ނަޝީދު ވިދާޅުވަނީ ޑިމޮކްރަޓިކް އުސޫލަކީ ތަރައްގީ ގެނައުމުގައި އާބާދީއަށް ބެލުން ކަމަށް

ޕްރައިމަރީ ކެމްޕޭނުގެ ތެރެއިން އެމްޑީޕީގެ ރައީސް މުހައްމަދު ނަޝީދު: ވިދާޅުވީ ސަރުކާރުގެ ތަރައްގީ ޕްލޭން ކަމުނުދާ ކަމަށް -- ފޮޓޯ: މުހައްމަދު ޝާބިން / އަދަދު

ޕްރައިމަރީ ކެމްޕޭނުގެ ތެރެއިން އެމްޑީޕީގެ ރައީސް މުހައްމަދު ނަޝީދު: ވިދާޅުވީ ސަރުކާރުގެ ތަރައްގީ ޕްލޭން ކަމުނުދާ ކަމަށް -- ފޮޓޯ: މުހައްމަދު ޝާބިން / އަދަދު

ރާއްޖެއަށް ތަރައްގީ ގެނައުމުގައި ޑިކޮމްރެޓިކް އުސޫލަކީ އާބާދީއަށް ބަލައިގެން ރަށްތަކަށް ތަރައްގީ ގެނައުން ކަމަށް އެމްޑީޕީގެ ރައީސް މުހައްމަދު ނަޝީދު ވިދާޅުވެއްޖެ އެވެ.

އެމްޑީޕީގެ ރިޔާސީ ޕްރައިމަރީއަށް އެމަނިކުފާނު ކުރައްވަމުން ގެންދަވާ ކެމްޕޭނުގައި ނ. ވެލިދޫއަށް ވަޑައިގެން ބޭއްވި ޖަގަހަ ޖަލްސާގައި ވާހަކަދައްވަމުން ނަޝީދު ވިދާޅުވީ ބޮޑެތި އާބާދީތަކަށް ބޭނުންވާ އަސާސީ ހިދުމަތްތަކާއި އެކަށޭނަ ތަރައްގީ ނުގެނެވެނީ އާބާދީއަށް ނުބަލާ ތަރައްގީގެ މަޝްރޫއުތައް ހިންގާތީ ކަމަށެވެ.

"އެހެން ނަމަވެސް އެހެންނެއް ނޫން މި ވީކީ، ކުޑަ ރަށެއް، ބޮށު ރަށެއް، ފަޅު ރަށެއް ބެލުމެއް ނެތި ކޮންނަމުން ދިޔައީ.. އެހެންވީމާ އަސްލު ކަންކަން އަޅުގަނޑުމެންނަށް ހުރީ ނުވެފަ" ނަޝީދު ވިދާޅުވި އެވެ.

Advertisement

މިއީ ނަޝީދު މީގެ ކުރިންވެސް ތަކުރާރުކޮށް ދައްކަވާފައިވާ ވާހަކަ އެކެވެ. ވެލިދޫގައި ހުންނަވައި އެމަނިކުފާނު މިސާލު ނެންގެވީ 2018 ވަނަ އަހަރު ރައީސް ސޯލިހު އެ ރަށަށް ވައުދު ވެވަޑައިގެންނެވި ހޮސްޕިޓަލު ނޭޅި ލަސްވުމަންދާ ދިއުމުގެ މައްސަލައިންނެވެ.

ނަޝީދު ވިދާޅުވީ ވެލިދޫގައި ހޮސްޕިޓަލެއް އެޅުމަށް އެމްޑީޕީގެ މެނިފެސްޓޯ ތަކުގައި ހިމެނިތާ އެތައް އަހަރެއް ވެފައިވާ ކަމަށާއި އެގޮތުން 2013 އަދި 2018 ގެ މެނިފެސްޓޯގައިވެސް އެ ހޮސްޕިޓަލުގެ ވާހަކަ ހިމެނުނު ކަމަށެވެ.

އެމަނިކުފާނު ދެން މިސާލު ޖައްސަވަމުން ވިދާޅުވީ 27 މީހުން ދިރިއުޅޭ ރަށެއްގައި 60 މިލިއަން ރުފިޔާ ދީގެން ބަނދަރެއް ހަދާފާނެ ކަމަށާއި އެކަމަކު އެ ރަށުގައި ބޮއްކުރައެއްވެސް ނޯވެދާނެ ކަމަށެވެ.

"އެހެން ވީމާ ވެލިދޫގައި ހޮސްޕިޓަލެއް ނޭޅޭނެ،" ނަޝީދު ވިދާޅުވި އެވެ.

މީގެއިތުރުން ވެރިކަމަށް ވަޑައިގެން ފައިސާ ހަރަދުކުރަން ޖެހޭނީ އެކަން ކުރާނެކަމަށް ވެރިކަމަށް އައުމުގެ ކުރީގައި ވައުދުވީ ގޮތަށް ކަމަށާއި އެއީ ޑިމޮކްރަޓިކް އުސޫލު ކަމަށްވެސް ނަޝީދު ވިދާޅުވި އެވެ.

ރާއްޖޭގައި ރަށްތައް ބެހިފަހުރި ގޮތާއި މި ރަށްތަކުގެ ތެރެއިން ދިރުންހުރި ބޮޑެތި ރަށްތަކާއި އެ ރަށްތަކާއި އެހެން ރަށްތައް ގުޅުވައި ހިދުމަތް ފޯރުކޮށްދިނުމަކީ އެމްޑީޕީގެ ތަސައްވަރެއްކަމަށްވެސް ނަޝީދު ވިދާޅުވި އެވެ. އަދި ތަރައްގީ ގެނައުމުގައި އާބާދީގެ އިތުރުން ތަނަަވަސްކަން އުފައްދާ މިންވަރުވެސް ބަލަންޖެހޭކަން ނަޝީދު ފާހަގަކުރެއްވި އެވެ.

ޕްރައިމަރީ ކެމްޕޭނުގައި ރައީސް ސޯލިހު ވެލިދޫއަށް ވަޑައިގެން އަނެއްކާވެސް ވަނީ ވެލިދޫގައި ހޮސްޕިޓަލު އެޅުމަށް ވަރަށް އަވަހަށް ބަޔަކާ ހަވާލުކުރެވޭނެ ކަމަށް ވިދާޅުވެ ރައްޔިތުންނަށް ޔަގީންކަށް ދެއްވާފަ އެވެ. މި މަހުގެ ހަތް ވަނަ ދުވަހު ރައީސް ވިދާޅުވީ ހަފުތާއެއްގެ ތެރޭގައި އެކަން ވާނެ ކަމަށް ބެލެވޭ ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox