ހަލައްކަ ޓޫރިސްޓުން ހަމަވިޔަސް، އަދި އޮތީ ބޮޑު މަސައްކަތެއް!

ރާއްޖެއަށް އައި ޓޫރިސްޓުންތަކެއް ވެލާނާ އެއާޕޯޓްގައި. ޓޫރިސްޓުން އަންނަ ރޭޓް ދަށެއް ނުވޭ. ފޮޓޯ:އަބްދުﷲ އިޔާން/އަދަދު

ރާއްޖެއަށް އައި ޓޫރިސްޓުންތަކެއް ވެލާނާ އެއާޕޯޓްގައި. ޓޫރިސްޓުން އަންނަ ރޭޓް ދަށެއް ނުވޭ. ފޮޓޯ:އަބްދުﷲ އިޔާން/އަދަދު

ޓޫރިޒަމްގެ ތަފާސް ހިސާބުތަކަށް އެކަނި ބަލައިލީމާ ފެންނަނީ އުފާވެރި މަންޒަރެކެވެ. މިއަހަރުގެ މިހައިތަނަށް ރާއްޖެއަށް ޒިޔާރަތްކުރި ޓޫރިސްޓުންގެ އަދަދު 600،000 ފަހަނަ އަޅައި ގޮސްފައިވާ ތަނެވެ. އެކަމަކު އޭގެ ފުނަށް ފީނައިލުމުން ފެންނަނީ މިއަހަރަށް ކަނޑައެޅި އަމާޒު ކަމަށްވާ 1.8 މިލިޔަން ޓޫރިސްޓުން ހަމަކުރަން އަދިވެސް ބޮޑެތި މަސައްކަތްތަކެއް ކުރަން އެބަހުރި ކަމެވެ.

ޓޫރިޒަމް މިނިސްޓްރީން އެންމެ ފަހުން އާއްމުކުރި ތަފާސް ހިސާބުތައް ދައްކާ ގޮތުން މިދިޔަ ބުދަ ދުވަހާ ހަމައަށް ރާއްޖެއަށް 592،605 ޓޫރިސްޓުން ވަނީ ޒިޔާރަތްކޮށްފަ އެވެ. މިހާރު ވެސް ދުވާލަކު ރާއްޖެއަށް އަންނަ ޓޫރިސްޓުން އަދަދު 5،000 އިން މަތީގައި ހުރުމުން، ޖެހިގެން އައި ބުރާސްފަތި ދުވަހު 600،000 ހަމަވާނެކަން އެނގެ އެވެ. އެކަމަކު ހަމަ އެ ހިސާބުތަކުން ދައްކާ ގޮތުގައި މިދިޔަ އަހަރުގެ މިދިޔަ އަހަރުގެ އޭޕްރިލް މަސް ދެބަޔަށް ދިޔަ އިރު އައި ޓޫރިސްޓުންގެ އަދަދާ ބަލާއިރު މިހާރު ކުރިއެރުން ހުރީ އެންމެ 10 ޕަސެންޓްގަ އެވެ.

ޓޫރިޒަމް މިނިސްޓަރު ޑރ. އަބްދުﷲ މައުސޫމު "އަދަދު" އަށް ވިދާޅުވި ގޮތުގައި މިއަހަރުގެ ފުރަތަމަ ހަތަރުމަސް ދުވަސް ރަނގަޅަށް ދިޔަ ނަމަވެސް، މިމަހުން ފެށިގެން ކުރިއަށް އޮތް ތިން މަހުން ބައި މިލިޔަން ޓޫރިސްޓުން ނުލިބިދާނެ އެވެ.

Advertisement

"އޭޕްރިލް، މެއި، ޖޫން ގައި ބައިމިލިޔަން [ޓޫރިސްޓުން] ނުލިބުމުގެ ފުރުސަތު އެބަ އޮތް. އެއީ މިމަހުގެ ވެސް ގްރޯތު މިދިޔަ އަހަރާ އަޅައި ބަލާފައި ހުންނާނީ މިހާރު ހަ ޕަސެންޓުގައި. އެއަށް ވުރެ ބޮޑަށް އިތުރުވާން ޖެހޭ،" މައުސޫމު ވިދާޅުވި އެވެ.

އޭނާ ވިދާޅުވި ގޮތުގައި މެއިމަހާއި ޖޫންމަހު ޓޫރިސްޓުން އަންނަ އަދަދު އެހާ ރަނގަޅުވާނެކަމުގެ ހަބަރެއް ޓޫރިޒަމް އިންޑަސްޓްރީއަކުން އަދި ނުލިބެ އެވެ.

ވައިގެ ދަތުރުގެ އަގުބޮޑުވުމަކީ ގޮންޖެހުމެއް، ހަލުތައް އެބަ ހޯދޭ

މިނިސްޓަރު ވިދާޅުވި ގޮތުގައި ޓޫރިޒަމަށް މިހާރު އޮތް އެންމެ ބޮޑު ގޮންޖެހުމަކީ އެކަށީގެންވާ ވަރަށް ވައިގެ ދަތުރު ނުކުރެވުމާއި ދަތުރުގެ އަގުބޮޑުވުމެވެ. ކޮވިޑުގެ ކުރިން ރާއްޖެއަށް އެއް ގައުމަކުން އެންމެ ގިނަ ޓޫރިސްޓުން އައި ޗައިނާއިން ޓޫރިސްޓުން އައުމަށް ވެސް މިހާރު އޮތް އެންމެ ބޮޑު ހުރަހަކީ އެޔެވެ.

"ޗައިނާއިން އަޅުގަނޑުމެން ހީކުރި އަދަދު ނުލިބެނީ ހަމަ އެވަރަށް ފްލައިޓްތައް ނެތީމާ. އަންނަން ބޭނުންވާ މީހުންތައް އެބަތިބި. ފްލައިޓްތައް ހުރީ ވަރަށް އަގުބޮޑުކޮށް. ލާހިކު އަގަކަށް ފްލައިޓްތައް ތިރިވެފައި ފްލައިޓްގެ ފްކެއުއެންސީ އިތުރުވީމާ އެކަންތައް ރަނގަޅުވާނެ،" މައުސޫމު ވިދާޅުވި އެވެ.

އޭނާ ވިދާޅުވި ގޮތުގައި ރާއްޖޭގެ ބެޑްކެޕޭސިޓީ މިހާރު ބޮޑުތަނުން އިތުރުވެފައި ވާތީ ރާއްޖޭގެ އިންޑަސްޓްރީއަށް ޖުމްލަކޮށް ހިންދެމިލެވޭނީ ޓޫރިސްޓުން އަންނަ ރޭޓް މިދިޔަ އަހަރަށް ވުރެެ 10 ޕަސެންޓް ކުރީގައި ހިފެހެއްޓިގެންނެވެ. އެކަމަށް ޓަކައި ރާއްޖެއަށް ކުރާ ބައިނަލް އަގުވާމީ ވައިގެ ދަތުރުތައް ގިނަކުރުމާ އެކު އެތެރޭގެ ދަތުރުފަތުރު ވެސް މިހާރަށް ވުރެ ފަސޭހަވާން ޖެހެ އެވެ.

"އެހެންވީމާ އަޅުގަނޑުމެން އުއްމީދުކުރަނީ އެތެރޭގެ ދަތުރުފަތުރަށް ފަހިވެގެން، އެއީ އާރުޓީއެލް ގުޅައިލެވިގެންނާއި އެތެރޭގެ އުދުހުންތަކަށް އިތުރު ފަހިކަމެއް އައިސްގެން، ދުރު ރަށްރަށަށް ފަސޭހައިން ޓޫރިސްޓުންނަށް ދެވޭގޮތް ވާން ފެށީމާ އަނެއްކާ ވަރަށް ބޮޑު ކުރިއެރުމެއް އަންނާނެ ކަމަށް،" މައުސޫމު ވިދާޅުވި އެވެ.

މިނިސްޓަރު ވިދާޅުވީ ރާއްޖެއަށް ކުރާ ވައިގެ ދަތުރުތައް އިތުރުކުރަން މިހާރު ވެސް ގިނަ މަސައްކަތްތަކެއް ކޮށް، އުއްމީދީ ހަބަރުތަކެއް ލިބިފައިވާ ކަމަށެވެ. އެފަދަ އެއް ހަބަރަކީ މެލޭޝިއާގެ ބަޓިކް އެއާ އިން ރާއްޖެއަށް ދަތުރުތައް ފަށަން ތައްޔާރުވާ ހަބަރެވެ.

އޮސްޓްރޭލިއާގެ ބަޖެޓް އެއާލައިނެއް ކަމަށްވާ ޖެޓްސްޓާ އިން ވެސް ރާއްޖެއަށް ދަތުރުތައް ފެށުމުގެ މަޝްވަރާތައް ކުރިއަށް ދާ ކަމަށް އޭނާ ވިދާޅުވި އެވެ.

"މިދޭތެރޭން ކޮރެއާ ޓޫރިޒަމް ވަފުދެއް މިކޮޅަށް ވަޑައިގެންފި. އެބޭފުޅުން ވެސް އަޅުގަނޑުމެންނަށް ހަބަރުކުރި ކޮރެއަން އެއާލައިނުން ވެސް ރާއްޖެއަށް ދަތުރުތައް ފެށުމުގެ ފުރުސަތު އެބައޮތް ކަމަށް،" މިނިސްޓަރު ވިދާޅުވި އެވެ.

ކަންތައްތައް ރަނގަޅަށް ދާ ނަމަ އަހަރު ނުނިމެނީސް 1.8 މިލިޔަން ހަމަވާނެ

މިނިސްޓަރު ވިދާޅުވީ ބައިނަލް އަގުވާމީ ވައިގެ ދަތުރު އަގުބޮޑުވެފައިވާތީ ކުރިމަތިވެފައިވާ ދައްޗަށާއި ރާއްޖޭގެ އެތެރޭގެ ދަތުރުތައް އުނދަގޫކޮށް އޮތް އޮތުމަށް ހައްލެއް ލިބިއްޖެ ނަމަ މިއަހަރަށް ކަނޑައެޅި އަމާޒު އަހަރު ނިމުމުގެ ކުރިން ހާސިލުކުރެވިދާނެ ކަމަށެވެ.

"އަޅުގަނޑުމެން ވެސް މި ބަލަނީ އަހަރުގެ ޓާގެޓް ހާސިލުވިކަން ފާހަގަކޮށްލަން ލިބޭނޭ ދެތިން ހަފުތާއެއް އަތުގައި ބާއްވާފައި،" މައުސޫމު ވިދާޅުވި އެވެ.

އެއީ މި އޭޕްރިލް މަސް ނިމުމާ އެކު ޗައިނާ މީހުންގެ ޗުއްޓީއެއް ފެށޭތީ އެވެ. މައުސޫމު ވިދާޅުވި ގޮތުގައި އެއީ ޓޫރިސްޓުން އަންނަ އަދަދު އަނެއްކާ ވެސް އިތުރުވާނެ ދުވަސްވަރެކެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox