ފުނަދޫގައި ތެޔޮ ރައްކާކުރުން ހުއްޓާލައި ވިޔަފާރި ސެންޓަރަކަށް

ތެޔޮ ރައްކާކުރާ ފޮނަދޫ

ތެޔޮ ރައްކާކުރާ ފޮނަދޫ

މާލޭގެ އުތުރުން ދޫނިދޫއާ ދެމެދުގައި އޮންނަ ފުނަދޫގައި ހުރި ތެޔޮ ރައްކާކުރާ ތާނގިތައް އެހެން ތަނަކަށް ބަދަލުކޮށް ވިޔަފާރި އާއި ޓޫރިޒަމް ސެންޓަރެއްގެ ގޮތަކަށް ތަރައްގީ ކުރުމަށް ރައީސް އިބްރާހިމް މުހައްމަދު ސޯލިހު މިރޭ ވައުދުވެވަޑައިގެންފި އެވެ.

މާލޭ ކާނިވާ ސަރަހައްދުގައި މިރޭ ކުރިއަށް ގެންދިޔަ އެމްޑީޕީގެ ބޮޑު ޖަލްސާގައި އިއުލާނުކުރި "އުފާވެރި މާލެ" މެނިފެސްޓޯގައި ވަނީ ފުނަދޫއާއި މާލެއާ ދެމެދު ދަތުރުފަތުރުގެ ނިޒާމަކުން ގުޅާލައި އެރަށުގައި ކޮންވެންޝަން ސެންޓަރަކާއި ޝޮޕިން މޯލްތަކުގެ އިތުރުން ސިޓީ ހޮޓަލެއް ތަރައްގީ ކުރުމަށް ހިމަނައިފަ އެވެ. އެ މެނިފެސްޓޯގައި ވާގޮތުން އެ ސިޓީ ހޮޓާ ތަރައްގީ ކުރާނީ މުނިފޫހި ފިލުވުމަށް ހާއްސަ ވަސީލަތްތައް ހިމެނޭ ގޮތަށެވެ.

މިރޭގެ ޖަލްސާގައި ވާހަކަދައްކަވަމުން ރައީސް ސޯލިހު ވިދާޅުވީ ފުނަދޫ ތަރައްގީ ކުރުމަށް ބޭނުންވާ ފައިސާ ވެސް މިހާރު ބޭރު ގައުމަކުން ހަމަޖެހިފައިވާ ކަމަށެވެ.

ޒަމާނުއްސުރެ ދިވެހީންގެ ތެރޭގައި ކިޔައިއުޅޭ މާކުންބެ ވާހަކައާ ގުޅިފައި އޮތް ފުނަދޫއަކީ މިހާރު އެސްޓީއޯއިން ތެޔޮ ރައްކާ ކުރުމަށް ބޭނުން ކުރަމުން އަންނަ ރަށެކެވެ. އެ ރަށަކީ މީގެ ކުރިން އެއްވެސް އިރެއްގައި މީހުން ދިރިއުޅުނު ރަށެއް ނޫނެވެ. މީގެ ކުރީގެ ސަރުކާރުތަކުން ވެސް ފުނަދޫ ތަރައްގީ ކުރުމުގެ ވިސްނުން ގެންގުޅެފައިވެ އެވެ.

ފުނަދޫގެ އިތުރުން އެ މެނިފެސްޓޯގައި ވަނީ ކ. އާރަށް ކައިރީގައި އޮންނަ ދިޔަނެރު ފަޅުގައި ސަފާރީ މެރީނާ އަދި ހާބަރެއް ގާއިމު ކުރުމަށް ވެސް ހިމަނައިފަ އެވެ. އެ ފަޅުގައި ގާއިމު ކުރުމަށް ނިންމާފައިވާ ސަފާރީ މެރީނާއަކީ މީގެ ކުރިން ހުޅުމާލޭގައި ގާއިމު ކުރުމަށް ނިންމާފައި އޮތް ތަނެކެވެ. އެހެންނަމަވެސް އެ މެރީނާ ދިޔަނެރު ފަޅުގައި ގާއިމު ކުރުމަށް މެނިފެސްޓޯގައި ހިމާފައި މިވަނީ ހުޅުމާލެ ފޭސް ދޭކުން މާލެ ރައްޔިތުންނަށް ގޯތި ދިނުމަށްޓަކައި އެ ބިން އިތުރަށް ހިއްކަން ނިންމުމާ ގުޅިގެންނެވެ

މިރޭގެ ޖަލްސާގައި ރައީސް އިބްރާހިމް ސޯލިހު ވާހަކަ ދައްކަވަނީ: ފުނަދޫ ތަރައްގީކުރަން ބޭނުންވާ ފައިސާ ހަމަޖެހިފައިވާ ކަމަށް ރައީސް ވިދާޅުވި. -- ފޮޓޯ: އަބްދުﷲ އިޔާން/ އަދަދު
މިރޭގެ ޖަލްސާގައި ރައީސް އިބްރާހިމް ސޯލިހު ވާހަކަ ދައްކަވަނީ: ފުނަދޫ ތަރައްގީކުރަން ބޭނުންވާ ފައިސާ ހަމަޖެހިފައިވާ ކަމަށް ރައީސް ވިދާޅުވި. -- ފޮޓޯ: އަބްދުﷲ އިޔާން/ އަދަދު

މިރޭގެ ޖަލްސާގައި ރައީސް އިބްރާހިމް ސޯލިހު ވާހަކަ ދައްކަވަނީ: ފުނަދޫ ތަރައްގީކުރަން ބޭނުންވާ ފައިސާ ހަމަޖެހިފައިވާ ކަމަށް ރައީސް ވިދާޅުވި. -- ފޮޓޯ: އަބްދުﷲ އިޔާން/ އަދަދު

މިރޭ އިއުލާނު ކުރި މެނިފެސްޓޯގައި ވަނީ މާލޭގައި ހުރި ގުދަންތައް ތިލަފުށްޓަށް ބަދަލު ކުރުމާއި ގުޅީފަޅާއި ގިރާވަރު ފަޅުގައި ހިއްކާ ބިމުގައި ފެނާއި ކަރަންޓާއި ނަރުދަމާ އެޅުމުގެ އިތުރުން އެތަނަށް ބޭނުންވާ އެހެނިހެން އަސާސީ ހިދުމަތްތައްތަކާއި މީހުން ދިރިއުޅުމަށް ބޭނުންވާ ޒަމާނީ ވަސީލަތްތައް ގާއިމު ކުރުމަށް ވެސް ހިމަނައިފަ އެވެ.

އޭގެ އިތުރުން މާލެ ކޮމާޝަލް ހާބަރާއި އަތޮޅު ތެރެއަށް މުދާ އުފުލުމަށް މުދާ އަރުވައި ބޭލުމުގެ ހަރަކާތްތައް ގުޅީފަޅަށް ބަދަލު ކުރުން ހިމެނެ އެވެ. އެއާއެކު ޒަމާނީ ލޯކަލް މާރުކޭޓަކާއި މަސް މާރުކޭޓަކާއި މަލްޓި ސްޓޯރީ ޕާކިން ފެސިލިޓީއާއި ތަފާތު އެކި މުނިފޫހިފުލުވުމުގެ ވަސީލަތްތައް ގުޅީފަޅުގައި ތަރައްގީ ކުރާނެ އެވެ. އަދި އެތަނުގައި ކްރޫސް ޓާމިނަލަކާއި ފެރީ ޓާމިނަލަކާއި ޝޮޕިން މޯލެއްގެ އިތުރުން ހިތްފަސޭހަ، ހިނގާބިނގާވެ އުޅެވޭނެ ޖާގަ ހިމެނޭހެން އެ ސަރަހައްދު ތަރައްގީ ކުރުމަށް ވެސް މެނިފެސްޓޯގައި ހިމަނައިފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox