ފޭވަރިޓުންނަކީ މާޒިޔާ، ސާންތީގެ ހިތްވަރަކީ އީގަލްސްގެ ޓީމު ރޫހު

އިއްޔެ ބޭއްވި އީގަލްސްގެ ފަރިތަކުރުންތަކުގެ ތެރެއިން އެ ޓީމުގެ ކޯޗު ސާންތީ.--- ފޮޓޯ: މުހައްމަދު ޝާބިން/އަދަދު

އިއްޔެ ބޭއްވި އީގަލްސްގެ ފަރިތަކުރުންތަކުގެ ތެރެއިން އެ ޓީމުގެ ކޯޗު ސާންތީ.--- ފޮޓޯ: މުހައްމަދު ޝާބިން/އަދަދު

ކްލަބް އީގަލްސް، މިހާރު އޮތް ލެވަލަށް ގެންގޮސްދިނުމުގެ ބިންގާ އަޅައި، އެންމެ އިސް ރޯލެއް ކުޅުނު އެއް ފަރާތަކީ އެ ޓީމާ މި ވަގުތު ހަވާލުވެ ހުރި ކޯޗު، އިހުސާން އަބްދުލް ގަނީ (ސާންތީ) އެވެ. އީގަލްސް އިން މިރޭ، މި ސީޒަނުގެ ފުރަތަމަ މުބާރާތް، އެފްއޭއެމް ޕްރެޒިޑެންޓްސް ކަޕްގެ ފައިނަލުގައި ކުޅޭއިރު، މިއީ ގައުމީ ފައިނަލްގައި އެ ޓީމުގެ ތިން ވަނަ ފެނިލުމެވެ. ތިން ފައިނަލުގައި ވެސް އީގަލްސްގެ ބެންޗުން އެ ޓީމަށް އިރުޝާދު ދޭން ހުރީ ސާންތީ އެވެ.

"އަނެއްކާ ވެސް ވަރަށް އުފާވި، ޕްރެޒިޑެންޓްސް ކަޕްގައި އީގަލްސްގެ ވެސް ތިން ވަނަ ފައިނަލްގައި ހުރެވޭތީވެ، އޭރާއި މިހާރާއި ތަފާތީ އަސްލުގައި އޭރު ފުރަތަމަ އެކުރި ތަޖުރިބާގައި ތަންކޮޅެއް ޒުވާން ކުޅުންތެރިންތަކެއް ގިނަވެ، މިހާރު މި ވާ ގޮތަކީ އަޅުގަނޑުމެން މުޅިން ޒުވާން ޓީމެއް ނޫން. އޭރު ތިބި ބައެއް ކުޅުންތެރިން ތަންކޮޅެއް ބޮޑަށް އުމުރުން ދުވަސް ދުވަސްވީއެކޭ ނުބުނެވޭނެ. އެކަމަކު ބޮޑެތި ވެފައި އެ ތިބީ،" 2014 އާއި 2016 ވަނަ އަހަރުގެ ޕްރެޒިޑެންޓްސް ކަޕް ފައިނަލުގައި އީގަލްސް އަށް ކޯޗުކޮށްދިން ސާންތީ، އިއްޔެ، އީގަލްސް ޕްރެކްޓިސްގެ ތެރެއިން "އަދަދު" އަށް ބުންޏެވެ.

އީގަލްސް އިން 2014 ވަނަ އަހަރުގެ ޕްރެޒިޑެންޓްސް ކަޕް ފައިނަލުގައި ނިއު ރޭޑިއަންޓް ސްޕޯޓްސް ކްލަބް އަތުން ބަލިވީ 1-0 އިންނެވެ. އޭގެ ދެ އަހަރު ފަހުން، ޓީސީ ސްޕޯޓްސް ކްލަބް އަތުން 1-0 އިން މޮޅުވެ، އީގަލްސް އިން ވަނީ ގައުމީ ތަށި އުފުލާލައި، ޗެމްޕިއަނުންގެ ސަފަށް ޖެހިލައިފަ އެވެ.

މީގެ ކުރިން އީގަލްސް އިން ކުޅުނު ގައުމީ ދެ ފަައިނަލުގައި ވެސް ފޯމާއި އެެހެނިގެން ކަންކަމަށް ބެލިިއިރު، ފައިނަލުގެ ފޭވަރިޓުންނަކީ އީގަލްސްއާ ދެކޮޅަށް ނުކުތް ޓީމެވެ.

މިރޭ 9 ޖަހާއިރު ފަށާ މި ސީޒަނުގެ ޕްރެޒިޑެންޓްސް ކަޕްގެ ފައިނަލް މެޗުގެ ކުރިން އިއްޔެ ބޭއްވި ނޫސްވެރިންގެ ބައްދަލުވުމުގައި މާޒިޔާގެ ކޯޗު، ބަލްގޭރިއާގެ އިވާން ކޮލޭވް ބުނީ ފައިނަލްގެ ފޭވަރިޓުންނަކީ މާޒިޔާއެއް ނޫން ކަމަށެވެ.

ފޭވަރިޓުންނަކީ ކޮންމެ ޓީމެއްތޯ ކުރި ސުވާލަށް އިވާންގެ އެ ވާހަކައާ ސާންތީ ދެކޮޅު ހަދަ އެވެ.

"ކޮންމެ ގޮތެއް ވިޔަސް ފޭވަރިޓުންނަށް ވާނީ، މި ދައްކަނީ ފެކްޓަށް ބަލާފައި ވާހަކަ. ފެކްޓަށް ބަލާފައި ވާހަކަ ދައްކާއިރު ފޭވަރިޓަކީ މާޒިޔާ ހަމަ. އެ ހުރިހާ ގޮތަކުން ބެލިޔަސް އެ މީހުންގެ އެ ތިބި ކުޅުންތެރިންނަށް ބެލިޔަސް، ކޯޗަށް އެކަނި ބަލާލިޔަސް، މެނޭޖްމަންޓަށް ބަލާލިޔަސް ހުރިހާ ގޮތަކުން ބަލާލިޔަސް އެ މީހުން ވާނީ ފޭވަރިޓުންގެ ގޮތުގައި،" މި ސީޒަނުގައި އީގަލްސްއާ އަލުން ހަވާލުވި ސާންތީ ބުންޏެވެ.

"އަޅުގަނޑުމެން ނުކުންނާނީ އެ މީހުންނަކީ އެންމެ ފޭވަރިޓުންގެ ގޮތުގައި ދެކިގެން. އަޅުގަނޑުމެންނަށް ނެގޭނީ ކޮން ކަހަލަ އެޑްވާންޓޭޖް ތަކެއްތޯ ބަލައިގެން އެކަން ކުރަން ނުކުންނާނީ. މީގެ ޑައުޓެއް ނެތް، ފޭވަރިޓަކީ މާޒިޔާ،"

މި ފަހަރުގެ ފުޓްބޯޅަ ސީޒަން ފެށުމަށް ކުޅުނު ޗެރިޓީ ޝީލްޑް މެޗުން މާޒިޔާ ވަނީ 2-1 އިން އީގަލްސް ބަލިކޮށްފަ އެވެ. ސީޒަނުގައި މާޒިޔާ އިން ކުޅުނު މެޗުތަކަށް ބަލާއިރު، އެ ޓީމުގެ އެންމެ ނަތީޖާ ރަނގަޅީ ޕްރެޒިޑެންޓްސް ކަޕްގެ ސެމީގައި ސުޕަ ޔުނައިޓެޑް ސްޕޯޓްސް (ސަސް) އަތުން 8-0 އިން މޮޅުވި މެޗެވެ. މިއީ، ޕްރެޒިޑެންޓްސް ކަޕްގެ ގްރޫޕް ސްޓޭޖުގައި ބުރު ސްޕޯޓްސް ކްލަބް އަތުން 2-1 އިން ބަލިވި މާޒިޔާ އަލުން ޓްރެކަށް އަންނަން ވަރަށް މުހިންމު ނަތީޖާ އެކެވެ.

ސާންތީ ބުނީ މާޒިޔާގައި އޮތް ސްކޮޑު ކޮންމެ މެޗެއްގައި ގިނަ ގޯލު ޖަހައިގެން މޮޅުވާން ޖެހޭ ކަމަށް ގިނަ ބަޔަކު ގަބޫލުކުރާ ކަމަށެވެ.

"މާޒިޔާ ވެއްޖިއްޔާ، ދެ ގޯލު އެއް ގޯލުން ފަރުޖައްސާލެވެން ވެސް ނޯވޭ. މާޒިޔާ ގަބޫލުކުރާ ގޮތުގައި މިހާރު އެ ޓީމު އޮތް ލެވަލުން ވެއްޖިއްޔާ ތަންކޮޅެއް ގިނައިން ޖެހޭ ގޯލު ވެސް ޖަހަން. އެހެންވެ، އެ މީހުންނަށް އެ މެޗުގައި ސަސް ކޮޅަށް އަށެތި ޖެހުން އެއީ ފައިނަލް މެޗުގެ ކުރިިން އެ މީހުންގެ މޯރަލް ވެސް މައްޗަށް ޖައްސާލައި ކުޅުންތެރިންގެ ލަނޑު ޖެހުމުގެ ކަންތައްތަކާ އެއްޗެހި ވެސް ރަނގަޅު،" ސާންތީ ބުންޏެވެ.

"(މާޒިޔާގެ) ކޯޗު އޮތް ބުރު މެޗަށް ފަހު ބަދަލުތަކެއް ފެންނާނެއޭ. ބަދަލުކުރާނަމޭ ބުނެފައި. ދެން ފައިނަލް މެޗުގެ ކުރިން އެހާ ކުރިން އެ ބަދަލު އައީމަ ލިބޭ ކޮންފިޑެންސެއް އެއީ،"

އިއްޔެ ބޭއްވި އީގަލްސްގެ ފަރިތަކުރުންތަކުގެ ތެރެއިން އެ ޓީމުގެ ކޯޗު ސާންތީ ޓީމުގެ ކުޅުންތެރިންނާ ވާހަކަ ދައްކަނީ.--- ފޮޓޯ؛ މުހައްމަދު ޝާބިން/ އަދަދު

އީގަލްސްގައި ޓީމެއް ބިނާކުރިއިރު، ސާންތީ އެންމެ ބޮޑަށް ވިސްނި އެއް ކަމަކީ އެއް ކުޅުންތެރިންތަކެއް އީގަލްސްގައި ބަހައްޓައިގެން ޑިވެލޮޕް ކުރުމަށެވެ. އެ ވިސްނުމުގައި ކުރި ކަންކަމުގެ ތެރެއިން ބޮޑެތި މެޗުތަކަށް ނުކުންނައިރު، އެ ޓީމަށް އޮތް އެންމެ ބޮޑު ހިތްވަރަކީ "ޓީމު ރޫހު" ރަނގަޅުވުމެވެ. މިރޭގެ ފައިނަލުގެ ކުރިން ވެސް ސާންތީ އެންމެ ބޮޑު "ޕްލަސް ޕޮއިންޓް" ގެ ގޮތުގައި ފާހަގަކުރީ އެ ޓީމު ރޫހެވެ.

"އީގަލްސްގެ ޕޮޒިޓިވް ކަމަކީ ޓީމުގެ ތެރޭގައި އޮންނަ ރޫހު، މީގެ އަޅުގަނޑު އަބަދު ވެސް ބުނަމުން މި އަންނަނީ ޓީމު ތެރޭގައި އޮންނަ ރޫހު އަބަދުވެސް ތަފާތޭ. އެ ރޫހު މި އޮތީ ވެސް ގިނަ ދުވަސްތަކެއް ވަންދެން އެއް ކުޅުންތެރިންތަކެއް މީގެ ތިބީމަ. އެހެންވީމަ ހަގީގީގަތަކަަށް މި ފެންނަ ތަފާތަކީ އެއީ،"

ސީޒަނުގެ މެޗުތައް ދިޔަ ގޮތަށް ބަލާއިރު، ސާންތީ ހިތްހަމަޖެހޭ އަނެއް ކަމަކީ މެޗުތަކުގެ ތެރެއިން އެ ގެންނަ ބަދަލު ވަރަށް ރަނގަޅަށް މަސައްކަތް ކުރުމެވެ. މި ފަހަރު މެޗުތަކުގެ ތެރެއިން ފަސް ކުޅުންތެރިން ބަދަލު ކުރެވޭ ގޮތަށް މި ސީޒަނުގައި ރާއްޖޭން ވެސް އަމަލުކުރަމުން އަންނައިރު، އޭގެއިން އެންމެ ބޮޑު ފައިދާއެއް ކުރާ އެއް ޓީމަކީ އީގަލްސް އެވެ.

އެކަަމަކު، ސާންތީ އަށް ބޮލުގެ ރިހުމެއް ވެސް އެބައޮތެވެ.

"މާޒިޔާ ކަހަލަ ޓީމަކާ ދެކޮޅަށް ނުކުންނައިރު، އަޅުގަނޑުމެންނަށް އޮތް އެންމެ ބޮޑު ބޮލުގެ ރިހުމަކީ ޑިފެންސިވް ސްޓެބިލިޓީ، އަދި ވެސް މި އުޅެނީ އެކަން ހަމަޖައްސައިނުލެވިގެން. އެންމެ ބޮޑަށް ކުރިމަތިލާން މި ޖެހެނީ އެ މީހުންގެ އެޓޭކިން ތާޑު ނޫނީ އެޓޭކިން ފޯސްއާ، ދެން އަޅުގަނޑުމެންގެ ޑިފެންސިވް ތާޑް އެބަހުރި ވަރަށް ގިނަ ކަންކަން ރަނގަޅު ކުރަން، އެ ހައްލުކުރަން ވާހަކަ ދައްކައިގެން ކުރިއަށްދާނީ،" ސާންތީ ބުންޏެވެ.

މިދިޔަ އާދިއްތަ ދުވަހުގެ ރޭ ކުޅެން ހަމަޖެއްސި ޕްރެޒިޑެންޓްސް ކަޕްގެ ފައިނަލް މެޗު މި ރެ އަށް ފަސްކުރީ ރައީސް އިބްރާހިމް މުހައްމަދު ސޯލިހު އަށް ބައިވެރިވެވަޑައިގެންނެވޭ ތާރީހެއްގައި މެޗު ކުޅުމުގެ ގޮތުންނެވެ. މިއީ، 2016 ވަނަ އަހަރުގެ ފަހުން، ރައީސުލްޖުމްހޫރިއްޔާގެ ހާޒިރުގައި ކުޅެވޭ ފުރަތަމަ ފައިނަލް މެޗެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox