މަޑިފުށީގައި ވޯޓު ފޮށި ފަޅާލުމުން ދަގަނޑު ފޮއްޓަކަށް ވޯޓު އަޅަން ފަށައިފި

މަޑިފުށީގައި ވޯޓު ފޮށި ފަޅާލުމުން ދަގަނޑު ފޮއްޓަކަށް ވޯޓު އަޅަން ފަށައިފި

މިހާރު ކުރިއަށްދާ އެމްޑީޕީގެ ރިޔާސީ ޕްރައިމެރީގެ ތެރެއިން ތ. މަޑިފުށީގައި ބަހައްޓާފައި ހުރި ވޯޓު ފޮއްޓަށް ވޯޓުލުމުގެ ހައްގު ނުލިބޭ މީހަކު ވޯޓުލީ ކަމަށް ތުހުމަތުކޮށް، އެ ރަށުގައި ބަހައްޓާފައި ހުރި ވޯޓު ފޮށި ފަޅާލައިފި އެވެ.

މަޑިފުށި ވޯޓު ފޮއްޓާއި ހަވާލުވެ ހުރި އަހްމަދު ނަސީމް "އަދަދު" އަށް ކިޔައިދިން ގޮތުގައި އެމްޑީޕީއަށް ތާއީދު ކުރާ އެ ރަށު ބައެއް ފަރާތްތަކުގެ ނަން ވޯޓުލުމުގެ ހައްގު ލިބޭ މީހުންގެ ލިސްޓްގައި ހިމަނާފައި ނުވެ އެވެ. އެހެންވެ އެ ފަރާތްތައް ވޯޓުލުމަށް މަރުކަޒަށް އައުމުން ފޮނުވާލަމުން ދާތީ ހިތްހަމަނުޖެހިފައި ތިބި ކަމަށް އޭނާ ބުންޏެވެ.

އެގޮތުން ވޯޓު ފޮށި ފަޅާލީ ވޯޓާސް ލިސްޓުގައި ނަން ނެތް މީހަކު ވޯޓުލީ ކަމަށް ބުނެ ކަމަށް އޭނާ ކިޔައިދިނެވެ. ނަމަވެސް އެއްވެސް ވޯޓު ކަރުދާހަކަށް ގެއްލުންވެފައި ނުވާ ކަމަށް އޭނާ ފާހަގަކުރި އެވެ. އަދި ހަމަ ނުޖެހުން ހުއްޓުވުމަށް ފުލުހުންގެ އެހީތެރިކަން ހޯދި ކަމަށް ވެސް ބުންޏެވެ.

"މިހާރު ހަމަނުޖެހުން ފުލުހުން ހުއްޓުވައިފި. އަަޅުގަނޑުމެން ދެ ފަރާތުގެ ސަޕޯޓަރުންގެ ހާޒިރުގައި ވޯޓުލީ މީހުންގެ ލިސްޓު ބަލާ ފާސްކުރީ، ބެލި އިރު ނެތް ވޯޓް ލިސްޓުގައި ނަން ނެތް މީހަކު ވޯޓު ލާފައެއް، އެ ފަރާތުން (ހަމަނުޖެހުން އުފެއްދި އޮބްސާވަރެއް) ތުހުމަތު ކުރި މީހާ ވެސް އެތަނުގައި ހުރި، އެހެންވެ ދެ ފަރާތުގެ ސަޕޯޓަރުން ވެސް ނިންމީ ވޯޓުލުން ކުރިއަށް ގެންދަން،" އޭނާ ބުންޏެވެ.

ވޯޓު ފޮށި ހަލާކުކޮށްލުމުން މިހާރު އެ ރަށުގައި ވޯޓުލަނީ ކުރީގެ އިންތިހާބެއްގައި ބޭނުންކުރި ދަގަނޑު ފޮއްޓަކަށެވެ. ބައިގަނޑިރެއްހާ އިރު ވަންދެން ވޯޓު ލުން މެދުކެނޑިފައި އޮތުމަށްފަހު، މިހާރު ވޯޓުލުން އަލުން ފަށާފައިވާ ކަމަށް އަހްމަދު ނަސީމް ބުންޏެވެ.

ވޯޓުލުން އަލުން ފެށީ ފަޅާލި ވޯޓު ފޮށީގައި ހުރި ހުރިހާ ވޯޓު ކަރުދާހެއް, އޮބްޒާވަރުންގެ ހާޒިރުގައި ދަގަނޑު ފޮއްޓަށް ބަދަލުކުރުމަށްފަހު އެވެ. ވޯޓު ފޮށި ފާޅާލުމުން, ވޯޓު ކަރުދާސްތައް ވަޔާ ވެސް ދިޔަ އެވެ. ނަމަވެސް, ހުރިހާ ވޯޓު ކަރުދާހެއް ހަމަކޮށް, ދަގަނޑު ފޮއްޓަށް އަޅާފައިވާ ކަމަށް ނަސީމް ބުންޏެވެ.

އެ ފޮއްޓަށް ވޯޓުލުމުގެ ހައްގު ލިބިގެން ވަނީ 227 މީހުންނަށެވެ. މިހާތަނަށް 89 މީހުން ވޯޓުލާފައިވާ ކަމަށް އެ ފޮއްޓާއި ހަވާލުވެ ހުރި އަހްމަދު ނަސީމު ފާހަގަކުރި އެވެ. މިއީ ވޯޓު ލުމުގެ ހައްގު ލިބޭ މީހުންގެ 39.2 އިންސައްތަ މީހުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox