އެޕަލްގެ އައިފޯން 15 އަށް ޔޫއެސްބީ ޓައިޕް-ސީ ވާގަނޑުލީ އިއާޕޮޑްސް އަންނާނެ ކަމަށް މީޑިއާތަކުން ރިޕޯޓްކޮށްފި އެވެ،
މީޑިއާތަކުން ރިޕޯޓްކޮށްފައިވާ ގޮތުގައި ކުރިއަށް އޮތްތަނުގައި ނެރޭ އައިފޯނުތައް ނެރޭނީ ޓައިޕް-ސީ އަށް ސަޕޯޓްކުރާގޮތަށެވެ.
"ޝްރިމްޕް އެޕަލް ޕްރޯ" ކިޔާ ޓްވިޓާ އެކައުންޓަކުން ކޮށްފައިވާ ޓްވީޓްތަކެއްގައި ބުނެފައިވަނީ އެޕަލް އިން މިހާރު ވަނީ ޔޫއެސްބީ ޓައިޕް-ސީގެ އިއާބަޑްސް އަދި ޗާޖަރުތަކުގެ މާސް ޕްރޮޑަކްޝަން ފަށާފަ އެވެ.
އެޕަލްގެ ލައިޓްނިން ޕޯޓްގެ ބަދަލުގައި އައިފޯން 15 ގެ ހުރިހާ މޮޑެލްއަކަށް ވެސް ޓައިޕް-ސީ ޕޯޓެއް އަންނާނެ ކަމަށް ވަނީ ލަފާކުރެވިފަ އެވެ. އަދި އެޕަލްގެ އިތުރު އުފެއްދުންތަކަށް ވެސް މި ބަދަލުއައުން އެކަށިގެންވެ އެވެ.
އެޕަލްގެ އެނަލިސިސްޓްއެއް ކަމަށް ވާ މިންގ-ޗި ވަނީ އެއާޕޮޑްސްގެ ޗާޖިން ކޭސްއާއި، މެގްސޭފް ބެޓެރީ ޕެކް ގެ އިތުރުން މެޖިކް ކީބޯޑް ގައި ވެސް ކުރިއަށް އޮތްތަނުގައި ބޭނުންކުރާނީ ޓައިޕް-ސީ ކަމަށް ލަފާކޮށްފަ އެވެ.
އެޕަލް އިން މިހާރު ވެސް ލައިޓްނިން ކަނެކްޓާލީ އިއާބަޑްސް ވިއްކަ އެވެ. ނަމަވެސް ވަޔަލެސް އެއާޕޮޑްސް އާއެކު އިއާބަޑްސްގެ މަގުބޫލުކަން ވަނީ ވަރަށް ބޮޑަށް ދަށަށް ގޮއްސަ އެވެ. ނަމަވެސް ޓައިޕް-ސީގެ އިއާބަޑްސް އާއި އެކު އެހެން ބްރޭންޑްތަކުގެ ފޯނުތައް ބޭނުންކުރާ ފަރާތްތައް ވެސް އިއާބަޑްސް ބޭނުންކުރުމުގެ ފުރުސަތު އެބަ އޮތެވެ.
