ފެށުން ގޯސްވީ ފަސޭހަކޮށްލެވުމުން، މޮޅުވުމުގައި ތަފާތަކަށްވީ އީގަލްސްގެ ރޫހު

Apr 20, 2023, 7:07 AM
އީގަލްސް އިން އެންމެ ފަހުން ބޭއްވި ޕްރެކްޓިސް ސެޝަންގެ ތެރެއިން ސާންތީ.-- ފޮޓޯ: އަދަދު

އީގަލްސް އިން އެންމެ ފަހުން ބޭއްވި ޕްރެކްޓިސް ސެޝަންގެ ތެރެއިން ސާންތީ.-- ފޮޓޯ: އަދަދު

ފަހަތުން އަރައި ސުޕަ ޔުނައިޓެޑް ސްޕޯޓްސް (ސަސް) އަތުން މޮޅުވީ ކްލަބް އީގަލްސްގައި ތިބި އެ ޓީމުން ބިނާކޮށްފައިތިބި ކުޅުންތެރިންގެ އާދަޔާހިލާފު ރޫހުގެ ސަބަބުން ކަމަށް ކޯޗު އިހުސާން އަބްދުލް ގަނީ (ސާންތީ) ބުނެފި އެވެ.

ޕްރެޒިޑެންޓްސް ކަޕްގައި ސަސް އަތުން ކުލަބު އީގަލްސް 4-2 އިން މޮޅުވިއިރު، ފުރަތަމަ ހާފުގައި ސަސް އިން ދެ ގޯލު ޖެހި އެވެ. އީގަލްސް އިން ނަތީޖާ އަނބުރާލީ ދެ ވަނަ ހާފުގައި ޖެހި ހަތަރު ގޯލާ އެކުގަ އެވެ.

މި މެޗުގެ ނަތީޖާ އީގަލްސް ކޮޅަށް އެނބުރުމުގައި އެންމެ ބޮޑު ތަފާތަކަށްވީ ބެންޗުން އެރި ކުޅުންތެރިންނެވެ. މި ގޮތުން ފުރަތަމަ ހާފުގައި ބަދަލުކުޅުންތެރިއެއްގެ ގޮތުގައި ކުޅެން އެރި އަހުމަދު ރިޒުވާން (ރިޒޭ) މެޗުގެ ފަހު ގޯލު ޖެހިއިރު، ފުރަތަމަ ގޯލު ޖަހަން އެސިސްޓްކޮށްދިނެވެ. ބެންޗުން އަރައި، އިމްރާން ނަޝީދު (އިންމަ) ޖެހި ގޯލަކީ އީގަލްސް އަށް މެޗުގައި ލީޑު ލިބުނު ގޯލެވެ. ދެ ވަނަ ހާފުގައި ކުޅެން އެރުވި އިބްރާހިމް މުބީން (މުއްކި) ވަނީ ސްކޯ އެއްވަރުކުރި ގޯލު ޖެހުމަށް އެސިސްޓްކޮށްފަ އެވެ.

ރޭގެ މެޗަށް ފަހު އީގަލްސްގެ ކޯޗު ސާންތި ބުނީ މި މޮޅަކީ ކުޅުންތެރިންގެ ބުރަ މަސައްކަތުން ހޯދުނު މޮޅެއް ކަމަށާއި މެޗުގެ ދެ ވަނަ ހާފަށް ނިކުމެ ހުރިހާ ކުޅުންތެރިން އެ ކުޅުންތެރިއެއްގެ 200 ޕަސެންޓް ހިތްވަރު ނެރުނު ކަމަށެވެ.

އޭނާ ބުނީ މެޗުގެ އެންމެ ބޮޑު ތަފާތަކަށްވީ އީގަލްސް އާއިއެކު ޔޫތު ލެވެލްއިން ފެށިގެން އައިސް ސީނިއާ ލެވްލްއާ ހަމައަށް ކުޅެފައިތިބި ކުޅުންތެރިންގެ ރޫހު ކަމަށާއި، އެ ކުޅުންތެރިންގެ ފަރާތުން ފެނުނީ މެޗުން މޮޅުވުމަށް ބޭނުންވެފައިވާ މިންވަރުކަމަށެވެ.

"މީގެ ތެރޭގައި އީގަލްސްގެ ސީނިއާ ކުޅުންތެރިން ވަރަށް ހިތްވަރު ނެރުނު. މިސާލަކަށް ރިޒޭ، އިންމަ، މުއްކި މި ކުޅުންތެރިން އީގަލްސް އަށް ކޮންމެ ކޮންމެ ގޮތެއް ވާން ބަލާކަށް ނުތިބޭނެ. ހާއްސަކޮށް މި ތިން ކުޅުންތެރިންގެ އިންފްލުއެންސް ފެނުނު މުޅި މެޗު އަނބުރާލުމުގައި. މިއީ އަސްލު ކުލަބަކުން ކުޅުންތެރިން ބިނާ ކުރީމަ އިންނަ އެޑްވާންޓޭޖް. ތަނަކުން ޕްލޭޔަރެއް ގެނެސްގެން ކުޅެގެން ނުނިކުންނަ ޖޯޝެއް މިގޮތަށް ނެރޭ ޕްލޭޔަރުންގެ ފަރާތުން ފެންނާނެ." އީގަލްސްގައި ތިބި ގިނަ ކުޅުންތެރިންނަށް ޖޫނިއާ ލެވެލްގައި ވެސް އިރުޝާދުދިން ސާންތީ ބުންޏެވެ.

ރޭގެ މެޗުގައި އީގަލްސްގެ ރިޒޭ ލަނޑު ޖެހުމަށް ފަހު އުފާފާޅުކުރަނީ.--- ފޮޓޯ: މުހައްމަދު ޝާބިން/ އަދަދު

ސާންތީ ބުނީ މި މެޗަކީ އޭނާ އަށް ވެސް ކޯޗިން ކެރިއަރުގައި ލިބުނު ފިލާވަޅެއް ކަމަށާއި، ކުލަބުގެ ޖޯޝު ހުރި ކުޅުންތެރިންގެ ފަރާތުން މެޗުތަކުގެ ނަތީޖާ އަނބުރާލުމުގައި ތަފާތު ހިތްވަރެއް ފެންނަ ކަމަށެވެ.

ސަސް އިން ފުރަތަމަ ހާފުގައި ނެގި ލީޑާ ގުޅޭގޮތުން ސާންތީ ބުނީ ކުޅުންތެރިންނަށް މާ ބޮޑަށް މެޗުގެ ކުރީކޮޅު ފަސޭހަކޮށްލެވުނީ ކަމަށާއި، ގިނަ ދުވަސްތަކެއްވަންދެން މެޗެއް ނުކުޅެ ތިބުމުން އެކަހަލަ ކަމެއްވުން އެކަށީގެންވާ ކަމަށެވެ.

މެޗުގައި އެންމެ ބޮޑު ތަފާތެއް ދެއްކީ މި މެޗުގައިވެސް ކުޅެވޭނެކަމާ ކުރިން ސުވާލު އުފެދިފައި އޮތް އީގަލްސްގެ ރިޒޭ އެވެ. އޭނާ ކުޅުނު 40 މިނެޓުގައި ތަފާތު މޮޅު ކުޅުމެއް ދައްކައި ރިޒޭ ވަނީ އީގަލްސް ކޮޅަށް ނަތީޖާ އަނބުރާލައިފަ އެވެ.

މެޗުގައި ރިޒޭއަށް ފުރުސަތުދޭން ނިންމީ ކީއްވެތޯ އެހުމުން އޭނާ ބުނީ މިކަހަލަ މުހިންމު މެޗެއްގައި ރިޒޭ އަރުވަން ބޭނުންވާތީ ރިޒޭގެ ރިހެބްގެ ކަންކަން ބަލަހައްޓަމުން އަންނަ މުއީނާއާ ވާހަކަދައްކާ ރިޒޭގެ ހާލަތު ބެލީ ކަމަށާއި، މެޗުގައި ރިޒޭ އެރުވީ މުއީނާގެ އިރުޝާދާ އެއްގޮތަށް ކަމުގަ އެވެ.

"އިއްޔެގެ ޕްރެކްޓިސް ނިންމާފަވެސް ރިޒޭއާ މެދު ގޮތެއް ނުނިންމަން. މެޗުގެ ކުރިން ރިޒޭގެ ރިހެބްގެ ކަންކަން ބަލަހައްޓަމުން އަންނަ މުއީނާއާ މަޝްވަރާކޮށްފައި ގޮތެއް ނިންމީ. މުއީނާ ވެސް އޯކޭ ދިނީ ފުލްކޮށް ނުކުޅެ ރިޒޭ މެޗުގައި ބޭނުން ކުރެވޭނެ ކަމަށް." ސާންތީ ބުންޏެވެ.

ފަހުކޮޅު ޓީމް ފެނުނީ ވަރުބަލިކޮށް، މިހާލަތާ ކުރިމަތިލާން ޖެހޭނެކަން އިނގޭ: ކޯޗު އިންމަ

އީގަލްސް އަތުން ސަސް ބަލިވީ މެޗުގެ ފަހު 33 މިނެޓުގައި އީގަލްސް އިން ޖެހި ހަތަރު ގޯލުންނެވެ. ދެ ވަނަ ހާފުގެ ފަހުކޮޅު މެޗުގެ ނަތީޖާ އެނބުރުމާ ގުޅޭގޮތުން ސަސްގެ ކޯޗު އިސްމާއިލް މަހަފޫޒް (އިންމަ) ބުނީ ފަހު ވަގުތު މިކަހަލަ ނަތީޖާއެއް އަތުވެދާނެ ކަމަށް ބެލެވުނު ކަމަށާއި މިގޮތަށް ހާލަތު އައިސްދާނެކަން އެނގޭ ކަމަށެވެ.

ރޭގެ މެޗަށް ފަހު ސަސްގެ ކޯޗު އިންމަ ނޫސްވެރިންގެ ބައްދަލުވުމުގެ ތެރެއިން.--- ފޮޓޯ: މުހައްމަދު ޝާބިން/ އަދަދު

އޭނާ ބުނީ ސީޒަނަށް ތައްޔާރުވާން އެކަށީގެންވާ ވަރަށް ޕްރެކްޓިސް ނުކުރެވުމުގެ ސަބަބުން މެޗުގެ ފަހުކޮޅު ކުޅުންތެރިން ފެނުނީ މާ ބޮޑަށް ވަރުބަލިކޮށް ކަމަށެވެ. ވަރުބަލިވުމުގެ ސަބަބުން ކޮންސެންޓްރޭޝަން ގެއްލި ކުޅެން ބޭނުންވި ގޭމް ފަހު ވަގުތު ނުކުޅެވުނީ ކަމަށް އިންމަ ބުނެފައިވެ އެވެ.

"މިއަދުގެ މެޗުގައި މިހާލަތު ފަހު ހާފުގައި ފޭސްކުރާނެކަން އިނގޭ ކުރިންވެސް. ދެ ލަނޑު ޖަހާފައި އޮއްވާ ވިޔަސް މި ސިޓުއޭޝަން އަންނާނެކަން އިނގޭ ހަމަ. ފަހު ހާފުގެ ޓަޔަޑްނަސްއާ އެކު ކުޅުންތެރިންގެ ކޮންސެންޓްރޭޝަން ހަމަ ގެއްލުނު ވަރަށް ބޮޑަށް،" އިންމަ ބުންޏެވެ.

އިންމަ ބުނީ މެޗުން ބަލިވި ނަމަވެސް ޓީމުން ގިނަ ކަންކަން ރަނގަޅަށް ކުރިކަމަށާއި އެއީ ކުރިއަށް ހުރި މެޗުތަކަށް ނިކުންނައިރު ލިބޭނެ ހިތްވަރެއް ކަމަށެވެ. އެ ގޮތުން ރަނގަޅަށް ކުޅެ ގޯލު ޖަހާނެ ރަނގަޅު ޗާންސްތަކެއް ޓީމުން ހޯދި ކަމަށާއި، ބަލިވެފައި އޮތް ވަގުތުވެސް ކުޅުންތެރިން ރަނގަޅަށް މަސައްކަތްކުރި ކަމަށެވެ.

ސެމީ ފައިނަލުގެ ފުރުސަތު ސަސް އަށް ފަހިކޮށް އޮތް ނަމަވެސް އީގަލްސް އަތުން ވެލެންސިއާ މޮޅުވެއްޖެ ނަމަ ސްކޯ އަށް ބަލައި ސަސް އަށް ސެމީ އިން ޖާގަ ގެއްލުމުގެ ފުރުސަތު ވެސް އެބައޮތެވެ. އިންމަ ބުނީ އެ ޓީމުން އީގަލްސް އާއި ވެލެންސިއާ މެޗާ މެދު ނުވިސްނާ ކަމަށާއި ކޮންމެ ގޮތަކަށް ވެސް ނަތީޖާ ނުކުމެދާނެ ކަމަށް ގަބޫލުކުރާ ކަމަށެވެ.

ސަސް އިން ވަނީ ވެލެންސިއާ އަތުން 5-0 އިން މޮޅުވެފަ އެވެ. އެ ޓީމަށް ތިން ޕޮއިންޓް ލިބިފައިވާއިރު ފައިދާ 3 ގޯލާ އެކު ސަސް އޮތީ ގްރޫޕްގެ އެއް ވަނައިގައި އެވެ. އެއް މެޗު މަދުން ކުޅެ ތިން ޕޮއިންޓާއި ފައިދާ ދެ ގޯލާ އެކު އީގަލްސް އޮތީ ތާވަލްގެ ދެ ވަނައިގަ އެވެ. ފުލުގައި އޮތް ވެލެންސިއާ އަށް ސެމީގެ ފުރުސަތު އޮތީ ފަހު މެޗުގައި ހަތަރު ގޯލަށް ވުރެ ބޮޑު ތަފާތަކުން އީގަލްސް ބަލިކޮށްގެންނެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox