ތުރުކީ އާއި ސީރިއާގެ ގުޅުން ރަނގަޅު ކުރުމަށް ރަޝިއާ މެދުވެރިވެގެން ކުރާ މަސައްކަތުގެ ދަށުން ގައުމުތަކުގެ ފޮރިން މިނިސްޓަަރުންގެ ބައްދަލުވުމެއް ބާއްވަން ވިސްނަމުންދާ ކަމަށް އިއުލާންކޮށްފި އެވެ.
ތުރުކީގެ ފޮރިން މިނިސްޓަރު މެވްލުތް ކަވުސޮގްލޫ ވިދާޅުވީ މޭ މަހުގެ ތެރޭގައި ތުރުކީ އާއި ރަޝިއާ އަދި އިރާނާއި ސީރިއާގެ ފޮރިން މިނިސްޓަރުންގެ ބައްދަލުވުމެއް ބޭއްވުން އެކަށީގެންވާ ކަމަށެވެ.
ސީރިއާގެ 12 އަހަރުވީ ދިގު ދާހިލީ ހަނގުރާމައިގައި ރައީސް ބައްޝާރުލް އަސަދުގެ ފައުޖާާ ދެކޮޅަށް އުޅޭ ގްރޫޕްތަކަށް އެންމެ ބޮޑަށް ތާއީދުކުރާ އެއް ގައުމަކީ ތުރުކީ އެވެ.
ސީރިއާގެ އުތުރުގައި އުޅޭ ކުރުދީންނާ ދެކޮޅަށް ހަނގުރާމަ ކުރަން ތުރުކީގެ ސިފައިން ވެސް އެ ސަރަހައްދުގައި ހަރަކާތްތެރިވި އެވެ.
"ބައްދަލުވުން އޮންނާނެ ކަމަށް ބެލެވެނީ މޭ މަހުގެ ކުރީކޮޅު މޮސްކޯގައި،" ކަވުސޮގްލޫ ވިދާޅުވި އެވެ.
އޭގެ ފަހުން ހަތަރު ގައުމުގެ ލީޑަރުންގެ ބޮޑު ބައްދަލުވުމެއް ބޭއްވުން އެކަށީގެންވާ ކަމަށް ވެސް އޭނާ ފާހަގަކުރެއްވި އެވެ.
ސީރިއާގެ ހަނގުރާމަ ފެށި ފަހުން ތުރުކީ އާއި ސީރިއާގެ ޑިފެންސް މިނިސްޓަރުންގެ އެންމެ ބޮޑު މަޝްވަރާ އޮތީ މިދިޔަ ޑިސެމްބަރު މަހު މޮސްކޯގަ އެވެ.
ސީރިއާގެ ރައީސް ބައްޝާރުލް އަސަދަށް އެންމެ ބޮޑަށް އެއްބާރުލުންދޭ ގައުމަކީ ރަޝިއާ އެވެ. ރަޝިއާއިން ބާރުއަޅަނީ ސީރިއާއިން ތުރުކީއާ އެކު ސުލްހަވުމަށެވެ.
