ޖަޕާނުގައި އޮތް އިވެންޓެއްގެ ތެރެއިން ބޮޑު ވަޒީރު ފުމިއޯ ކިޝީޑާއަށް އަމާޒުކޮށް "ދުން" ބޮމެއް އެއްލައިފި އެވެ.
އެކަން ހިނގުމުން ކިޝީޑާ ވަގުތުން އިވެކުއޭޓް ކުރި އިރު، އެމަނިކުފާނަށް އެއްވެސް އަނިޔާއެއް ލިބިފައެއް ނުވެ އެވެ.
އެ ހާދިސާ ހިނގި ވަކަޔާމާއިން ތުހުމަތު ކުރެވޭ ފިރިހެނަކު ހައްޔަރު ކުރި އެވެ. އެއީ އުމުރުން 24 އަހަރުގެ ރިޔޫޖީ ކިމޫރާ ނަމަކަށް ކިޔާ މީހެކެވެ.
މަންޒަރު ދުށް ފަރާތަކުން ބީބީސީއަށް ބުނީ މީހަކު އެއްޗެއް އެއްލި ތަން ފެނުނު ކަމަށާއި އޭގެ ފަހުން ދުން އެރި ކަމަށެވެ. އިތުރު މީހަކު ބުނީ އެއްޗެއް ގޮވި އަޑު އިވުނު ކަމަށެވެ. އެ ސަރަހައްދުން އެއްވެސް މީހަކަށް އަނިޔާއެއް ނުވެ އެވެ.
ދައުރުވަަމުންދާ ވީޑިއޯތަކުން ފެންނަނީ ތުހުމަތު ކުރެވޭ މީހާ ބިންމައްޗަށް ވައްޓާލައި އޭނާ ހިފަހައްޓަން ފުލުހުން މަސައްކަތް ކުރާ މަންޒަރެވެ. އޭނާ އެ އެމަލު ހިންގި ސަބަބެއް ސާފެއް ނޫނެވެ.
ބޮޑެތި ކުށްތައް ޖަޕާނުގައި ވަރަށް މަދެވެ. އެހެން ނަމަވެސް ފަހަކަށް އައިސް ވަޅި ހެރުމާއި ސިޔާސީ ފަރާތްތަކަށް ޓާގެޓް ކުރުން އިތުރުވެފައިވެ އެވެ.
މިދިޔަ އަހަރު ދިން ބަޑީގެ ހަމަލާއެއްގައި ކުރީގެ ބޮޑު ވަޒީރު ޝިންޒޯ އަބޭ ވެސް ވަނީ އަވަހާރަކޮށްލައިފަ އެވެ.
