ކާމިޔާބު ހޯދައި، ރާއްޖޭގެ ކުޅިވަރުގެ ހަރުފަތް މައްޗަށް ޖެއްސުމުގެ އަމާޒެއް

Mar 5, 2023, 7:43 AM
މޯލްޑިވްސް އޮލިމްޕިކް ކޮމިޓީގެ އަހަރީ އާންމު ޖަލްސާގެ ތެރެއިން އެ ކޮމިޓީގެ ރައީސް ސައްތާރު ވާހަކަ ދައްކަވަނީ.--- ފޮޓޯ: މުހައްމަދު ޝާބިން/ އަދަދު

މޯލްޑިވްސް އޮލިމްޕިކް ކޮމިޓީގެ އަހަރީ އާންމު ޖަލްސާގެ ތެރެއިން އެ ކޮމިޓީގެ ރައީސް ސައްތާރު ވާހަކަ ދައްކަވަނީ.--- ފޮޓޯ: މުހައްމަދު ޝާބިން/ އަދަދު

ބައިނަލްއަގުވާމީ ލެވަލްގައި ރާއްޖޭގެ ކުޅިވަރު ކުޅުންތެރިން ހޯދާ ކާމިޔާބީތައް އިތުރުކޮށް، ރާއްޖޭގެ ކުޅިވަރު މިހާރު އޮތް ހިސާބުން ވެސް އެއް ހަރުފަތް މައްޗަށް ޖައްސާލުމަކީ މިހާރު އޮތް މޯލްޑިވްސް އޮލިމްޕިކް ކޮމިޓީ (އެމްއޯސީ)ގެ ލީޑަޝިޕްގެ އެންމެ އިސް އަމާޒުކަމަށް އެމްއޯސީގެ ރައީސް މުހައްމަދު އަބްދުއްސައްތާރު ވިދާޅުވެއްޖެ އެވެ.

މޯލްޑިވްސް އޮލިމްޕިކް ކޮމިޓީ އާއި ސްވިމިން އެސޯސިއޭޝަން އޮފް މޯލްޑިވްސްގެ ރައީސްކަން ކުރައްވަމުން އަންނަ ސައްތާރު މިހެން ވިދާޅުވީ، އިއްޔެ ބޭއްވި މޯލްޑިވްސް އޮލިމްޕިކް ކޮމިޓީގެ އަހަރީ އާންމު ޖަލްސާ އަށް ފަހު އޮތް ނޫސްވެރިންގެ ބައްދަލުވުމުގަ އެވެ.

މި އަހަރު ރާއްޖޭން ބައިނަލް އަގުވާމީ ފަސް ގޭމްސްއެއްގައި ވާދަކުރާނެ އެވެ. އެ ގޮތުން، ވާދަކުރާ ގޭމްސްތަކުގެ ތެރޭގައި ހިމެނެނީ ޓްރިންޑާޑް އެންޑް ޓޮބޭގޯގައި ބާއްވާ ކޮމަންވެލްތު ޔޫތު ގޭމްސް، އިންޑޮނީޝިއާގައި ބާއްވާ އެނޮކް ވޯލްޑް ބީޗް ގޭމްސް، މަޑަގަސްކަރާގައި ހޯސްޓްކުރާ އިންޑިއަން އޯޝަން އައިލެންޑް ގޭމްސް (އައިއޯއައިޖީ)، ޗައިނާގައި ބާއްވާ އޭޝިއަން ގޭމްސް އަދި ތައިލެންޑްގައި ކުރިއަށްދާ އޭޝިއަން އިންޑޯ އެންޑް މާޝަލް އާޓްސް ގޭމްސް އެވެ.

މީގެ ތެރެއިން އައިއޯއައިޖީ އާއި އޭޝިއަން ގޭމްސް އަކީ ރާއްޖޭން ބޮޑު ކޮންޓިންޖެންޓެއް ވާދަކުރާ ގޭމްސްތަކެކެވެ. އަދި އައިއޯއައިޖީ އަކީ ރާއްޖޭން މެޑަލް ޓާގެޓްތަކެއް ކަނޑައަޅައި، ބޮޑު ކާމިޔާބަށް އަމާޒުކުރާ ގޭމްސް އެކެވެ.

"އަޅުގަނޑުމެންނަށް ހީވަނީ މި އަހަރު އެ (2019 ވަނަ އަހަރުގެ އައިއޯއައިޖީ) އަށް ވުރެ ވެސް ބޮޑު ކާމިޔާބެއް ލިބޭނެ ކަމަށް. އަޅުގަނޑުމެންނަށް އިންފްރާސްޓްރަކްޗާތަކެއް ޑިވެލޮޕްވަމުން އައުމާ އެކު އަޅުގަނޑުމެންގެ ވެސް ކުޅިވަރު ބާ ހައިކޮށްފި. ނަތީޖާތައް މިދަނީ ރަނގަޅު ކުރަމުން އަޅުގަނޑަށް ހީވަނީ އަޅުގަނޑުމެން އައިއޯއައިޖީގައި ވެސް މި ފަހަރު ދައްކާނީ އެ އަށް ވުރެ މާ ރަނގަޅު ނަތީޖާއެއް ހެން،" ސައްތާރު ވިދާޅުވި އެވެ.

"އަޅުގަނޑުމެންނަށް ފެންނަނީ ވަރަށް ރަނގަޅު މުސްތަގުބަލެއް ހަމަ ހުރިހާ މި ފަހަރު ބައިވެރިވާ ހުރިހާ ގޭމްސްއެއްގައި ވެސް ނަތީޖާ ރަނގަޅުވާނެ ކަމަށް އުންމީދަކީ،"

މޯލްޑިވްސް އޮލިމްޕިކް ކޮމިޓީ (އެމްއޯސީ) އިން އަންނަނީ މި އަަހަރު އޮތް ގޭމްސްތަކަށް ތައްޔާރުވާން ދިވެހި އެތުލީޓުންނަށް އިތުރު ފުރުސަތުތަކެއް ފަހިކޮށްދޭން މަސައްކަތް ކުރަމުންނެވެ. މިހާތަނަށް ބެލިޔަސް އޮލިމްޕިކް ކޮމިޓީގެ ބައިވެރިވުން އޮވެގެން ވަނީ ފުރުސަތުތަކެއް ލިބިފަ އެވެ.

އެ ގޮތުން އޮލިމްޕިކް ކޮމިޓީ މެދުވެރިއެއްގެ ގޮތުގައި މަސައްކަތް ކޮށްގެން، ޕެރިސް އޮލިމްޕިކްސް 2024 ގެ ސްކޮލަޝިޕް، ދިވެހި ހަތަރު އެތުލީޓަކަށް ދީފައިވާއިރު، ދާދި ފަހުން ބޭންކް އޮފް މޯލްޑިވްސް (ބީއެމްއެލް) އިން ވަނީ އޮލިމްޕިކް ކޮމިޓީގެ އެހީތެރިކަމާ އެކު ހަތް އެތުލީޓަކަށް ސްކޮލަޝިޕް ދީފަ އެވެ.

ސައްތާރު ވިދާޅުވީ އޮލިމްޕިކް ކައުންސިލް އޮފް އޭޝިއާ (އޯސީއޭ) މެދުވެރިކޮށް، މި އަހަރު ޗައިނާގައި ބާއްވާ އޭޝިއަން ގޭމްސް އިން ރަނގަޅު ކާމިޔާބުތަކެއް ހޯދުމަށް، ހަަތަރު ކުޅިވަރަކުން އަށް އެތުލީޓަކަށް، ޓްރެއިނިން ފުރުސަތު ހޯދައިދޭން ނިންމާފައިވާ ކަމަށެވެ.

"އިރާދަކުރެއްވިއްޔާ ހަމަ އަޅުގަނޑުމެންގެ ދެން މި އޮތް ގޭމްސްގައި މި އޮތް ލިބޭ މެޑަލްތަކުގެ ގޮތުން އިތުރު ފުރުސަތުތަކެއް ލިބުން ފަހިވެގެންދާނެ ކަމަށް ވިސްނަނީ،" ސައްތާރު ވިދާޅުވި އެވެ.

ސައްތާރު ވިދާޅުވީ ބީއެމްއެލް ކަހަލަ މުއައްސަސާތަކުން ވެސް މި ގޮތަށް ދިވެހި އެތުލީޓުންނަށް ފުރުސަތު ފަހިކޮށްދޭ ޕްރޮގްރާމްތައް ފެށުން ދެކެނީ "ވަރަށް ޕޮޒިިޓިވް" ކަމެއްގެ ގޮތުގައި ކަމަށެވެ. މީގެއިން ލިބޭ އެއް މެސެޖަކީ ދިވެހި ކުޅިވަރު ދަނީ ރަނގަޅު މިސްރާބުންކަން އެކި ފަރާތްތަކުން ބަލައިގަތުން ކަމަށް ސައްތާރުގެ ވާހަކައިގައި ފާހަގަކުރެއްވި އެވެ.

"މީގެއިން މި ދައްކައިދެނީ އަޅުގަނޑުމެންގެ ކުޅިވަރު، ހަމަ ރަނގަޅުވަމުންދާކަން އެ ފެންނަނީ، ދެން، ބީއެމްއެލް އަކީ އަސްލުގައި ހަގީގަތުގައި އެހެން ވަރަށް ނެޝަނަލް އެސޯސިއޭޝަންތަކަށް ވެސް ވަކިން ވެސް އެހީވާ ބައެއް. އެއާ އެއްކޮށް މީތި މި އައީ،" ސައްތާރު ވިދާޅުވި އެވެ.

"(ބީއެމްއެލްގެ މި ސްކޮލަޝިޕް) މި ނަމޫނާއާ އެއްކޮށް އަޅުގަނޑު މި ދެކެނީ، އަޅުގަނޑުމެންގެ އެސޯސިއޭޝަންތައް އަޅުގަނޑުމެންގެ އެތުލީޓުންތައް. ޕޯޑިއަމް ފިނިޝާސް ގޮތުގައި އައީމަ އިތުރު އެހެން މުއައްސަސާތައް ވެސް އަޅުގަނޑުމެންނާ ޖޮއިން ކުރާނެ ކަމަށް. ކުޅިވަރުގެ ހަރުފަތެއް މައްޗަށް ގެންދިއުން މީގެ ވިސްނުމަކީ،"

އޮލިމްޕިކް ކޮމިޓީން ޓްރެއިނިން ފުރުސަތުތައް އެތުލީޓުންނަށް ފަހިކޮށްދޭއިރު، އެސޯސިއޭޝަންތަކުގެ ދެމެހެއްޓެނިވި ތަރައްގީ އަށް ބޭނުންވާ އެހެން ދާއިރާތަކުން ވެސް އެހީތެރިކަން ފޯރުކޮށްދޭ ކަމަށް ސައްތާރުގެ ވާހަކައިގައި ވަނީ ފާހަގަކުރައްވައިފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox