ކުރު ކޮންޓްރެކްޓެއްގައި ލަމްޕާޑް އަލުން ޗެލްސީއާ ހަވާލުވަނީ

Apr 6, 2023, 12:50 AM
ކުރު ކޮންޓްރެކްޓެއްގައި ލަމްޕާޑް އަލުން ޗެލްސީއާ ހަވާލުވަނީ

ލަންޑަން (އޭޕްރީލް 6) - މީގެ ދެ މަހެއްހާ ދުވަސްކުރިން، އެވަޓަންގެ ކޯޗުކަމުން ވަކިކުރި ފްރޭންކް ލަމްޕާޑް، ކުރު މުއްދަތުގެ ކޮންޓްރެކްޓެއްގައި އަލުން ޗެލްސީގެ ކޯޗުކަމާ ހަވާލުވާން އެއްބަސްވުމަކަށް އަތުވެފައިވާ ކަމަށް ރިޕޯޓްތައް ބުނެފި އެވެ.

ޗެލްސީގެ ކޯޗުކަމުން މިދިޔަ ސެޕްޓެމްބަރު މަހު ތޯމަސް ޓުޗެލް ވަކިކޮށް، ހަމަޖެއްސި ގްރަހަމް ޕޮޓާ ވަނީ މިދިޔަ ހަފްތާގައި މަގާމުން ވަކިކޮށްފަ އެވެ.

އިނގިރޭސި ޕްރިމިއާ ލީގުގައި މިދިޔަ އަންގާރަ ދުވަހުގެރޭ އަމިއްލަ ދަނޑުގައި ލިވަޕޫލާ ލަނޑެއް ނުޖެހި އެއްވަރުވި މެޗުގައި ޗެލްސީ އަށް ކޯޗުކޮށްދިނީ ޕޮޓާއާ އެކު މަސައްކަތް ކުރި އެސިސްޓަންޓް ކޯޗު، ބްރޫނޯ ސަލްޓޯ އެވެ. އެ މެޗު ބަލަން ޗެލްސީގެ ވީއައިޕީ ސީޓެއްގައި ލަމްޕާޑް ވެސް އިނެވެ.

Advertisement

ރިޕޯޓްތައް ބުނާގޮތުން ލަމްޕާޑް ވަނީ މި ސީޒަނުގެ ނިޔަލަށް ޗެލްސީ އަށް ކޯޗުކޮށްދޭން ނިންމައިފަ އެވެ. ލަމްޕާޑްގެ ވިސްނުން ޗެލްސީއާ އެކު ދާއިމީ ކޮންޓްރެކްޓަކަށް ހުރި ނަމަވެސް، ރިޕޯޓްތައް ބުނާގޮތުން ޗެލްސީގެ ބޯޑު މެމްބަރުންގެ މެޖޯރިޓީ އޮތީ ދާއިމީ ކޮންޓްރެކްޓެއްގެ ދަށުން ސްޕެއިންގެ ލުއިސް އެންރީކޭ ނޫނީ ޖަރުމަނުގެ ހޫލިއަން ނާގަލްސްމަންއާ ޓީމު ހަވާލުކުރާށެވެ.

ދާދި ފަހުން ބަޔާން މިއުނިކްގެ ކޯޗުކަމުން ވަކިކުރި ހޫލިއަން ނާގަލްްސްމަން އާއި މިދިޔަ ޑިސެމްބަރު މަހު ސްޕެއިން ގައުމީ ޓީމުން ވަކިކުރި އެންރީކޭ ވިސްނައިގެން ހުރީ މި ސީޒަނަށް ފަހު ޓީމަކާ ހަވާލުވާށެވެ.

ޗެލްސީ އަށް އެންމެ ގިނަ ގޯލު ޖަހައިދިނުމުގެ ރެކޯޑް އޮތް ކުޅުންތެރިޔާ ލަމްޕާޑް، ކޯޗިން ކެރިއަރުގައި 2019 ވަނަ އަހަރުގެ ޖުލައި މަހުން ފެށިގެން 2021 ވަނަ އަހަރުގެ ޖެނުއަރީ އަށް ޗެލްސީ ކޯޗަކަށް ހުއްޓެވެ. އެ ފަހަރު، ލަމްޕާޑް ވަކިކޮށް ގެނައި ކޯޗަކީ ޓުޗެލް އެވެ. ލަމްޕާޑް، ޗެލްސީ އަށް ކޯޗުކޮށްދިން 84 މެޗުގެ ތެރެއިން 44 މެޗުން މޮޅުވެފައިވެ އެވެ.

އެންމެ އަވަހަށް ޗެލްސީ ކުޅޭ މެޗުގައި އަންނަ ހޮނިހިރު ދުވަހު ބައްދަލުކުރާނީ ވުލްވްސްއާ އެެވެ. އެ އަށް ފަހު، ޗެމްޕިއަންސް ލީގުގެ ކުއާޓާ ފައިނަލުގައި ރެއާލް މެޑްރިޑާ ދެކޮޅަށް ނުކުންނާނެ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox