އޮސްޓްރޭލިއާގެ ގޯލްޑް ކޯސްޓް ސަރަހައްދުގައި "ސީވޯލްޑް" ކައިރީގައި ވައިގެ ތެރެއިން ދެ ހެލިކޮޕްޓަރު ޖެހި ހިނގި އެކްސިޑެންޓެއްގައި ހަތަރު މީހުން މަރުވެއްޖެ އެވެ.
ކުއީންސްލޭންޑް އެމްބިއުލާންސް ހިދުމަތުން ބުނީ އިތުރު ނުވަ މީހުންނަށް އަނިޔާވެގެން ފަރުވާ ދޭން ޖެހުނު ކަމަށެވެ. އަންހެނަކާއި ދެ ފިރިހެން ކުދިންގެ ހާލު ސީރިއަސް އެވެ. އެ މީހުން ގެންދިޔައީ ހޮސްޕިޓަލަށެވެ.
އޮސްޓްރޭލިއަން ޓްރާންސްޕޯޓް ސޭފްޓީ ބިޔުރޯއިން ބުނީ ހާދިސާ ހިނގި ގޮތް ތަހުގީގު ކުރާނެ ކަމަށެވެ.
އެ ހާދިސާ ހިނގީ ބްރިޒްބޭންގެ 75 ކިލޯމީޓރު ދެކުނުން މެއިން ބީޗްގެ ނަމުގައި ފަތުރުވެރިންގެ މެދުގައި މަގްބޫލުް ހިސާބެއްގައި މެންދުރު 02:00 ހާއިރު އެވެ.
ކުއީންސްލޭންޑްގެ ފުލުހުން ބުނީ ހާދިސާ ހިނގި ވަގުތު އެއް ހެލިކޮޕްޓަރު ބިމަށް ތިރި ކުރަނީ ކަމަށާއި ދެ ވަނަ ހެލިކޮޕްޓަރު ދަތުރަށް ނައްޓާލީ ކަމަށެވެ.
ހަތަރު މީހުން މަރުވެ، ހާލު ސީރިއަސްވި ތިން މީހުން ވެސް ތިބީ އެއް ހެލިކޮޕްޓަރުގަަ އެވެ. ހާދިސާގެ ފުރަތަމ ތަހުގީގީ ރިޕޯޓު އަށް ހަފުތާާ ތެރޭގައި ނެރޭނެ ކަމަށް ރިޕޯޓުތައް ބުނެ އެވެ.
