އެމްޑީޕީގެ ރައީސް މުހައްމަދު ނަޝީދު ވަކި ފެކްޝަނެއް ހައްދަވައިގެން، ޕާޓީގެ ރިޔާސީ ކެންޑިޑޭޓާ ދެކޮޅަށް ކުރައްވާ މަސައްކަތާމެދު ފިޔަވަޅެއް އަޅާފައި ނުވަނީ ނަޝީދަށް ކުރައްވާ އިހުތިރާމުގެ ސަބަބުން ކަމަށް އެ ޕާޓީގެ ޗެއާޕާސަން ފައްޔާޒު އިސްމާއިލު ވިދާޅުވެއްޖެ އެވެ.
ރިޔާސީ އިންތިހާބަށް އެމްޑީޕީއާއެކު ކޯލިޝަން ހަދާފައިވާ އަދާލަތު ޕާޓީ އާއި އެމްޑީއޭއާއެކު އަންގާރަ ދުވަހު މުލިއާގޭގައި ކުރިއަށް ގެންދިޔަ މަޝްވަރާ ބައްދަލުވުމަށްފަހު ނޫސްވެރިންނާ ވާހަކަ ވާހަކަ ދައްކަވަމުން ފައްޔާޒު ވިދާޅުވީ ނަޝީދަކީ އެ ޕާޓީ އުފެއްދުމުގައި އަދި ރާއްޖެއަށް ޑިމޮކްރަސީ ގެނައުމުގައި އިސް ރޯލެއް އަދާކުރެއްވި ބޭފުޅެއްކަން އެމްޑީޕީން އަދިވެސް ބަލައިގަންނަ ކަމަށެވެ.
"އަޅުގަނޑުމެންގެ އިހުތިރާމު ރައީސް ނަޝީދަށް އެގޮތަށް ދިނުމުގެ ގޮތުން އަޅުގަނޑުމެން އަދި ބައެއް ފަހަރު ފަހަތަށް ޖެހިލައިގެން މި ތިބެނީ، ކަންބޮޑުވެގެނެއްވެސް ނޫން ބިރަކުންވެސް ނޫން، އަޅުގަނޑުމެން އަޅަންޖެހިއްޖެ ފިޔަވަޅެއް އެ ހާލަތަކަށް ގޮސްފި ކަމަށް ވެއްޖިއްޔާ ކޮންމެ ބޭފުޅަކާ ދޭތެރޭވެސް އަޅާނަން،" ފައްޔާޒު ވިދާޅުވި އެވެ.
ޖެނުއަރީ މަހު ބޭއްވި އެމްޑީޕީގެ ރިޔާސީ ޕްރައިމަރީގައި ނާކާމިޔާބު ވެވަޑައިގެންނެވި ފަހުން ނަޝީދު މަސައްކަތް ކުރައްވަނީ "ފިކުރެއްގެ ދިރުން" ނަމުގައި ވަކި ފެކްޝަނެއް ހުފައްދަވައިގެން. އެ ފެކްޝަނުގައި ރައީސް ސޯލިހު އައްޔަން ކުރައްވާފައިވާ ބައެއް މިނިސްޓަރުންނާއި ކުންފުނިތަކުގެ މެނޭޖިން ޑިރެކްޓަރުން އަދި ރައްޔިތުންގެ މަޖިލީހުގެ ބައެއް މެމްބަރުން ހިމެނެ އެވެ.
ނަޝީދުގެ ފިކުރެއްގެ ދިރުން ފެކްޝަނުގެ ތާއީދު، ސެޕްޓެމްބަރު 9 ގައި ބާއްވާ ރިޔާސީ އިންތިހާބަށް ރައީސް އިބްރާހިމް މުހައްމަދު ސޯލިހަށް ނުލިބޭނެ ކަމަށް ނަޝީދު ވަނީ ތަކުރާރުކޮށް ވިދާޅުވެފަ އެވެ.
ކުރިއަށް އޮތް އިންތިހާބުގައި އެ ފެކްޝަނުން ތާއީދުކުރާނެ ކެންޑިޑޭޓެއް އިއުލާނުކުރާނެ ކަމަށް ވެސް ރައްޔިތުން މަޖިލީހުގެ ރައީސްގެ މަގާމުގައި ވެސް ހުންނެވި ނަޝީދު ވަނީ ވިދާޅުވެފަ އެވެ. ނަޝީދުގެ ފެކްޝަނުން މިހާރު އަންނަނީ ކުރިއަށް އޮތް އިންތިހާބުގައި ޖުމްހޫރީ ޕާޓީއާއެކު މަސައްކަތް ކުރުމަށް މަޝްވަރާ ކުރަމުންނެވެ. ޖޭޕީއިން ވަނީ ރިޔާސީ އިންތިހާބުގައި ރައީސް ސޯލިހާއެކު ކޯލިޝަން ނުހަދައި އެ ޕާޓީއިން ކެންޑިޑޭޓަކު ނެރުމަށް ނިންމާފަ އެވެ.
މުހިންމު ބައެއް ހަބަރު
ކުވެއިތު ފަންޑުގެ އެހީގައި ތަރައްގީ ކުރާ ހަތް ހޮސްޕިޓަލަށް ފަންޑު ހަމަޖެހޭނެ ކަމަށް އާ ތާރީހެއް ފިނޭންސް މިނިސްޓަރު އިބްރާހިމް އަމީރު ދެއްވި ކަމަށް އިއްޔެ ރިޕޯޓުކުރި އެވެ.
ސަރުކާރު ކޯލިޝަންގައި ހިމެނޭ ޖުމްހޫރީ ޕާޓީން ކުރިއަށް އޮތް ރިޔާސީ އިންތިހާބުގައި ވަކިން ވާދަކުރަން ނިންމުމާ ގުޅިގެން އެ ޕާޓީ އަށް ނިސްބަތްވާ މެމްބަރުން ސަރުކާރުގެ މަގާމުތަކުން ވަކިކުރަންޖެހޭ ކަމަށް، ނުވަތަ ވަކިވާންޖެހޭ ކަމުގެ އަޑުތައް ގަދަވެފައިވާއިރު، އެމްޓީސީސީގެ މެނޭޖިން ޑިރެކްޓަރު އާދަމް އާޒިމް ވިދާޅުވީ އޭނާއަކީ އެ ޕާޓީގެ ދަފުތަރުގައި އޮތް މީހެއް ނޫން ކަމަށެވެ.
ކުރީގެ ރައީސް މައުމޫން އަބްދުލްގައްޔޫމްގެ ސަރުކާރުގައި ރާއްޖޭގެ ޖަލުތައް ބެލެހެއްޓެވި އިސްތަފާ އިބްރާހިމް މަނިކު މިއަދު އަވަހާރަވެއްޖެ އެވެ.
އެޗްޑީސީގެ ޑެޕިއުޓީ މެނޭޖިން ޑިރެކްޓަރުގެ މަގާމަށް، ބްރޯޑްކާސްޓިން ކޮމިޝަން (ބްރޯޑްކޮމް) ގެ ކުރީގެ ނައިބު ރައީސް އަހުމަދު ގައިސް އައްޔަންކޮށްފި އެވެ.
މާލޭ ކެފޭއެއްގެ ތެރޭގައި މާރާމާރީ ހިންގި ކަމުގެ ތުހުމަތުގައި ފުލުހުން ހޯދަމުންދިޔަ އިބްރާހިމް ފައިހް ނިޒާމް 30 ދުވަހަށް ބަންދު ކުރުމަށް ކްރިމިނަލް ކޯޓުން އަމުރުކޮށްފި އެވެ.
ޖުމްހޫރީ ޕާޓީ އާއި މޯލްޑިވިއަން ޑިމޮކްރެޓިކް ޕާޓީގެ ރައީސް މުހައްމަދު ނަޝީދުގެ މަންދޫބުން މިރޭ ބައްދަލު ކުރައްވައި، މެނިފެސްޓޯއެއް ހެދުމުގެ މަސައްކަތް ފަށައިފި އެވެ.
ދުވަހުގެ ކޯޓޭޝަން
އެމްޑީޕީގެ ރައީސް މުހައްމަދު ނަޝީދަށް ފިޔަވަޅު ނާޅަނީ އެ މަނިކުފާނަށް ކުރައްވާ އިހުތިރާމުގެ ސަބަބުންކަން ފާހަގަ ކުރައްވައި އެމްޑީޕީގެ ޗެއާޕާޝަން ފައްޔާޒު އިސްމާއީލް ވިދާޅުވީ؛
އަޅުގަނޑުމެންގެ އިހުތިރާމު ރައީސް ނަޝީދަށް އެގޮތަށް ދިނުމުގެ ގޮތުން އަޅުގަނޑުމެން އަދި ބައެއް ފަހަރު ފަހަތަށް ޖެހިލައިގެން މި ތިބެނީ، ކަންބޮޑުވެގެނެއްވެސް ނޫން ބިރަކުންވެސް ނޫން، އަޅުގަނޑުމެން އަޅަންޖެހިއްޖެ ފިޔަވަޅެއް އެ ހާލަތަކަށް ގޮސްފި ކަމަށް ވެއްޖިއްޔާ ކޮންމެ ބޭފުޅަކާ ދޭތެރޭވެސް އަޅާނަން،"
