖެންސީން ލަފާކުރާ ގޮތުގައި 800،000 މީހުން ކައިރި ގައުމުތަކަށް ހިޖުރަކުރުން އެކަށީގެންވެ އެވެ.
އިންޓަނޭޝަނަލް އޯގަނައިޒޭޝަން ފޯ މައިގްރޭޝަން (އައިއޯއެމް) އިން ބުނީ ސޫދާންގެ އެތެރޭގައި 334،000 މީހުން ގެތައް ދޫކޮށް، ދާނެ ތަނެއް ނެތިފައި އެބަ ތިބި ކަމަށެވެ.
އޭގެ ތެރެއިން 72 ޕަސެންޓު ނުވަތަ 240،000 މީހުން ތިބީ ވެރިރަށް ދާރްފޫރްގެ ހުޅަނގާއި ދެކުނުގައި ތާށިވެފައި ކަމަށް އައިއޯއެމްއިން ބުންޏެވެ.
ސޫދާނުގައި ހަމަލާ ބަދަލު ކުރަނީ ސިފައިންގެ ވެރިޔާ އަބްދެލް ފައްތާހް އަލް ބުރްހާންއަށް ވަފާތެރި ފައުޖާއި އޭނާގެ ކުރީގެ ޑެޕިއުޓީ މުހައްމަދު ހަމްދާން ދަގްލޯއަށް ވަފާތެރި ރެޕިޑް ސަޕޯޓް ފޯސާޒް (އާރްއެސްއެފް) އާ ދެމެދުގަ އެވެ.
