"މުއުތަސިމް" ފަދަ ނަންބަރެއް ކޮންމެ ހަފުލާއަކަށް: އޭރަށް 'ފޮނިބައިސާ' ހުއްޓިދާނެ

"މުއުތަސިމް" ފަދަ ނަންބަރެއް ކޮންމެ ހަފުލާއަކަށް: އޭރަށް 'ފޮނިބައިސާ' ހުއްޓިދާނެ

މޭޒު މަތީގައި އޮތް ގަނޑެއްގައި ރައީސް އިބްރާހީމް މުހައްމަދު ސޯލިހު ނޯޓު ކުރައްވަމުން ގެންދެވި އެވެ؛

މިއީ ގދ. ފަރެސްމާތޮޑާގައި ރޭ ބޭއްވި މަސްވެރިންގެ ދުވަހުގެ ޖަލްސާ ލައިވްކުރިއިރު ފެނުނު މަންޒަރެކެވެ. އެ ޖަލްސާގެ އެންމެ "ހާއްސަ ނަންބަރު" ނޫނަސް އެވަގުތު ޕޯޑިއަމް ކައިރީގައި ހުއްޓި ހުރީ މުހައްމަދު މުއުތަސިމް އެވެ.

މަޝްހޫރު ނަމެއް ނޫނެވެ. ސަރުކާރުގެ އިސް ވެރިއެއް ނޫންވީމަ އެވެ. ފަރަންޖީ ގައުމެއްގެ މަންދޫބެއް ވެސް ނޫނެވެ. ރަސްމީ ހައިސިއްޔަތެއް އަދި ހައިބަތެއް ވެސް ނެތެވެ. ހަމަ އާންމު ރައްޔިތެކެވެ. އާދައިގެ މަސްވެރިއެކެވެ.

Advertisement

މުއުތަސިމުގެ ވާޖިބަކަށްވީ މަސްވެރިންގެ ފަރާތުން ރޭގެ ޖަލްސާގައި ޝުއޫރުފާޅު ކުރުމުގެ ނަންބަރު ފުރިހަމަ ކުރުމެވެ.

"އަޅުގަނޑަކީ މަސްވެރިއެއް، ވަރަށް ގިނަ އުދާސްތައް އެބަހުރި...،"

ސަރުކާރަށާއި ރައީސް ސޯލިހަށް ސަނާކިޔަމުން ތައުރީފު އޮއްސާނެ ކަމަށް ވިސްނައިގެން ބަޔަކު ތިބި ނަމަ، އެ ކުށް ހީ މުއުތަސިމް ދުރުކޮށްދިނެވެ. އެވަރުން ފުއްދައި ނުލައި ވާހަކައިގެ "ޓޯނު" ކުޑަކޮށް "ހައި" ވެދާނެ ކަމުގެ އިންޒާރު ރައީސަށާއި މަސްވެރިކަމާބެހޭ ވަޒީރަށް އޭނާ ދުރާލައި ދިނެވެ.

މުއުތަސިމް ވާހަކަ ފެށީ ވެސް ވަރުގަދަ ސުވާލަކުންނެވެ. ކޮންމެ އަހަރެއްގެ ޑިސެމްބަރު 10 ވަނަ ދުވަހު މަސްވެރިންގެ ދުވަހުގެ ގޮތުގައި ފާހަގަކުރަނީ ކީއްވެތޯ އޭނާ އެހި އެވެ. ނަވާރަސަތޭކަ އަށްޑިހަ އެއް ވަނަ އަހަރުން ފެށިގެން މަސްވެރިންގެ ދުވަސް ފާހަގަކުރަމުން އަންނަ އިރު، މަސްވެރިންގެ ކަންބޮޑުވުންތައް ހައްލުނުވާތީ އެވެ. މަސްވެރިކަމުގެ ސިނާއަތް ތަރައްގީ ކުރާނެ ވައުދުވާއިރު، އެކަމަށް ކުރިމަގެއް ނުލިބޭތީ އެވެ.

"މިހުރިހާ ކަންބޮޑުވުންތަކެއްގެ ވާހަކަ ދައްކަ ދައްކަ ތިއްބާ، މިއަހަރަށް އައިއިރު، މިއަހަރު ކުރިމަތިވި ގޮންޖެހުންތައް މާބޮޑު،"

އެއާ ވިދިގެން، ހަފްލާގެ އެންމެ ހާއްސަ ނަންބަރު ފުރިހަމަ ކުރައްވަމުން ރައީސް ފާހަގަކުރެއްވި "ފޮންޏަކަށް" ވެސް މުއުތަސިމް ރައްދު ދިނެވެ.

ރޭގެ ޖަލްސާގައި މަސްވެރިންގެ ފަރާތުން މުއުތަސިމް ވާހަކަ ދައްކަނީ. -ފޮޓޯ: ރައީސް އޮފީސް
ރޭގެ ޖަލްސާގައި މަސްވެރިންގެ ފަރާތުން މުއުތަސިމް ވާހަކަ ދައްކަނީ. -ފޮޓޯ: ރައީސް އޮފީސް

ރޭގެ ޖަލްސާގައި މަސްވެރިންގެ ފަރާތުން މުއުތަސިމް ވާހަކަ ދައްކަނީ. -ފޮޓޯ: ރައީސް އޮފީސް

މުއުތަސިމްގެ ކުރިން ވާހަކަ ދައްކަވަމުން ރައީސް ވިދާޅުވީ މި އަހަރަކީ ސަރުކާރުގެ މަސް ކުންފުނިން ދިވެހި މަސްވެރިންނަށް އެންމެ ގިނަ ފައިސާ ދެވޭ އަހަރަށް ވެގެންދާނެ ކަމަށެވެ.

މިގޮތުން، މިދިޔަ ބުރާސްފަތި ދުވަހުގެ ނިޔަލަށް 966 މިލިއަނަށް ވުރެ ގިނަ ރުފިޔާ މަސްވެރިންނަށް ދެވިއްޖެ ކަމަށާއި އަހަރު ނިމިގެން ދާނީ، މިފްކޯއިން ދިވެހި މަސްވެރިންނަށް އެއް ބިލިއަނަށް ވުރެ ގިނަ ރުފިޔާ ދެވިގެން ކަމަށް އެމަނިކުފާނު ވިދާޅުވި އެވެ.

"މިއީ އެއް އަހަރުގެ ތެރޭގައި ސަރުކާރުން މަސްވެރިންނަށް އެންމެ ގިނަ ފައިސާ ދޭ އަހަރު،" ފަހުރުވެރިކަމާއެކު ރައީސް ރޭ ވިދާޅުވި އެވެ.

އެކަމަކު މުއުތަސިމް ރޭ ވަނީ އެ ހަގީގަތުގެ އަނެއް ފަރާތް ވެސް ރައްޔިތުންނަށް ހާމަކޮށްދީފަ އެވެ.

"މީގެ ކުރިން މަސްކިރާފަ އެ ދުވަހު ލާރި ނުލިބުނަސް ޖެހިގެން އަންނަ ހަފްތާގަ މަސްވެރިންނަށް ލާރި ލިބޭ. މިހާރު އެބައި ވެސް މިދަނީ މަޑުމަޑުން ފަނޑުވަމުން،"

މަސްވެރިންގެ ކަންބޮޑުވުންތައް ހައްލުކުރަން ރައީސް ބޭނުންކުރެއްވި "އަވަސް" މި ލަފުޒު ވެސް މުއުތަސިމަށް ކަމުނުދާ ކަމަށް ބުންޏެވެ. އެ ގޮންޖެހުންތަކާ އެކު މަސްވެރިން އުފުލާ ތަކުލީފު އެނގޭތީ އެވެ. އެކަންކަން ހައްލުކުރަން އިއްޔެ ވެސް މުއުތަސިމަށް މާ ލަސްވެއްޖެ އެވެ.

މަސްވެރިންގެ ހުރި އުދާސްތައް ފުލުފުލުގައި އޭނާ ކިޔައިދެމުންދިޔަ އެވެ. ބަންޑުންކުރަންހުރި ޝުއޫރުތައް ގިނަ ކަމުން ވާހަކަ ތަރުތީބުކުރަން ދަތިވީހެން ވެސް ހީވި އެވެ. އެކަމަކު ހިތްވަރު ކުރި އެވެ. އެހެން ވަޒީފާތަކާ ހިލާފަށް ލޯނާއި ކްރެޑިޓު ސްކީމުތަކުން މަސްވެރިންނަށް ފުރުސަތު ނުލިބޭ ކަމުގެ ޝަކުވާ ވެސް އޭނާ އުފުލި އެވެ.

މުއުތަސިމް ދެއްކި ގިނަ ވާހަކަތަކަށް އިޖާބަ ދިނުމުގެ ގޮތުން ރައީސް ބޯޖައްސަލަވައިލި މަންޒަރު ފެނުނެވެ. އެއްބަސްވެވަޑައިގަންނަވާކަމުގެ އިޝާރާތެއް ދެއްވަމުންނެވެ. އަނެއް ބައި ވާހަކަތައް ގަނޑެއްގައި ނޯޓު ކުރައްވަމުން ވެސް ގެންދެވި އެވެ. މަސްވެރިންގެ ކަންބޮޑުވުންތަކުގެ ދިގު ލިސްޓަށް ރޭ އިތުރުވި އާ ޖުމްލަތަކެކެވެ.

މުއުތަސިމް ވެސް ބުނި ގޮތަށް އަންނަ އަހަރުގެ ޑިސެމްބަރު މަހު ވެސް މަސްވެރިންގެ ދުވަސް ފާހަގަކުރާނެ އެވެ. އަނެއްކާވެސް އެއް ކަންބޮޑުވުންތަކެއް ތަކުރާރުކުރާނެ އެވެ. ހައްލުކުރާނެ ކަމުގެ ވައުދާއި އުއްމީދު އާކުރާނެ ކަން ވެސް ޔަގީނެވެ.

ޑިސެމްބަރު 10، 2023 އާ ހަމައަށް މިއީން އެއް ކަމެއް ހައްލުނުވިޔަސް، ހިތަށް އެރި އެއް ކަމެއް އެބައޮތެވެ. ސަރުކާރުން ބާއްވާ މިފަދަ ހުރިހާ ހަފްލާއެއްގައި ޝުއޫރުގެ ނަންބަރެއް ހިމަނަންޖެހޭ ކަމެވެ. އެއިރުން ލައިވްކުރާ ޖަލްސާތަކުގައި ވަގުތުން ވަގުތަށް "އަސްލު މަންޒަރު" ދައްކުވާނެ ކަމުގެ ބިރާ އެކު ތެދަށް ބަރޯސާވުމުގެ ފުރުސަތު ބޮޑުވާނެ އެވެ.

ކޮމެންޓް

ފަހުގެ ޚަބަރު

ސިޓީބިޓީ: އިހުތިރާމާ ގުޅޭ ގޮތުން ރައީސް މުއިއްޒަށް ސުވާލެއް!

ރައީސް ޑރ. މުއިއްޒު "އިހުތިރާމް އަދާކުރުމުގެ ގައުމީ މަޝްރޫއު" އިފްތިތާހު ކުރެއްވި ނަމަވެސް، އެ މަޝްރޫއުގެ ތަފްސީލާއި އިހުތިރާމުގެ މާނަ ސާފުކޮށްދެއްވާފައި ނުވާތީ މި ލިޔުމުގައި ވަނީ ފާޑުކިޔާފައެވެ. އަދި މުޅި ގައުމަށް ނަސޭހަތް ދެއްވުމުގެ ކުރިން، ރައީސްގެ އަރިހުގައި ތިއްބެވި ބޭފުޅުންގެ އަމަލުތަކާއި ބަސްމަގު ހުރި ގޮތުން އެ ބޭފުޅުންނަށް އިހުތިރާމް ކުރަން ދަސްކޮށްދެއްވާފައިވޭތޯ ލިޔުމުގައި ސުވާލު އުފައްދާފައިވެއެވެ.

ރިންގު ހުސްވަންދެން ދިހަ ބާރަފަހަރަށް ގުޅުމުގެ ދީނީ ހުކުމް

ތިމާގެ އެކުވެރިޔާގެ ހާލަތްތަކާއި އުޒުރުތަކެއް ހުރެދާނެކަމަށް ބެލުމެއް ނެތި އެކުވެރިޔާއަށް އުނދަގޫވާނެހެން ދިހަބާރަ ފަހަރަށް ރިންގު ހުސްވަންދެން ފޯނުކޮށްކޮށް ހުރުމަކީ އެކުވެރިޔާގެ ޑިޖިޓަލް ޕާރސަނަލް ސްޕޭސްއަށާއި ބައުންޑަރީއަށް އަރައިގަތުމެވެ. އެކަމަކީ ދީނީގޮތުން ކޮށްގެންވާނެ ކަމެއް ނޫނެވެ.

ތަދުވަނީތަ ހިތަށް؟ ތިއީ ދެން ކޮންކަމެއް؟

މި ލިޔުމަކީ ފަރެސް އާމިރުގެ ޅެންތަކުގެ ތެރެއިން، 'ހުސްވަތެއް ދުޅައަށް ގުނުން މަކަރަށް ވެދާށި' މި ޅެމުގެ މައްޗަށް ލިޔެފައިވާ ލިޔުމެކެވެ. މި ލިޔުމުގައި ބަލާލާފައިވަނީ އެ ޅެމުގެ ވަކިވަކި ބައިތުތަކުގެ މާނައަށެވެ.

އަހަރެން ވެސް ތަރައްގީ ދެކެން ބޭނުން... އެކަމަކު

1977 ވަނަ އަހަރު ސޮވިއެޓް ޔޫނިއަނުން އައްޑޫ ގަން ކުއްޔަށް ހިފަން ހުށަހެޅި ބޮޑު އަގު، ރާއްޖޭގެ މިނިވަންކަމާއި ވަކިފަރާތަކަށް ނުޖެހޭ ސިޔާސަތު ދެމެހެއްޓުމަށްޓަކައި ރައީސް ނާސިރު ދޫކޮށްލެއްވިއެވެ. މީގެ އިތުރުން، ރާއްޖޭގެ އިގްތިސާދީ މިނިވަންކަން ކަށަވަރުކުރުމަށްޓަކައި ވޯރާ ވިޔަފާރިވެރިން ރާއްޖެއިން ފޮނުވާލައި، ގައުމީ މަސްލަހަތަށް އިސްކަންދެއްވައިގެން މުހިންމު ފިޔަވަޅުތަކެއް އެމަނިކުފާނު އެޅުއްވިއެވެ.

ސިންގަޕޫރާއި ދެކުނު ކޮރެއާގެ ފޮރިން އިންވެސްޓްމަންޓާ އަޅާކިޔުން

ރާއްޖެއަށް ބޭރުގެ އިންވެސްޓްމަންޓްތައް މުހިންމު ނަމަވެސް، ބިން ދޫކުރުމުގައި ދައުލަތަށް ލިބޭ ދާއިމީ ފައިދާއާއި ނުރައްކަލަށް ވިސްނަންޖެހެއެވެ. ސިންގަޕޫރު ފަދަ ގައުމުތަކުގައި ބޭރުގެ އިންވެސްޓަރުންނަށް ބިން ދޫކުރަނީ ހާމަކަންބޮޑު ބީލަމުގެ ނިޒާމެއްގެ ތެރެއިން، ވަކި މުއްދަތަކަށް ކުއްޔަށް ކަމަށްވާއިރު، ބިމުގެ މިލްކިއްޔާތާއި ބަނދަރު ފަދަ މުހިންމު ވަސީލަތްތައް ބާއްވަނީ ދައުލަތުގެ ބާރުގެ ދަށުގައެވެ. އެހެންކަމުން ރާއްޖޭގެ މަޝްރޫޢުތައް ކުރިއަށްގެންދާއިރު މިފަދަ ކާމިޔާބު ނަމޫނާތަކަށް ބަލައި، ދައުލަތުގެ މަންފާ އިސްކުރުން މުހިންމެވެ.

އީގަލް ހިލްސްއާ ނުލައި ވެސް ރަސްމާލެއިން ދާއިމީ ނަފާ ހޯދިދާނެ

ރަސްމާލެ ޓޫރިޒަމަށް އީގަލް ހިލްސްއަށް ދޫކޮށްލައިގެން ނުވާނެ. އޭގެ ބަދަލުގައި، ދިވެހިންގެ ފުރިހަމަ މިލްކުވެރިކަން އޮންނަ "ރަސްމާލެ ހިއްސާ" ކުންފުނިން ބިމުގެ ކޮންޓްރޯލް ހިފަހައްޓައި، ދައުލަތް އެންމެ ލޯނެއް ވެސް ނުނަގައި، ވަޒީފާތަކަށް އަމާޒުކޮށް އަމިއްލަ ހަރަދު އަމިއްލައަށް ބަލަހައްޓާ ދިރުންހުރި ސިޓީއެއް ބިނާކުރަންވީ.

ރައްޔިތުންގެ 'އިހުތިރާމު އަތުލުމުގެ' މަޝްރޫއު

ރާއްޖޭގައި އަހުލާގާއި އިހުތިރާމު ކުރުމުގެ ސިފަ އާލާކުރުމަށްޓަކައި، ރައީސް މުއިއްޒު ވަނީ ފަސް އަހަރު ދުވަހުގެ ގައުމީ ކެމްޕޭނެއް ރަސްމީކޮށް އިފްތިތާހުކޮށްދެއްވާފަ. މި ކެމްޕޭނަކީ ދުނިޔޭގެ ބައެއް ޑިކްޓޭޓަރުން ރައްޔިތުންގެ އަހުލާގު ބައްޓަންކުރަން ހިންގި ފަދަ ހަރަކާތްތަކާ އެއްގޮތް ކަމެއް.

Newsletter

Get the latest news delivered straight to your inbox