ރާއްޖޭގައި ޓޫރިޒަމް އިތުރަށް ފުޅާކުރުމަށް ރިސޯޓް ތަރައްގީކުރުމުގެ 14 މަޝްރޫއެއް ކުރިއަށް ގެންދިއުމަށް މިނިސްޓްރީ އޮފް ޓޫރިޒަމުން ނިންމައިފި އެވެ.
ރިސޯޓް ތަރައްގީކުރުމަށް ހާއްސަ 14 ރަށެއް ބީލަމަށް ހުޅުވާލާނެ ކަމަށް ޓޫރިޒަމް މިނިސްޓްރީއިން ވަނީ ނިންމާފަ އެވެ.
ޓޫރިޒަމް މިނިސްޓްރީން އާންމުކުރި ފަތުރުވެރިކަން ފުޅާކުރުމަށް ރިސޯޓް ތަރައްގީކުރާނެ އަތޮޅުތަކުގެ ތެރޭގައި ހިމެނެނީ:
- ހއ. އަތޮޅު
- ހދ. އަތޮޅު
- ރ އަތޮޅު
- ކ. އަތޮޅު
- މ. އަތޮޅު
- ފ. އަތޮޅު
- ގއ. އަތޮޅު
- ގދ. އަތޮޅު
މި އަތޮޅުތަކުންް ޓޫރިޒަމްް ތަރައްގީކުރުމަށް ހާއްސަ ފަޅުތަކާއި ރައްތައް އަންނަ ހަފްތާގެ ތެރޭގައި އިއުލާންކުރުމަށް ނިންމާފައި ވެއެވެ.
ހދ. ހަނިމާދޫ އެއާޕޯޓު އިންްޓަނޭޝަނަލް ފެންވަރަށް ތަރައްގީކުރުމުގެ މަސައްކަތުގެ ބިންގާ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް އަޅުއްވައިދެއްވާފައި ވާއިރު، މި މަޝްރޫއާއި ގުޅިގެން އެ ސަރަހައްދުގައި ޓޫރިޒަމަށް 8،000 އެނދު ގާއިމްކުރުމުގެ މަސައްކަތް ކުރާ ކަމަށް ޓޫރިޒަމް މިނިސްޓްރީއިން މިއަދު ކުރި ޓްވީޓެއްގައި ވިދާޅުވެފައި ވެއެވެ.
ސަރުކާރުގެ އަމާޒަކީ ބޮޑުތިލަދުންމަތީގެ އިންޓަނޭޝަނަލް އެއާޕޯޓަށް ފަހު ފަތުރުވެރިކަމުގެ މަޝްރުއޫތައް އެ ސަރަހައްދުގައި ފައްކާކުރުން ކަމަށް ރައީސް ސޯލިހް ވަނީ ވިދާޅުވެފަ އެވެ.
