ނިޒާމްބެ ބުނަނީ ބުރު އަށް މާޒިޔާ "ބަލިކުރެވިދާނެ" ކަމަށް

ނޫސްވެރިންގެ ބައްދަލުވުމުގެ ތެރެއިން ބުރުގެ ކޯޗު ނިޒާމްބެ ވާހަކަ ދައްކަނީ.--- ފޮޓޯ: އިސްމާއިލް އަޒްމީން/ އަދަދު

ނޫސްވެރިންގެ ބައްދަލުވުމުގެ ތެރެއިން ބުރުގެ ކޯޗު ނިޒާމްބެ ވާހަކަ ދައްކަނީ.--- ފޮޓޯ: އިސްމާއިލް އަޒްމީން/ އަދަދު

ޕްރެޒިޑެންސް ކަޕްގެ ގްރޫޕް ސްޓޭޖުގައި މިރޭ މާޒިޔާއާ ދެކޮޅަށް ނުކުންނަ މެޗުން މޮޅުވެވޭނީ ހިތްވަރާއި ވިސްނުންތެރިކަމާ އެކު ކުޅެގެން ކަމަށް ބުރު ސްޕޯޓްސް ކުލަބުގެ ކޯޗު މުހައްމަދު ނިޒާމް (ނިޒާމްބެ) ބުނެފި އެވެ.

ގްރޫޕް ސްޓޭޖުގައި ބުރުން ކުޅުނު ފުރަތަމަ މެޗުގައި ޓީސީ އަތުން 1-0 އިން ބަލިވެފައިވުމާ އެކު އެ ޓީމަށް ސެމީ ފައިނަލުން ފުރުސަތު ލިބެން އޮތީ މާޒިޔާ ބަލިކޮށްގެންނެވެ. ކޮންމެ ނަތީޖާއަކުން މާޒިޔާ ބަލިކުރި ނަމަވެސް ބުރަށް ސެމީގެ ޖާގަ ލިބޭނެ އެވެ. ސަބަބަކީ ޓީސީ މާޒިޔާ އަތުން 2-0 އިން ބަލިވެފައިވުމެވެ.

މާޒިޔާ މެޗާ ގުޅޭގޮތުން ބުރުގެ ކޯޗު ނިޒާމްބެ ބުނީ މި މެޗަކީ މުބާރާތުގައި ކުރިއަށްދާން ލިބޭ ފަހު ފުރުސަތު ކަމަށާއި ޓީމުން މި ފުރުސަތުގެ ބޭނުން ހިފަން ވިސްނުންތެރިކަމާ އެކު މަސައްކަތް ކުރާނެ ކަމަށެވެ.

Advertisement

ކުރިން މާޒިޔާ އަށް ކޯޗުކޮށްދިން ނިޒާމްބެ ބުނީ މާޒިޔާއަކީ މި މެޗަށް ނިކުންނައިރު "ފޭވަރިޓުން" ކަމަށާއި އެ ޓީމުގައި ރަނގަޅަށް ހުރި ކަންކަމާއި ބަލިފައިތަކަށް ބަލައި އެކަން ކަމަށް ބުރުން ރަނގަޅަށް ތައްޔާރުވާނެ ކަމަށެވެ.

ނިޒާމްބެ ބުނީ މި މެޗަކީ ބުރު ަށް ޕްރެޝަރު މެޗެއްގެ ގޮތުގައި ވިސްނައިގެން ތައްޔާރުވާނަމަ މެޗުގައި އިތުރަށް އެ ޕްރެޝަރު ފެންނާނެ ކަމަށެވެ.

"އިދިކޮޅު ޓީމްގައި ހުރި ސްޓްރެންތާ ވީކްނަސްއަށް ބަލާފައި، އެކަންކަމަށް ބުރުން ތައްޔާރުވާނެ. މުބާރާތުގެ ފުރަތަމަ މެޗުން މިއޮތީ ބަލިވެފައި. މިއީ މުބާރާތުގައި ކުރިއަށްދާން ލިބޭ ފަހު ފުރުސަތު. އެހެންވީމަ މި ފުރުސަތުގެ ބޭނުން ހިފަން މަސައްކަތްކުރާނީ." ރާއްޖޭގެ މޮޅު ކޯޗުގެ މަގާމު ދެ ފަހަރެއްގެ މަތިން ހޯދި ނިޒާމްބެ ބުންޏެވެ.

"ޕްރެޝާ މެޗުގެ ކުރިން ނަގައިފިއްޔާމުން މެޗުގައި އެ ޕްރެޝަރު ހީވަނީ ތަންކޮޅެއް ބޮޑުވާނެހެން. އެހެންވީމަ ޕްރެޝަރަށްވުރެ ބޮޑަށް ވިސްނުންތެރިކަމާ އެކު ޓީމް މަސައްކަތްކުރަން ޖެހޭ މެޗެއްގެ ގޮތުގައި ގަބޫލުކުރަނީ."

ނިޒާމްބެ ބުނީ ސީޒަނަށް ތައްޔާރުވާން އެކަށީގެންވާ ވަގުތު ބުރަށް ނުލިބޭ ކަމަށާއި މަޑު މަޑުން ޓީމްގެ ތަފާތު ފެންނާނެ ކަމަށެވެ. އެންމެ ރަނގަޅަށް ޓީމު ޓްރެއިންކޮށް އެކަށީގެންވާ ގޮތެއްގައި ޓީމަށް ރަނގަޅު ފެންވަރުގައި ކުޅެވޭނެކަމަށް ލަފާކުރެވެނީ ޕްރެޒިޑެންޓްސް ކަޕް އަށް ފަހު ފަށާ ދިވެހި ޕްރިމިއާ ލީގުގެ ފުރަތަމަ ބްރޭކަށް ފަހު ކަމަށެވެ.

މި ވަގުތު ޕްރެޒިޑެންޓްސް ކަޕްގައި ވާދަކުރާ ޓީމްތަކުގެ ތެރެއިން ބިދޭސީ ކުޅުންތެރިން ތިބީ މާޒިޔާ އާއި ކުލަބު އީގަލްސް އަދި ޓީސީ ސްޕޯޓްސް ކްލަބްގަ އެވެ. މިއީ، އެ ޓީމްތަކަށް އޮތް އެޑްވާންޓޭޖެއް ތޯ އެހުމުން ނިޒާމްބެ ބުނީ ބިދޭސީ ކުޅުންތެރިންނަށް ބަލާއިރު އެހާ ތަފާތު ބޮޑު ކުޅުންތެރިން ފަހަކަށް އައިސް ފެނުނީ ވަރަށް މަދުން ކަމަށާއި، މާޒިޔާގައި މި ވަގުތު ތިބި ކުޅުންތެރިންގެ ފެންވަރު އަދި އެހާ ބޮޑަށް އަންދާޒާ ކޮށްލަން އުނދަގޫ ކަމަށެވެ.

"ފަހުގެ ތާރީހެއްގައި އަދި ހަމަ ގައިމުވެސް މިދިޔަ 12 ވަރަކަށް ސީޒަނަށް ބަލާއިރު ތަފާތު ޕްލޭޔަރެއް ފެނުނީ މިދިޔަ ސީޒަންގައި ދެ ކުޅުންތެރިން. އެއީ މާޒިޔާއިންނާއި ވެލެންސީޔާއިން. އެނޫނިއްޔާ ނެތް އެހާ ބޮޑު ތަފާތެއް ދެއްކި ފޮރިން ޕްލޭޔަރުންނެއް. ފަހުން އައި ޕްލޭޔަރުންނަށް އަދި އެހާ މެޗެއް ނުލިބޭ. ކުރިން އައި ކުޅުންތެރިޔާގެ ފަރާތުން އަދި އެހާ ތަފާތު ކަންތައްތަކެއް އަދި ނުފެނޭ. އެހެންނަމަވެސް ފޮރިން ޕްލޭޔަރުންނަކީ ދެ ޓީމްގެ ތަފާތެއް ކަމަށް ބަލަންޖެހޭ." ނިޒާމްބެ ބުންޏެވެ.

ނިޒާމްބެ ބުނީ ފުރަތަމަ މެޗުން ބަލިވެފައި އޮތުމުން ބުރުގެ ފުރަތަމަ ޑިވިޝަންގެ ފެށުން ރަނގަޅު ކުރުމަށް މި މެޗަށް ރަނގަޅަށް ތައްޔާރުވާނެ ކަމަށެވެ.

މާޒިޔާ އަކީ މެޗުގެ ފޭވަރިޓުންނަށްވިޔަސް ހިތްވަރާއިއެކު ކުޅެ ނަތީޖާ ހޯދޭނެ ކަމަށް ގަބޫލުކުރާ ކަމަށެވެ. އޭގެ މިސާލެއްގެ ގޮތުގައި އޭނާ ދެއްކީ މިހާތަނަށް ރާއްޖޭގައި ބޮޑެތި ޓީމްތަކުން ވަރުގަދަ ސްކޮޑުތަކާ އެކު ނިކުމެ ބައެއް މެޗުތަކުގައި އަޅައިކިޔުމަކަށް ބަލާއިރު، ކުޑަކޮށް އާދައިގެ ކުޅުންތެރިން ތިބި ޓީމްތައް އަތުން ބަލިވެފަ ވުމެވެ.

ބުރާއި މާޒިޔާ ކުޅޭ މެޗު ފަށާނީ ރާއްޖެ ގަޑިން 22:00 ގަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox