މިނިސްޓަރު ވިދާޅުވާ ގޮތުން އީޕީއޭ މިހާރު އޮތީ މިނިވަން ވެފައި

އެންވަޔަރަމެންޓް މިނިސްޓަރު އާމިނަތު ޝައުނާ، ފޮޓޯ: މުހައްމަދު ޝާބިން/އަދަދު

އެންވަޔަރަމެންޓް މިނިސްޓަރު އާމިނަތު ޝައުނާ، ފޮޓޯ: މުހައްމަދު ޝާބިން/އަދަދު

އެންވަޔަރްމެންޓަލް ޕްރޮޓެކްޝަން އެޖެންސީ (އީޕީއޭ) އަކީ މިނިވަން މުއައްސަސާއަކަށް ބަދަލުކޮށްފައި ނުވިޔަސް، އެ އެޖެންސީ މިނިވަން ކުރަން ސަރުކާރުން ވެފައިވާ ވައުދު ފުއްދިއްޖެ ކަމަށް ދޭހަވާ މޭރުމަކުން އެންވަޔަރްމެންޓް މިނިސްޓަރު އާމިނަތު ޝައުނާ މިއަދު ވާހަަކަދައްކަވައިފި އެވެ.

ރައްޔިތުންގެ މަޖިލީހުގެ މިއަދުގެ ޖަލްސާގައި ވަޒީރުންނާ ސުވާލުކުރުމުގެ ވަގުތުގައި އުނގޫފާރު ދާއިރާގެ އެމްޑީޕީ މެމްބަރު މުހައްމަދު ވަހީދު ކުރެއްވި ސުވާލުގައި އެއްސެވީ "އީޕީއޭއަކީ މިނިވަން މުސްތަގިއްލު ތަނަކަށް ހެދުމަކީ ރައީސްގެ ރިޔާސީ ވައުދަކަށް ވާއިރު، އެ ވައުދު ނުފުއްދައި އޮތީ ކީއްވެތޯ" އެވެ. އެއީ ސަރުކާރުގެ ފުރަތަމަ ސަތޭކަ ދުވަހުގެ ތެރޭގައި ފުއްދަން ވީ ވައުދަކަށް ވާއިރު އެ ވައުދު ނުފުއްދައި "މިހާ ދިގުލަނީ ކީއްވެތޯ" ވެސް އޭނާ އެއްސެވި އެވެ.

އެ ސުވާލަށް ޖަވާބު ދެއްވަމުން މިނިސްޓަރު ޝައުނާ ވިދާޅުވި ގޮތުގައި ސަރުކާރުގެ މެނިފެސްޓޯގައި ހިމަނާފައި އޮތީ އީޕީއޭ ބާރުވެރި ކުރުވުމެވެ. އެކަމަށް ގިނަ ގުނަ މަސައްކަތްތަކެއް ކޮށްފައިވާ ކަމަށް ވެސް އޭނާ ވިދާޅުވި އެވެ. އެ މަސައްކަތް މިހާރު ވެސް އަންނަނީ ކުރަމުން ކަމަށް ވިދާޅުވެ، އެފަދަ މަސައްކަތްތަކުގެ ލިސްޓެއް ވެސް އޭނާ ދެއްވި އެވެ.

Advertisement

"މުޅިން މިނިވަން ކުރުން ރާއްޖެއަކާ ނުގުޅޭ"

އީޕީއޭ މިނިވަން ކުރުމަށް ސަރުކާރުން ވީ ވައުދަކީ އެ އެެޖެންސީ މިނިވަން މުއައްސަސާއަކަށް ބަދަލުކުރުން ނޫންކަމަށް ސިފަކުރައްވައި މިނިސްޓަރު ވިދާޅުވީ އެވާހަކަ ދެކެވުނު ދުވަސްވަރަކީ ރިސޯޓްތަކުން ހިންގާ މަޝްރޫއުތަކަށް ހަދާ އީއައިއޭ ރިޕޯޓް ފާސްކުރުމުގެ ބާރު އެ އެޖެންސީއަށް ގެއްލިފައި އޮތް ދުވަސްވަރެކެވެ.

ޓޫރިޒަމް ގާނޫނަށް ގެނައި ބަދަލަކާއި އީއައިއޭ ހެދުމުގެ ގަވައިދަކަށް ގެނައި ބަދަލަކުން އެ ބާރު އީޕީއޭއަށް އަލުން ދީފައިވާ ކަމަށް ވިދާޅުވެ، އެއީ ސަރުކާރުގެ 100 ދުވަހުގެ ވައުދު ފުއްދުން ކަމަށް ވެސް އޭނާ ވިދާޅުވި އެެވެ.

"ޓޫރިޒަމް ގާނޫނަށް ގެނެވުނު މި ބަދަލާ ގުޅިގެން ތިމާވެށްޓަށް އަސަރު ފޯރާ މިންވަރު ބަޔާންކުރާ ރިޕޯޓް ހެދުމާ ބެހޭ ގަވައިިދު އިސްލާހުކޮށް އީއައިއޭ ފާސްކުރުމުގެ ބާރު 27 ޑިސެމްބަރު، 2018 ގައި އީޕީއޭއަށް އަލުން ވަނީ ދީފައި. ސަރުކާރުގެ ފުރަތަމަ 100 ދުވަހުގެ ތެރޭގައި ފުއްދަން ބުނި ވައުދު ވަނީ ފުއްދާ ނިންމާފައި،" މިނިސްޓަރު ވިދާޅުވި އެވެ.

ކުރިއަރާފައިވާ ބައެއް ގައުމުތަކުގައި ވެސް ތިމާވެށީގެ ކަންތައްތައް ރެގިއުލޭޓްކުރާ އިދާރާތައް ހިންގަނީ ސަރުކާރުގެ ބާރު ހިނގާ ގޮތަށް ކަަމަށް ވިދާޅުވެ، އެމެރިކާއާއި ސިންގަޕޫރުގެ މިސާލު އޭނާ ދެއްކެވި އެވެ. އެއަށް ފަހު ވިދާޅުވީ މިނިވަން މުއައްސަސާއެއްގެ ގޮތުގައި އީޕީއޭ ހިންގުމަކީ ރާއްޖެ ފަދަ، ތަރައްގީވަމުން އަންނަ ގައުމަކަށް އެކަށީގެންވާ ކަމެއް ނޫން ކަމަށެވެ.

"ވެރިކަން ހިންގާ ފަރާތުގެ ބާރު ނުހިނގާ ގޮތަށް، މުޅިން މިނިވަން މުސްތަގިއްލު ކޮމިޝަނަކުން ތިމާވެށީގެ ކަންކަން ރެގިއުލޭޓްކުރުމަކީ ރާއްޖެ ފަދަ، ތަރައްގީވަމުން އަންނަ ގައުމަކަށް އެންމެ އެކަށީގެންވާ ނިޒާމު ނޫންކަން ގަބޫލުކުރަން ޖެހޭ،" ޝައުނާ ވިދާޅުވި އެވެ.

އެގޮތަށް ވާހަަކަ ދެއްކެވުމުން އުނގޫފާރު ދާއިރާގެ މެމްބަރު މުހައްމަދު ވަހީދު ދެވަނަ ފަހަރަށް ވެސް ސުވާލު ތަކުރާރު ކުރެއްވި އެވެ. އޭނާ އެއްސެވީ "މިނިވަން މުސްތަގިއްލު ތަނަކަށް އީޕީއޭ ހައްދަވާނެތޯ ނުވަތަ ނޫންތޯ" އެވެ.

އެ ސުވާލަށް ސާފު ޖަވާބެއް ނުދެއްވައި މިނިސްޓަރު ވިދާޅުވީ އީޕީއޭ ބާރުވެރިކޮށް މިނިވަންކަމާ އެކީ ހިންގަން އެންމެ މުހިއްމުކަމަކީ އެތަނަށް ބޭނުންވާ ވަސީލަތްތައް ފޯރުކޮށްދިނުން ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox