"ލަކުނު މަދެއް ނޫން" އެކަމަކު، ބެލްޓް އެޅުއްވީ 'ޕާޓީ އަނބުރާ ހޯދަން!'

ނަޝީދުގެ ސަޕޯޓަރުންނާ އެކު މިރޭގެ ބައްދަލުވުމުގައި: ބެލްޓް އަޅައި އެމްޑީޕީގެ މެންބަރުން ނުކުތުމަށް ގޮވާލެއްވި - ފޮޓޯ: މުހައްމަދު ޝާބިން / އަދަދު

ނަޝީދުގެ ސަޕޯޓަރުންނާ އެކު މިރޭގެ ބައްދަލުވުމުގައި: ބެލްޓް އަޅައި އެމްޑީޕީގެ މެންބަރުން ނުކުތުމަށް ގޮވާލެއްވި - ފޮޓޯ: މުހައްމަދު ޝާބިން / އަދަދު

އެމްޑީޕީ 'ސްޓައިލް'ގެ ޖޯޝާއި ފޯރީގެ ތެރޭން ނަޝީދުގެ އަޑު ގުގުމާލި އެވެ;

"ވަޑައިގަންނަވާ އަޅުގަނޑާ އެކުގައި, މި އެމްޑީޕީ ރައްޔިތުންގެ ޕާޓީއަކަށް ހެދުމަށް, ވަޑައިގަންނަވާ އަޅުގަނޑާ އެކު ބެލްޓް އަޅުއްވާ, ދެން ހުއްޓާލާނީ އިރާދަކުރެއްވިއްޔާ ނޮވެމްބަރު 11, 2023 ވާ ދުވަހު ދިވެހިރާއްޖޭގެ ވެރިކަން ހޯދާފައި,"

އަމާޒުވި ހަމަލާއަށްފަހު އާންމުންގެ ތެރެއަށް ނުކުމެ އުޅުއްވުން މަދުކުރައްވަން ޖެހިވަޑައިގެންފައިވާ އެމްޑީޕީގެ ރައީސް މުހައްމަދު ނަޝީދު މިރޭ ސަލްޓަންޕާކަށް ވަޑައިގެންނެވީ, އެމަނިކުފާނުގެ "ފިކުރެއްގެ ދިރުން" ކެމްޕެއިން ރަސްމީކޮށް ފެއްޓެވުމަށެވެ.

Advertisement

ވެރިކަމުގައި ހުންނެވި ރައީސް ސޯލިހާ ވާދަކުރައްވާ, ވާދަވެރި ކެންޑިޑޭޓް ނަޝީދުގެ ސަޕޯޓަރުން އޭރު ރީނދޫ ހެދުމާއި ބުރުގަލާއި ގަމީސް ލައިގެން އެތަނަށް އެއްވެ ތިއްބެވެ. އެމްޑީޕީގެ ރަމްޒީ, އަސްލު ޖޯޝާއި ފޯރިން އެ ވަގުތު, އެ ތަން ގުގުމާލާފައި އޮތީ މާއަޑުހަރުކޮށެވެ.

"އަޅުގަނޑު މި ހުރީ އެމްޑީޕީގެ ޕްރައިމަރީގެ ރިޔާސީ ޓިކެޓަށް ވާދަކުރަން ނުކުމެ," އެ ޖޯޝުގެ ތެރޭން ނަޝީދު އިއުލާން ކުރެއްވި އެވެ. އެމަނިކުފާނުގެ "ފިކުރެއްގެ ދިރުން" ކެމްޕެއިން އެ ހިސާބުން ރަސްމީކޮށް ފެއްޓެވި އެވެ. ވެރިކަމުގައި ހުންނެވި, ރައީސް އިބްރާހިމް މުހައްމަދު ސޯލިހާ ވާދަކުރެއްވުމަށް ނުކުންނެވި އެވެ.

"މި މަސައްކަތުގައި އަޅުގަނޑު ދެމިހުންނާނަން, ޖަނަވަރީ 28 ވަނަ ދުވަހާ ޖެހެންދެން ކޮންމެ ދުވަހަކު ކޮންމެ ދުވަހަކު އިރާދަކުރެއްވިއްޔާ އަޅުގަނޑު މި މަސައްކަތުގައި ދެމިހުންނާނަން," ހޫނު ތަރުހީބުގެ އަތްތިލަބަޑިތަކުގެ ތެރޭން ނަޝީދު ވިދާޅުވި އެވެ.

ނަޝީދު މިރޭގެ ބައްދަލުވުމުގައި: ސޯލިހަށް ވަރަށް ބޮޑަށް ފާޑުވިދާޅުވި - ފޮޓޯ: މުހައްމަދު ޝާބިން / އަދަދު
ނަޝީދު މިރޭގެ ބައްދަލުވުމުގައި: ސޯލިހަށް ވަރަށް ބޮޑަށް ފާޑުވިދާޅުވި - ފޮޓޯ: މުހައްމަދު ޝާބިން / އަދަދު

ނަޝީދު މިރޭގެ ބައްދަލުވުމުގައި: ސޯލިހަށް ވަރަށް ބޮޑަށް ފާޑުވިދާޅުވި - ފޮޓޯ: މުހައްމަދު ޝާބިން / އަދަދު

"އަޅުގަނޑު ނުކުމެ މިހުރީ ލަކުނު މަދުވެގެނެއް ނޫން, ލިބުނު ގެއްލުން ކުޑަވެގެނެއް ނޫން,"

ޕްރައިމަރީގައި ސޯލިހާ ވާދަކުރައްވަން ނުކުންނަން ޖެހުނީ, ނަޝީދު ވިދާޅުވި ގޮތުގައި ޕާޓީ އަލުން އަނބުރާ އާންމު މެންބަރުންނަށް ހޯދައިދިނުމަށެވެ; "މިއީ ތިޔަ ބޭފުޅުންގެ ޕާޓީއެއް, މި ޕާޓީ އަލުން އަނބުރާ ތިޔަ ބޭފުޅުންނަށް ހޯދައިދޭނަން," ނަޝީދު ވިދާޅުވި އެވެ.

ނަޝީދު ވިދާޅުވި ގޮތުގައި, އެމްޑީޕީގެ ރިޔާސީ ކެންޑިޑޭޓެއްގެ ގޮތުގައި ރައީސް ސޯލިހު ހޮވިއްޖެނަމަ, އެމްޑީޕީއަށް ލިބޭނެ ވޯޓު މަދުވާނެކަން ޔަގީނެވެ. އެމްޑީޕީގެ އަބަދުވެސް އަމާޒަކީ ރައްޔިތުންނަށް ހިދުމަތް ފޯރުކޮށްދީ, ހެޔޮވެރިކަމެއް ކޮށްދިނުން ކަމަށްވާއިރު, އެކަން ގެއްލޭ ގޮތަށް ދޫކޮށްލައިގެން ނުހުރެވޭނެ ކަމަށެވެ.

"އަޅުގަނޑަށް ފެންނަ ތަނުގައި އެމްޑީޕީގެ ރިޔާސީ ކެންޑިޑޭޓަކީ ރައީސް އިބްރާހިމް މުހައްމަދު ސޯލިހު ކަމަށްވެއްޖެނަމަ ކުރިއަށް މި އޮތް ރިޔާސީ އިންތިހާބުގައި ވޯޓު ލިބޭނެ މިންވަރު ވަރަށް މަދުވާނެ, ސަރުކާރުގެ މަގާމުތަކުގައި ތިއްބެވި ބޭފުޅުންނާއި މެންބަރުންނާއި އަދި އެ ނޫން ވެސް ވަޒީފާތަކުގައި ތިއްބެވި މެންބަރުން ރައީސް ސޯލިހަށް ތާއިދު ކުރެއްވި ނަމަވެސް, އާއިލާ އާއި ރަހުމަތްތެރިން ތިބީ ރައީސް ސޯލިހަށް ވޯޓު ދޭ ގޮތަކަށް ނޫން," ނަޝީދު ވިދާޅުވި އެވެ.

"އެ ބޭފުޅުން ވަރަށް ސާފުކޮށް ވިދާޅުވަނީ ބުންޏަސް ނުދޭނަމޭ!"

ނަޝީދު ވިދާޅުވީ ރައީސް ސޯލިހު ރިޔާސީ ކެންޑިޑޭޓަކަށް ވެއްޖެނަމަ, އެމަނިކުފާނަށް ލިބޭނީ 20 ޕަސެންޓް ވޯޓު ކަމަށް ގަބޫލު ކުރެވޭ ކަމަށެވެ. ނަޝީދުގެ ހިސާބުން 20 ޕަސެންޓް ކަމަށް ވިދާޅުވިޔަސް, އެ ތަނުގައި ގޮވަމުން ދިޔައީ ރައީސް ސޯލިހަށް ފަސް ޕަސެންޓް ވޯޓު ވެސް ނުލިބޭނެ ކަމަށެވެ.

"އަޅުގަނޑު ނުކުމެ މި ހުރީ މި ޕާޓީ, މި ޕާޓީގެ މެންބަރުންނާ ހަވާލުކުރަން,"

ސޯލިހަށް ފާޑުވިދާޅުވެ, ނަޝީދު ވިދާޅުވީ އެމަނިކުފާނުގެ ވެރިކަމުގެ މި ހަތަރު އަހަރު ހިންގަވާފައިވަނީ އެމްޑީޕީގެ ރައީސާއި އާންމު ގިނަ މެންބަރުންތަކެއް ބާކީކޮށް, އެކަހެރިކޮށްފައި ކަމަށެވެ. އަދި އުޅެނީ އެމްޑީޕީ, ބަދަލުކޮށް އެހެން ޕާޓީއެއް ހެދުމަށް ކަމަށެވެ.

"އެމްޑީޕީގެ ކުލަ އާއި ލޯގޯ ބޭނުންކޮށްގެން މި ޕާޓީގެ 39,000 މީހުން މި ޕާޓީން ވަކިކުރީ މި ދެންނެވި އަނެއް ޕާޓީއަށް މި ޕާޓީ ހެދުމަށްޓަކައި," ނަޝީދު ވިދާޅުވި އެވެ.

ނަޝީދު މިރޭގެ ބައްދަލުވުމުގައި: ނުކުންނެވީ ޕާޓީ އަނބުރާ ހޯދަން ކަމަށް ވިދާޅުވި - ފޮޓޯ: މުހައްމަދު ޝާބިން / އަދަދު
ނަޝީދު މިރޭގެ ބައްދަލުވުމުގައި: ނުކުންނެވީ ޕާޓީ އަނބުރާ ހޯދަން ކަމަށް ވިދާޅުވި - ފޮޓޯ: މުހައްމަދު ޝާބިން / އަދަދު

ނަޝީދު މިރޭގެ ބައްދަލުވުމުގައި: ނުކުންނެވީ ޕާޓީ އަނބުރާ ހޯދަން ކަމަށް ވިދާޅުވި - ފޮޓޯ: މުހައްމަދު ޝާބިން / އަދަދު

ނަޝީދު ވިދާޅުވީ މިއީ 2018 ވަނަ އަހަރު ނޫން ކަމާއި ކޯލިޝަން ހެދުމުގެ ބޭނުމެއް މި ހާލަތުގައި ނެތް ކަމަށެވެ. ހުރިހާ ޕާޓީއެއްގެ ހުރިހާ ލީޑަރުން ތިއްބެވީ އިންތިހާބުގައި ވާދަކުރެއްވޭ ގޮތަށް ކަމާއި, އެހެންކަމުން ކޮންމެ ޕާޓީއެއްގެ ވިސްނުން ވެސް ހުންނާނީ އިންތިހާބަށް ނުކުތުމަށް ކަމަށެވެ.

"...އެ ވިދާޅުވާ ކޯލިޝަންގެ ޗޮއިސެއް ނެތް," ނަޝީދު ވިދާޅުވި އެވެ.

"ޗޮއިސް" އަދި "ކޯލިޝަން"ގެ ބަސް ގެންނަވައި ނަޝީދު, ސޯލިހަށް ހަމަލާތައް އަމާޒު ކުރައްވާފައިވާއިރު, މިއަދު އޮތް ނޫސްވެރިންގެ ބައްދަލުވުމުގައި ވެސް ރައީސް ސޯލިހު ވިދާޅުވީ, މިފަހަރު އިންތިހާބުގައި ކާމިޔާބު ހޯދޭނެ ފުރުސަތު އެންމެ ބޮޑީ އެމަނިކުފާނަށް ކަމަށެވެ. އެމްޑީޕީއަށް އޮތް ޗޮއިސްއަކީ އެއީ ކަމަށެވެ. އަދި, ކޯލިޝަނެއް ނެތި ވެރިކަން ނުހޯދޭނެ ކަމުގެ ހިސާބު ވެސް ސޯލިހު ދެއްކެވި އެވެ.

އެމަނިކުފާނުގެ ފޯމިއުލާ ދައްކާ ގޮތުން އެއް ކެންޑިޑޭޓަކަށް 50 ޕަސެންޓުން މަތީ ވޯޓެއް ނުހޯދޭނެ އެވެ. އެހެންވެ, ކޯލިޝަން ޕާޓްނަރުން މުހިންމެވެ. ކޯލިޝަން ހެދުމަށް މިހާރު ވެސް މައިދާނުގައި ގިނަ ޕާޓީތަކާއި އިންތިހާބަށް ނުކުންނާނެ ކަމުގެ އިޝާރަތް ކުރައްވާފައިވާ ލީޑަރުން އެބަ ތިއްބެވެ. މި ކޯލިޝަންގައި އޮތް ޖުމްހޫރީ ޕާޓީ, އެމްއާރްއެމް އާއި އަދާލަތު ޕާޓީ އެވެ. އަދި, އެމްއެންޕީ އާއި އެމްޑީއެންއަކީ ވެސް ރިޔާސީ އިންތިހާބަށް ފައިނަގާފައިވާ ޕާޓީތަކެވެ.

އެ ފަރާތްތަކުގެ ތާއިދު ލިބޭނެ ކަމުގެ ޔަގީންކަން ސޯލިހަށް އޮތްއިރު, އެމްޑީޕީގެ ޕްރައިމަރީ ވެސް ފަސޭހަ ކަމާ އެކު ކާމިޔާބު ކުރައްވާނެ ކަމަށް މިއަދު ވިދާޅުވި އެވެ. ސޯލިހު ވިދާޅުވީ, އިންތިހާބު އެމަނިކުފާނު ބަލިވާ މަންޒަރު އެއްވެސް ގޮތަކުން ނުފެންނަ ކަމަށެވެ. އެކަން ދެތިން ފަހަރަށް ތަކުރާރު ވެސް ކުރެއްވި އެވެ.

"އިރާދަކުރެއްވިއްޔާ އެމްޑީޕީގެ ޕްރައިމަރީ އަޅުގަނޑު ބޮޑު ތަނުން ކާމިޔާބު ކުރާނަން,"

އެމްޑީޕީގެ ޕްރައިމަރީގެ ފޯރިގަދަވެފައިވާއިރު, ދެ ފަޅީގެ ދެބަސްވުންތަކާއި ހަމަލާތައް ވެސް މިވަނީ އިތުރުވެފަ އެވެ. ޕްރައިމަރީގެ އިންސާފުވެރިކަމާ މެދު ނަޝީދާއި އެމަނިކުފާނަށް ތާއިދު ކުރައްވާ ބޭފުޅުން ގެންދަވަނީ ސުވާލު އުފައްދަވަމުންނެވެ. އެންމެ ބޮޑު ސުވާލެއް އޮތީ ވޯޓުލެވޭ އެމްޑީޕީގެ މެންބަޝިޕް ރަޖިސްޓްރީއާ މެދު އެވެ. ނަޝީދު ތުހުމަތު ކުރައްވާ ގޮތުން, އެ ޕާޓީގައި ފެށުނު ދުވަހުން ފެށިގެން ތިބި ގިނަ މެންބަރުންތަކެއް, ސޯލިހަށް ވޯޓު ނުލާނެތީ, ވަނީ ވަކިކޮށްފަ އެވެ.

އެކަމަކު, އެމްޑީޕީން އެކަމާ ހިތާމަކޮށް މެންބަޝިޕް ރަޖިސްޓްރީގައި އެފަދަ ކަމެއް ހިނގާފައިނުވާނެ ކަމަށް ވަނީ ބުނެފަ އެވެ. މެންބަރުން ވަކިވެފައިވަނީ ފިންގަޕްރިންޓާ ގުޅޭ ގޮތުން އިލެކްޝަން ކޮމިޝަނުން ގެނައި ބަދަލާ އެކު ކަމަށް އެ ޕާޓީން ވަނީ ބުނެފަ އެވެ.

އެމްޑީޕީގެ ޗެއާޕާސަން އަދި ކެބިނެޓްގެ ވަޒީރު, ފައްޔާޒު އިސްމާއިލް ވަނީ އަންނަ ރިޔާސީ އިންތިހާބުގައި އެމްޑީޕީގެ ޓިކެޓް ހާސިލުކުރައްވާނެ ބޭފުޅަކު ހޮވުމަށް ބާއްވާ އިންތިހަބާ ގުޅޭ ގޮތުން ސުވާލު އުފައްދައި, ޕްރައިމަރީ ގަޑުބަޑުކުރުމުގެ ފުރުސަތު ނުދެއްވާނެ ކަމަށް ވިދާޅުވެފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox